- నచ్చిన వారిని నామినేట్‌ చేసి, విచ్చలవిడిగా దోపిడీ
- సొసైటీల సొమ్ముని కూడా రంగులపిచ్చికి తగలేసిన జగన్‌
- ఓటమి భయంతో ఎన్నికలు పెట్టడం లేదు
- కోర్టులు చెప్పినా లెక్కలేదు
అమరావతి: జగన్‌రెడ్డి ధనదాహానికి రాష్ట్రసహకార రంగం బలైపోయిందని టీడీపీ పొలిట్‌బ్యూరో సభ్యుడు, ఎమ్మెల్యే గోరంట్ల బుచ్చయ్య చౌదరి విమర్శించారు. తన పార్టీవారిని, నచ్చినవారిని నామినేట్‌ చేసి సహకార సంఘాలను నింపేయడం ద్వారా ముఖ్యమంత్రి రూ.1000కోట్ల సొసైటీ సొమ్ము కాజేశాడని ఆరోపిం చారు. మంగళగిరిలోని పార్టీ జాతీయ కార్యాలయంలో బుధవారం ఆయన విలేకరులతో మాట్లాడుతూ జగన్‌ రెడ్డి ధనదాహానికి సహకార రంగం కుదేలైందన్నారు. నిధులు పక్కదారి పట్టించి స్థానిక సంస్థలు సహా, అన్ని వ్యవస్థల్ని ఛిన్నాభిన్నం చేసినట్టే ముఖ్యమంత్రి సహకార రంగాన్ని కూడా నిర్వీర్యం చేశాడు. ఎంపీటీసీలు, జెడ్పీ టీసీలు,సర్పంచ్‌లు,అధికారుల్ని నామమాత్రంగా మార్చి స్థానిక సంస్థల్ని నిర్వీర్యం చేసినట్టే,తనకు నచ్చిన వారిని సహకారసంఘాల్లో నియమిస్తూ ఆ వ్యవస్థని కూడా కోలుకోలేని విధంగా దెబ్బతీశాడు. కోర్టులు చెప్పినా, నాలుగేళ్లుగా సహకార సంఘాల్లో ఎన్నికలు ఎందుకు నిర్వహించలేదో జగన్‌రెడ్డి సమాధానం చెప్పాలి. రాజ్యాంగబద్ధంగా మూడేళ్ల కోసారి ఎన్నికలు నిర్వహిం చాల్సిన సొసైటీల్లో, నచ్చిన వారిని నామినేట్‌ చేసి, సహకార బ్యాంకుల సొమ్ముీా ముఖ్యమంత్రి దోచేస్తున్నా డు. గోడౌన్ల పేరుతో, ఆర్బీకేల ముసుగులో సొసైటీల నిధుల్ని పక్కదారి పట్టిస్తున్నాడు.జగన్‌రెడ్డి నియమించిన వారే సహకార సంస్థల సొమ్ముని పక్కదారి పట్టిస్తున్నా రు. కనీసం ధాన్యం తాలూకా డబ్బులు కూడా రైతుల కు చెల్లించకుండా సొసైటీలు నిర్వీర్యం కావడం నిజం గా బాధాకరం. రైతులకు సకాలంలో ఇవ్వాల్సిన లోన్లు, ఇతర సొమ్ము ఇవ్వలేని దుస్థితికి సహకార సంఘాలు రావడానికి కారణం జగన్‌రెడ్డి, అతని పరివారం సాగి స్తున్న దోపిడీనే. ఆఖరికి ఈ ముఖ్యమంత్రి సొసైటీల సొమ్ముని కూడా తన రంగులపిచ్చికి తగలేశాడని బుచ్చయ్య దుయ్యబట్టారు.
