- ధైర్యంగా బయటకు వచ్చి న్యాయంకోసం నిలబడాలి
- రాష్ట్రం పరువు తీసిన వారిని ఇంటికి సాగనంపాలి
- కార్యకర్తలకు భువనేశ్వరి పిలుపు
రాయచోటి (చైతన్యరథం): రాష్ట్రంలో తిష్ట వేసిన అవినీతిపరులను రాయలసీమ ప్రజలు పౌరుషంగా అడ్డుకోవాలని…వారి చేతిలో నుండి రాష్ట్రాన్ని కాపాడుకోవాలని పార్టీ కార్యకర్తలకు టీడీపీ అధినేత చంద్రబాబు సతీమణి నారా భువనేశ్వరి పిలుపునిచ్చారు. రాయచోటి నియోజ కవర్గంలో నిజం గెలవాలి పర్యటన సందర్భంగా కార్యకర్తలతో భువనేశ్వరి మాట్లాడుతూ… చంద్ర బాబు పాలనలో సన్‌రైజ్‌ ఆంధ్రప్రదేశ్‌గా పేరు పొందిన ఏపీ నేడు అప్పుల ఆంధ్రప్రదేశ్ అయ్యిందన్నారు. గతంలో ఏపీలో ఉన్న పరిశ్రమ లన్నీ పక్కనున్న రాష్ట్రాలకు తరలివెళ్లిపోయాయి. యువతకు ఉద్యోగావకాశాలు లేక ఇబ్బందులు పడుతున్నారు. టీడీపీ పాలనలో ఏపీకి పెట్టుబడు లు వస్తే.. నేడు ఆ కంపెనీలు ఏపీని వదిలి పారి పోతున్నాయి.రాష్ట్ర సచివాలయాన్ని సహా తాకట్టు పెట్టి, అప్పులు తెచ్చి ఆ అప్పులను మన నెత్తిమీద వేస్తున్నారు.
తెలుగుదేశంపార్టీ కార్యకర్తలు,నాయ కులను గత 5ఏళ్లుగా అనేక ఇబ్బందులకు గురి చేశారు. దేశంలోనే రాజధానిలేని ఏకైక రాష్ట్రం గా ఏపీని మార్చారు.ఇలాంటి పరిస్థితుల్లో రాష్ట్రా న్ని కాపాడుకునేందుకు రాయలసీమ కార్యకర్తలు పౌరుషంగా బయటకు రావాలి. రాష్ట్రాన్ని కాపా డుకునేందుకు నడుం బిగించాలి. ఎవరు ఎదు రొచ్చినా సమర్థవంతంగా ఎదుర్కొనిపోరాడాలి… తెలుగుదేశం జెండాను ఎగరేయాలి. చంద్రబాబు ఏంచేస్తారో అవే చెబుతారు. 2024లో మన ప్రభుత్వం వచ్చిన వెంటనే యువతకు 20లక్షల ఉద్యోగ,ఉపాధి అవకాశాలు ఇవ్వడానికి చంద్ర బాబు సిద్ధంగా ఉన్నారు.
నిరుద్యోగులకు నెలకు రూ.3వేలు నిరుద్యోగ భృతి, రైతులకు సంవత్స రానికి రూ.20వేలు పెట్టుబడిసాయం, 18 సంవ త్సరాలు నిండిన ప్రతి మహిళలకు నెలకు రూ.1,500, చదువుకునే ప్రతి విద్యార్థికి సంవ త్సరానికి రూ.15వేలు, మహిళలకు ఆర్టీసీలో ఉచిత ప్రయాణ సదుపాయం అందిస్తామని చంద్రబాబు చెప్పారు. మహిళలు కూడా చంద్ర బాబు అక్రమ అరెస్టుసమయంలో అలు పెరుగని పోరాటం చేశారు. పోలీసులు ఇబ్బందులు పెట్టి నా ఎక్కడా వెనకడుగు వేయకుండా మా కుటుం బానికి అండగా నిలిచారు. ప్రతి ఒక్కరికీ మేం రుణపడి ఉంటాం. వచ్చే ఎన్నికల్లో మహిళలు కూడా తమవంతు తెలుగుదేశంపార్టీ విజయానికి కృషిచేయాలని భువనేశ్వరి పిలుపు ఇచ్చారు.
