- టీడీపీ కేంద్ర కార్యాలయంలో వేడుకలు
- కేక్‌ కట్‌ చేసిన నాయకులు,అభిమానులు
- విజయంలో యువనేత కృషిపై ప్రశంసలు
మంగళగిరి(చైతన్యరథం): యువనేత, మంత్రి నారా లోకేష్‌ యువగళం పాదయాత్ర ప్రారంభించి నేటికీ రెండేళ్లు పూర్తి అయిన సందర్భంగా టీడీపీ కేంద్ర కార్యాలయంలో సోమవారం నాయకులు కేక్‌ కట్‌ చేశారు. మంగళగిరి టీడీపీ రాష్ట్ర కార్యనిర్వాహక కార్యదర్శి నాదెండ్ల బ్రహ్మం ఆధ్వర్యంలో ఈ కార్యక్రమం జరిగింది. ఈ సందర్భంగా నాయకులు మాట్లాడుతూ సరిగ్గా రెండేళ్ల క్రితం యువగళం తొలి అడుగుపడిరదన్నారు. చిత్తూరు జిల్లా కుప్పం వరదరాజ స్వామి దేవస్థానం నుంచి ప్రారంభమైన యువగళం పాదయాత్ర విశాఖపట్నంలోని అగనంపూడిలో ముగిసిందని పేర్కొన్నారు. 3,132 కిలో మీటర్లు, 226 రోజులు ఈ పాదయాత్ర సాగిందని, నాటి వైసీపీ పాలకులు యువగళం పాదయాత్రను అడ్డుకునేం దుకు టీడీపీ నాయకులపై అనేక అక్రమ కేసులు పెట్టినా, రాళ్లు విసిరినా, దాడులు చేసి నా అదరక..బెదరక యువగళం పాదయాత్రను లోకేష్‌ ముందుండి నడిపించారని తెలిపారు. ప్రజల్లో చైతన్యం తెచ్చి కూటమి ఘన విజ యంలోనూ కీలకపాత్ర పోషించారని ప్రశంసించారు. నారా లోకేష్‌ నేతృత్వంలో రాష్ట్రం మరింత అభివృద్ధి చెందుతుందని ఆకాంక్షించారు. పాదయాత్రలో ప్రజలు విన్నవించు కున్న సమస్యలను పరిష్కరించేందుకు నిరంతరం కృషి చేస్తూ యువత భవిష్యత్తుకు, రాష్ట్ర అభివృద్ధికి అన్ని విధాలా పాటుప డుతున్నారని కొనియాడారు. తండ్రికి తగ్గ తనయుడిలా ప్రతి క్షణం పేదలు, రాష్ట్ర అభివృద్ధే లక్ష్యంగా అడుగులు వేస్తున్నారని పేర్కొన్నారు. విద్యావ్యవస్థలో సమూల మార్పులు చేపట్టి విద్యార్థులను ఉన్నత మార్గంలో నడిపించేందుకు ప్రయత్నిస్తున్నారు. రాష్ట్రాన్ని ఐటీ హబ్‌గా మార్చేందుకు ఏఐ టెక్నాలజీకి దేశంలో ఏపీని కేంద్రంగా మార్చేందుకు ఆయన చేస్తున్న కృషి హర్షణీయమన్నారు. ఈ కార్యక్రమంలో ఎమ్మెల్సీలు అశోక్‌బాబు, రాంగోపాల్‌రెడ్డి, ఫైబర్‌నెట్‌ కార్పొరేషన్‌ చైర్మన్‌ జీవీ రెడ్డి, గౌడ కార్పొరేషన్‌ చైర్మన్‌ గురుమూర్తి, ఆర్యవైశ్య కార్పొరేషన్‌ చైర్మన్‌ డూండి రాకేష్‌, యువగళం టీం సభ్యులు కాసరనేని జశ్వంత్‌, నారాయణస్వామి, రామారావు, రమణారెడ్డి, అనిల్‌, బ్రాహ్మణ సాధికార సమితి కన్వీనర్‌ బుచ్చి రాంప్రసాద్‌, పాతర్ల రమే ష్‌, పరుచూరి కృష్ణ, ఆహ్వాన కమిటీ చైర్మన్‌ హాజీ హసన్‌బాషా, టీడీపీ సీనియర్‌ నాయకులు ఏవీ రమణ, మీడియా కో ఆర్డినేటర్‌ దారపనేని నరేంద్రబాబు తదితరులు పాల్గొన్నారు.