ముఖ్యమంత్రి సొంత ఖజానాకు రూ.1000 కోట్లు
నాలుగున్నరేళ్లలో సహకార సంఘాలు, సొసైటీలలో జరిగిన వ్యవహారాలపై ఆడిటింగ్‌ జరిపించి, తప్పులు జరిగిన చోట, తప్పుచేసిన వారిపై ముఖ్యమంత్రి ఎందు కు చర్యలు తీసుకోలేదు? న్యాయస్థానాలు చెప్పిన సంద ర్భాల్లో కూడా ముఖ్యమంత్రి ఇంతవరకు విచారణ జరి పించి సొమ్ము తిన్నవారిపై ఎలాంటి చర్యలు తీసు కోలేదు. ముఖ్యమంత్రే దొంగయితే ఇక చర్యలేముం టాయి? అధికారులు ప్రేక్షకపాత్ర పోషిస్తుంటే, ముఖ్య మంత్రి తనకు అందాల్సిన సొమ్ము తనకు అందు తోందని నామినేషన్ల పద్ధతిలోనే కార్యక్రమాలన్నీ జరిపి స్తున్నాడు. కేంద్ర ప్రభుత్వ సూచనలు కూడా అమలు చేయకుండా, కేంద్రం నిధుల్ని కూడా పక్కదారి పట్టిస్తు న్నాడు. రాష్ట్రవ్యాప్తంగా సహకార రంగంలోని అవకత వకలపై సమగ్ర విచారణ జరగాలి. ఇప్పటివరకు 1000 కోట్లరూపాయల సహకార సంఘాల సొమ్ము ముఖ్యమంత్రి సొంత ఖజానాకు చేరింది. జగన్‌ నిర్వా కం, సహకార సొసైటీల నిర్వీర్యంతో రైతులు దారుణం గా నష్టపోయారు. రాష్ట్రవ్యాప్తంగా సహకార రంగంలో అవినీతి, అక్రమాలు తప్ప ఏమున్నది గర్వ కారణం అనే పరిస్థితికి వచ్చింది. నష్టాల్లో ఉన్న 7000లకు పైగా సొసైటీలు మూసేసి కొత్త సొసైటీలు ఏర్పాటు చేస్తానన్న హామీ కూడా జగన్‌ అమలుచేయ లేదు. సహకార రంగం నిర్వీర్యంతో రైతులు తీవ్రంగా నష్ట పోయారు. ఆఖరికి రైతులకు పంటల నష్ట పరిహా రం ఇవ్వలేక, ముఖ్యమంత్రి వేలకోట్ల రూపాయల నష్టా న్ని వందల కోట్లుగా తగ్గించి చూపాడు. పాల డెయిరీ లను అమూల్‌ కు కట్టబెట్టి, రాష్ట్ర సంపదను అమూల్‌ కు దోచిపెట్టిన జగన్‌రెడ్డి పాడిరైతుల్ని కూడా మోసగిం చాడని బుచ్చయ్య విమర్శించారు.
భయంతోనే ఎన్నికల నిర్వహణకు సాహసించడం లేదు
ఖాళీగా ఉన్న ఎంపీటీసీ, జడ్పీటీసీ స్థానాల్లో ఎన్నిక లు పెట్టడానికి కూడా జగన్‌ జంకుతున్నాడు. ఓటమి తప్పదన్న భయంతోనే జగన్‌రెడ్డి ఎక్కడా, ఎలాంటి ఎన్నికలు నిర్వహించడం లేదు. 151 మంది ఎమ్మెల్యే లు, దాదాపు 30మంది ఎంపీలు, జెడ్పీటీసీలు, ఎంపీటీ సీలు అన్నీ తనచేతిలో ఉన్నా జగన్‌రెడ్డి సహకార సంఘాల ఎన్నికలకు ఎందుకు మొగ్గుచూపడు? ఏ విధమైన ఎన్నిక జరిపినా,టీడీపీ-జనసేన గెలుస్తాయన్న భయంతోనే ఎన్నికల నిర్వహణకు జగన్‌ సాహసించ డం లేదని బుచ్చయ్య చౌదరి ఎద్దేవా చేశారు.
