అమరావతి: ఓటు వేయకపోతే వేటు వేయడం వైసీపీ నయా ఫ్యాక్షన్‌ డెమోక్రసీ అని తెలుగుదేశం పార్టీ జాతీయ ప్రధాన కార్యదర్శి నారా లోకేష్ తీవ్రస్థాయిలో ధ్వజమెత్తారు. ఈ మేరకు ఆయన ట్విట్టర్‌ లో స్పందిస్తూ స్థానిక సంస్థల ఎన్నికల్లో తమ అభ్యర్థుల ఏకగ్రీవానికి ఒప్పుకోకపోతే వైసీపీ దాడులు, ఆస్తుల ధ్వంసం, బెదిరింపులు, కిడ్నాప్‌లు, హత్యలు చేయడం చూశాం. ఎన్నికలై చాలా రోజులైనా టిడిపికి ఓట్లు వేశారని, మద్దతు పలికారనే కక్షతో ఇప్పటికీ వైసీపీ నేతలు నానా ఇబ్బందులకి గురిచేస్తూనే వున్నారు. ప్రకాశం జిల్లా కనిగిరి మండలం గానుగ పెంట గ్రామంలో మర్రి శ్రీను అనే మేకల కాపరి సర్పంచ్‌ ఎన్నికల్లో టిడిపి అభ్యర్థికి ఓటేసి తన ఓటమి కారణం అయ్యాడనే కక్షతో వారి ఇంటినే కబ్జా చేశాడు వైసీపీ నేత పోలయ్య. అధికారం అండతో వైసీపీ నేత పోలయ్య ఏకంగా ఇల్లు ఆక్రమించేయడంతో ఆ కుటుంబం రోడ్డున పడిరది. ఇంకెన్నాళ్లు మీ అరాచకాలు జగన్‌ రెడ్డి గారూ! ప్రజలు తిరగబడకముందే ఇటువంటి కబ్జాలు, అరాచకాలు మానాలని లోకేష్ హితవు పలికారు.
ఓటువేయకపోతే వేటువేయడమే వైసిపి నయా డెమోక్రసీ : నారా లోకేష్
ప్రజలు తిరుగుబాటు చేయకముందే అరాచకాలు ఆపండి
