నీళ్లడిగితే చంపేస్తారా?

• పల్నాడులో గిరిజన మహిళను ట్రాక్టర్‌తో గుద్ది చంపటం దుర్మార్గం
• టీడీపీ వాళ్లకు నీళ్లెందుకు ఇవ్వరు అని ప్రశ్నిస్తే ప్రాణాలు తీసేస్తారా
• జగన్‌ పాలన రాతియుగం కాక మరేంటి?
• మండిపడ్డ అచ్చెన్నాయుడు

అమరావతి (చైతన్యరథం): తాగడానికి నీళ్లడిగితే చంపేస్తారా అని వైసీపీ మూకల అరాచకాలపై టీడీపీ రాష్ట్ర అధ్యక్షుడు కింజ రాపు అచ్చెన్నాయుడు ఆగ్రహం వ్యక్తం చేశారు. పాలన ఆఖరి రోజుల్లోనూ వైసీపీ కార్యకర్తల అధికార మదం తగ్గడం లేదన్నా రు. పల్నాడు జిల్లా రెంటచింతల మండలం మల్లవరంలో నీనావతి సామిని అనే గిరి జన మహిళను ట్రాక్టర్‌తో గుద్ది చంపటం దుర్మార్గం అని మండిపడ్డారు. టీడీపీ వాళ్ల కు నీళ్లెందుకు ఇవ్వరు అని ప్రశ్నిస్తే చంపే స్తారా? తాగడానికి గుక్కెడు నీళ్లు అడిగితే ప్రాణాలు తీశారంటే జగన్‌ పాలన రాతి యుగం కాక మరేంటి? తాగే నీళ్ల దగ్గర కూడా పార్టీల పేరుతో పక్షపాతం చూపిం చటం దౌర్బాగ్యం. పార్టీలు చూడం, కులం చూడం అంటూ డబ్బాలు కొట్టిన జగన్‌ రెడ్డి దీనికి ఏం సమాధానం చెబుతారు? నా ఎస్సీ, నా ఎస్టీ అంటున్న జగన్‌రెడ్డికి వారిపై జరుగుతున్న మారణకాండ కనిపిం చటం లేదా? జగన్‌ సీఎంగా ప్రమాణ స్వీ కారం చేసిన నాటి నుంచి రాష్ట్రంలో ఎస్టీ, ఎస్సీ, బీసీలపై అరాచకాలు పెరిగి పోయా యి. మాచర్ల ఎమ్మెల్యే పిన్నెల్లి రామకృష్ణా రెడ్డి ప్రోద్బలంతోనే పల్నాడులో వైసీపీ కార్యకర్తలు కిరాతకంగా ప్రవర్తిస్తున్నారు. సామినిబాయిని చంపినవారిపై వెంటనే చర్యలు తీసుకోవాలి. మరో 50 రోజుల్లో టీడీపీ జనసేన ప్రభుత్వం వస్తుంది. ఇప్పు డు అధికారమదంతో అరాచకం చేస్తున్న వారందరకీ బడితె పూజఖాయమని ఒక ప్రకటనలో అచ్చెన్నాయుడు హెచ్చరించారు.