ఏపీలో రేర్ ఎర్త్ మినరల్స్‌కు ప్రత్యేక కారిడార్

• ఎకో సిస్టమ్ అభివృద్ధి కోసం కలిసి పనిచేద్దాం
• పెట్టుబడిదారులకు ప్రోత్సాహకాలు, రాయితీలు
• ఇందుకోసం రాష్ట్రంలో ప్రత్యేక వ్యవస్థలు
• రష్యా పారిశ్రామికవేత్తలకు మంత్రి లోకేష్ ఆహ్వానం

విశాఖపట్నం(చైతన్యరథం): భారత్-రష్యా సంబంధాలను మరింత బలోపేతం చేయాల్సిన అవసరం ఉందని విద్య, ఐటీ శాఖల మంత్రి నారా లోకేష్ పేర్కొన్నారు. సీఐఐ పార్టనర్‌షిప్ సమ్మిట్‌లో భాగంగా రష్యా`ఇండియా ఆర్థిక భాగస్వామ్యంపై (రష్యా ఇండియా ఎకనమిక్ పార్టనర్‌షిప్: వైజాగ్ టు కజాన్: రీజినల్ పార్టనర్‌షిప్స్ టు గ్లోబల్ ఆపర్చునిటీస్) నిర్వహించిన ప్రత్యేక సదస్సులో మంత్రి లోకేష్ పాల్గొన్నారు. భారత్‌లో రష్యా రాయబారి డెనిస్, ఆయనతో పాటు విశాఖపట్నం వచ్చిన ప్రతినిధి బృందానికి హృదయపూర్వక స్వాగతం పలుకుతున్నాం. రష్యాతో నా పరిచయం, అనుబంధం, ప్రయాణం ఇటీవలే ప్రారంభమ య్యాయి. ఒక దేశాన్ని సందర్శించేటప్పుడు ఆ దేశం గురించి కొన్ని అభిప్రాయాలు, అంచనాలు ఉంటాయి. అయితే సెయింట్ పీటర్స్‌బర్గ్ అంతర్జాతీయ ఆర్థిక సదస్సులో పాల్గొనాల్సిందిగా మీరు నన్ను ఆహ్వానించడం నా అదృష్టంగా భావిస్తున్నట్లు చెప్పారు.

ఆ పర్యటన నాకు రష్యాను సందర్శించే అవకాశాన్ని మాత్రమే కాకుం డా ఆ దేశంతో లోతైన, అర్థవంతమైన సంబంధాన్ని ఏర్పరచుకునే గొప్ప అవకాశాన్ని కల్పించిందని తెలిపారు. గౌరవ ప్రధానమంత్రి నరేంద్ర మోదీ, రష్యా అధ్యక్షులు వ్లాదిమిర్ పుతిన్ గత కొన్నేళ్లుగా నిర్మించిన బలమైన ద్వైపాక్షిక సంబంధాలకు కొనసాగింపుగా ఈ అనుబంధం మరింత బలోపేతమవుతోంది. రష్యాలోని వివిధ రంగాలకు చెందిన అనేక కంపెనీల ప్రతినిధులను కలుసుకునే అవకాశం కూడా లభించింది. అంతేకాకుండా కుటుంబంతో కలిసి రష్యా పర్యటించే అదృష్టం కూడా కలిగింది. ఆ పర్యటన ద్వారా తరతరాలుగా రష్యా నిర్మించుకున్న విలువలు, సంస్కృతి, సంప్రదా యాల గొప్పతనాన్ని మరింతగా అర్థం చేసుకోగలిగామని పేర్కొన్నారు.

పరస్పర సహకారంతో ప్రగతి
భారతదేశ అభివృద్ధి ప్రయాణంలో రష్యా ఎప్పుడూ గొప్ప భాగ స్వామిగా నిలిచింది. ప్రపంచం మనకు దూరమైన సందర్భాల్లో కూడా రష్యా మనకు అండగా నిలిచింది. ఒక యువ భారతీయుడి గా, భారత్-రష్యా సంబంధాలు కేవలం వాణిజ్యానికి మాత్రమే పరిమితం కాకూడదని విశ్వసిస్తున్నా. మన సహకారాన్ని మరింత అర్థవంతంగా విస్తరించుకోవాలి. పరిశోధన రంగంలో పరస్పర జ్ఞానాన్ని, అనుభవాలను పంచుకోవడం, శతాబ్దాలుగా రష్యా సంపాదించుకున్న నైపుణ్యం, సాంకేతిక పరిజ్ఞానాన్ని మన దేశానికి తీసుకువచ్చి ఇక్కడి వనరులు, అవకాశాలతో అనుసంధానం చేసి పరస్పరం విలువను ఎలా సృష్టించుకోవాలి అనే అంశాలపై మనం దృష్టి పెట్టాలని ఆకాంక్షించారు.

