- జగన్ పాలనలో అన్ని వర్గాల ప్రజలు నష్టపోయారు
- నేడు ప్రజా ప్రభుత్వంలో బాధితులు బయటకు వస్తున్నారు
- సమస్యల పరిష్కారం కోసం చర్యలు తీసుకుంటున్నాం
- మంత్రి వాసంశెట్టి సుభాష్‌, మాజీ మంత్రి కె.ఎస్.జవహర్‌
- టీడీపీ కేంద్ర కార్యాలయంలో ప్రజల నుంచి అర్జీల స్వీకరణ
- భూ సమస్యలు, భూ కబ్జాలు, ఆగిన బిల్లులపై వినతులు
- ఫీజు రీయింబర్స్‌మెంట్‌, విదేశీ విద్య, సీఎంఆర్‌ఎఫ్‌కు అభ్యర్థనలు
- వైసీపీకి తొత్తులుగా పనిచేసిన అధికారులపైనా ఫిర్యాదులు
మంగళగిరి(చైతన్యరథం): జగన్ రాక్షస పాలనలో అన్ని వర్గాల ప్రజలు తీవ్ర ఇబ్బం దులు పడ్డారని, కూటమి అధికారంలోకి రావడంతో బాధితులు అర్జీలు తీసుకుని వస్తున్నా రని మంత్రి వాసంశెట్టి సుభాష్‌, మాజీ మంత్రి కె.ఎస్.జవహర్‌ అన్నారు. మంగళగిరి తెలుగుదేశం ప్రధాన కార్యాలయంలో గురువారం నిర్వహించిన గ్రీవెన్స్‌సెల్‌లో వారు అర్జీదారుల నుంచి వినతులు స్వీకరించారు. ఈ సందర్భంగా వారు మాట్లాడుతూ వైసీపీ పాలనలో అరాచకాలకు, అకృత్యాలకు రాష్ట్రంలో పేదలకే ఎక్కువగా అన్యాయం జరిగింద ని, నియంత జగన్ పాలనలో ఎవరికి తమ గోడు చెప్పుకోవాలో తెలియక అధికారుల వద్దకు వెళ్లినా పట్టించుకోక తీవ్రంగా నష్టపోయారని అన్నారు. నేడు పేదల ప్రభుత్వంగా ప్రజా సమస్యల పరిష్కారానికి సీఎం చంద్రబాబు పెద్దపీట వేసి కార్యక్రమానికి శ్రీకారం చుట్టారని తెలిపారు. రాష్ట్ర సంక్షేమం, అభివృద్ధిని కాంక్షిస్తూ ప్రజలకు నిరంతరం అందుబా టులో ఉంటూ ప్రజల సమస్యలు పరిష్కరిస్తున్నామని తెలిపారు. అర్జీలను సంబంధిత శాఖల కు పంపి వెంటనే పరిష్కారానికి చర్యలు తీసుకుంటున్నట్లు తెలిపారు. అధికారులు కూడా మానవతా దృక్పథంతో అర్జీలు పునరావతృతం కాకుండా చూడాలని కోరారు. గత ప్రభు త్వంలో పేద, బడుగుల భూములను వైసీపీ నేతలు కబ్జా చేశారు..జగనన్న ఇళ్ల పేరుతో దగా చేశారని మండిపడ్డారు. విద్యార్థులకు ఫీజులు చెల్లించకుండా మోసం చేశారు.. అధికారులను తొత్తులుగా చేసుకుని ఇష్టానుసారంగా వైసీపీ నేతలు ప్రవర్తించారు.. పేదల ఇళ్లను కూల్చారు..బిల్లులు చెల్లించకుండా ఇబ్బంది పెట్టారని, బాధితులకు తగిన న్యాయం చేస్తామని తెలిపారు.