వేగంగా అభివృద్ధి చెందుతున్న రాష్ట్రాల్లో ఏపీ
దేశంలో వేగంగా అభివృద్ధి చెందుతున్న రాష్ట్రాల్లో ఏపీ ఒకటి. సీఎం చంద్రబాబు దార్శనికతతో రాష్ట్రం శరవేగంగా అభివృద్ధి సాధిస్తోంది. ఆయన వయసు 76 సంవత్సరాలు కావచ్చు. కానీ ఆయనలో ముగ్గురు 25 ఏళ్ల యువకులు ఉన్నారు. వివిధ తరాల కు చెందిన ప్రజలతో, ప్రపంచంలోని వివిధ దేశాలతో లోతైన, అర్థవంతమైన భాగస్వామ్యాలను నిర్మించాలనే అపారమైన శక్తి, ఉత్సాహం ఆయనలో ఉన్నాయి. ద్వైపాక్షిక సమావేశం సందర్భం గా మనం చర్చించుకున్నట్లుగా ఒక రాష్ట్రంగా ఆంధ్రప్రదేశ్ తర తరాలుగా ప్రపంచంలోని వివిధ దేశాలతో బలమైన సంబంధా లను నిర్మించుకుంటూ వస్తోంది. భారత్-రష్యా దేశాలు కలిసి తమ భాగస్వామ్యంలో సరికొత్త అధ్యాయాన్ని ప్రారంభించడం ఎంతో ఆనందంగా ఉంది. ఇరు దేశాల నాయకులు మన భవిష్యత్ ప్రయాణానికి స్పష్టమైన దిశానిర్దేశం చేశారని వ్యాఖ్యానించారు.

భారత్-రష్యా బంధం మరింత బలోపేతం కావాలి
ఈ రోజు మన గౌరవ కేంద్రమంత్రి పీయూష్ గోయల్ ఒక అద్భుతమైన పోలికను ప్రస్తావించారు. దీపావళి సందర్భంగా వెలి గించే దీపం వెలుగును, శక్తిని అందిస్తుంది. అదేవిధంగా భారత్, రష్యా దేశాలు కూడా పరస్పరం శక్తిని అందించుకుంటూ ఒకరి కొకరు తోడ్పడే భాగస్వామ్యాన్ని నిర్మించుకోవాలి. ఇప్పటికే నిర్మిం చిన బలమైన పునాదులపై ఆధారపడి భారత్-రష్యా సంబంధా లను మరింత బలోపేతం చేయాల్సిన అవసరం ఉంది. రష్యాలో నా పర్యటన సందర్భంగా గుర్తించిన సహకార రంగాలను మరింత ముందుకు తీసుకెళ్లేందుకు ఆసక్తిగా ఎదురుచూస్తున్నానని పేర్కొన్నారు.

రేర్ ఎర్త్ మినరల్స్ కోసం లోతైన పరిశోధనలు
ఏపీలో రేర్ ఎర్త్ మినరల్స్ కోసం ప్రత్యేక కారిడార్‌ను అభివృద్ధి చేస్తున్నాం. ఇందులో లోతైన పరిశోధన, పరస్పర సహకార అవకా శాలను పరిశీలిస్తున్నాం. ఈ రంగానికి సంబంధించి ఎకో సిస్టమ్ అభివృద్ధి, అందుబాటులో ఉన్న అవకాశాలను ఎలా సద్వినియోగం చేసుకోవాలనే అంశాలపై కలిసి పనిచేయాలని భావిస్తున్నాం. ఏపీ మెరుగైన ఫలితాలు సాధించడానికి మరింత వేగంగా ముందుకు సాగడానికి సిద్ధంగా ఉందని తెలిపారు. స్పీడ్, స్టెబిలిటీ, సర్వీస్ ఏపీ ప్రత్యేకతలు. పెట్టుబడులు, ప్రాజెక్టుల అమలులో వేగానికి అత్యంత ప్రాధాన్యత ఇస్తాం. రెండోది స్టెబిలిటీ. మనం చేపట్టే ప్రతి కార్యక్రమం కాలపరీక్షకు, రాజకీయ మార్పులకు తట్టుకుని నిలబ డాలి. పెట్టుబడిదారులకు దీర్ఘకాలిక విధాన స్థిరత్వంపై నమ్మకం కల్పించాలి. రష్యా నుంచి ఆంధ్రప్రదేశ్‌లో పెట్టుబడులు పెట్టాలని ఆసక్తి చూపుతున్న పారిశ్రామికవేత్తల కోసం మేం రెండు ప్రత్యేక వ్యవస్థలను రూపొందిస్తున్నాం. ఎస్క్రో మెకానిజం ద్వారా ప్రభు త్వం పెట్టుబడిదారులకు ప్రకటించిన ప్రోత్సాహకాలు, రాయితీలు తప్పనిసరిగా అందేలా హామీ కల్పించే వ్యవస్థను ఏర్పాటు చేస్తు న్నాం.

ఇన్వెస్టర్ ప్రొటెక్షన్ యాక్ట్ ద్వారా పెట్టుబడిదారుల ప్రయో జనాలను పరిరక్షించేందుకు ప్రత్యేక చట్టాన్ని తీసుకువస్తున్నామని వివరించారు. మూడోది పెట్టుబడిదారులతో ఒకసారి చేతులు కలి పిన తర్వాత అది ఇకపై మీ ప్రాజెక్టు మాత్రమే కాదు. అది మనం దరి ఉమ్మడి ప్రాజెక్టుగా మారుతుంది. ఆ ప్రాజెక్ట్ విజయానికి ప్రభుత్వం కూడా సమాన బాధ్యత తీసుకుంటుంది. ఈ మూడు అంశాల ఆధారంగా రష్యాతో కలిసి పనిచేయడానికి ఎంతో ఆస క్తిగా ఎదురుచూస్తున్నాం. భారత్-రష్యా భాగస్వామ్య ప్రయాణం లో ఇది కేవలం ఆరంభం మాత్రమే. ఈ అద్భుతమైన ప్రయా ణాన్ని మరింత ముందుకు తీసుకెళ్లేందుకు అందరం కలిసి పని చేద్దామని పిలుపునిచ్చారు. ఈ కార్యక్రమంలో రినాక్ ఇండియా లిమిటెడ్ సీఈవో, సీఐఐ కోల్డ్ చైన్ టాస్క్‌ఫోర్స్ కో చైర్మన్ డాక్టర్ సోజీ అబ్రహాం, భారత్‌లో రష్యా రాయబారి డెనిస్ అలి పోవ్, భారతదేశంలోని రష్యన్ ఫెడరేషన్ వాణిజ్య కమిషనర్ ఆండ్రీ సోబోలెవ్, ట్రేడ్ రిప్రజెంటేషన్ ఆఫ్ రష్యా ఇన్ ఇండియా జ్లాటా ఆంటుషేవా, రిపబ్లిక్ ఆఫ్ తతారిస్తాన్ పెట్టుబడుల అభి వృద్ధి సంస్థ డిప్యూటీ హెడ్ లెనార్ జమాలియేవ్, స్బేర్ బ్యాంక్ ఇండియా కార్పోరేట్ అండ్ ఫైనాన్షియల్ ఇనిస్టిట్యూషన్ డిపార్ట్ మెంట్ హెడ్ ఆర్టెమ్ బటాలోవ్, రోసాటమ్ సౌత్ ఏషియా బిజినెస్ డెవలప్‌మెంట్ మేనేజర్ ఎకటెరినా అస్తాషినా, జీSC గిరెడ్‌మెట్ సంస్థ అధిపతి ఆండ్రీ గోలినీ, మోహన్ ముత్తా ఇన్ ఫ్రాస్ట్రక్చర్స్ ప్రైవేట్ లిమిటెడ్ ఎండీ ప్రఫుల్ ముత్తా పాల్గొన్నారు.