వైసీపీ నేతలు భూమి ఆక్రమించి రిజిస్ట్రేషన్‌ చేయించుకున్నారు
కడప జిల్లా అవధూత కాశీనాయన మండలానికి చెందిన పెద్దిరెడ్డి సుబ్బారెడ్డి అనే బాధితుడు తమకు వారసత్వంగా వచ్చిన భూమి 5 ఎకరాల 26 సెంట్లకు వైసీపీ నేతలు ఫేక్‌ డాక్యుమెంట్లు సృష్టించి లింగారెడ్డి పేరుపై రిజిస్ట్రేషన్‌ చేయించుకున్నారని మొరపెట్టు కున్నాడు. కోర్టు తనకే అనుకూలంగా తీర్పు ఇచ్చినా తన భూమిలో తనను సాగు చేసుకో నివ్వడంలేదని ఆవేదన వ్యక్తం చేశాడు. వెంటనే మాజీ మంత్రి జవహర్‌ ఆ నియోజకవర్గ సమన్వయకర్త రితీష్‌రెడ్డికి ఫోన్‌ చేసి సమస్యను పరిష్కరించాలని సూచించారు.
వేసిన పంటలు కోసేసి అప్పన్న కుమారుల దౌర్జన్యం
గత ప్రభుత్వ హయాంలో అధికారులను లోబరుచుకుని రికార్డులను తారుమారు చేసి తమ భూముల వివరాలను మార్చేసి పొలం తమదైనా వేసిన పంటలను వారు దౌర్జన్యంగా కోసుకుపోతున్నారని బీలా పార్వతి వాపోయారు. ఏలూరు అదనపు జిల్లా న్యాయస్థానం సానుకూలంగా తీర్పు ఇచ్చినా అప్పన్న కుమారుల దౌర్జన్యాలు ఆగడం లేదని వాపోయారు. దీంతో జవహర్‌ అక్కడి డీఎస్పీకి ఫోన్‌ చేసి సమస్య పరిష్కరించాలని సూచించారు.
నిరుపేదల ఇళ్లను వైసీపీ నేతలు కూలగొట్టించారు
విజయనగరం జిల్లా నెల్లిమర్ల మండలం దన్నానపేట గ్రామంలో సుమారు వంద సంవత్సరాల నుంచి జీవిస్తున్న ఎస్పీ మాల కుటుంబాలకు చెందిన 30 నిరుపేద కుటుం బాల ఇళ్లను టీడీపీకి అనుకూలంగా ఉన్నారని జేసీబీలు తీసుకు వచ్చి కూలగొట్టించారని నెల్లిమర్ల ఎస్సీ సెల్‌ ఉపాధ్యక్షుడు టొంపల నర్సయ్య వాపోయారు. పేదల ప్రభుత్వమైన కూటమి ప్రభుత్వం ఎస్సీలకు పక్కా ఇళ్లు కట్టించి ఆదుకోవాలని విజ్ఞప్తి చేశారు.
ఇల్లు మంజూరు చేయండి
ఆళ్లగడ్డ నియోజకవర్గం రుద్రవరం మండలం పెద్దకంబలూరు గ్రామానికి చెందిన ఎన్‌.వెంకటేశ్వర్లు తమకు ఉండటానికి నివాసం లేదని ఇంటిని మంజూరు చేయాలని విజ్ఞప్తి చేశాడు. ఎన్టీఆర్ జిల్లా గంపలగూడెం మండలం తునికపాడు గ్రామానికి చెందిన కె.వినోద్‌ బాబు, డి.రవీంద్రబాబు, ఎం.చైతన్యలు గ్రామ ఎస్సీ కాలనీలో డ్రైనేజ్‌ సమస్యలు, సీసీరోడ్డు సమస్యలు, తాగునీటి ట్యాంక్‌, కమ్యూనిటీ హాల్‌ నిర్మాణం వంటి సమస్యలు పరిష్కరిం చాలని విజ్ఞప్తి చేశారు.
పరిహారం చెల్లించకుండా భూమిలో రోడ్డు వేస్తున్నారు
` ప్రకాశం జిల్లా సి.ఎస్.పురం మండలం కోవిలంపాడు గ్రామానికి చెందిన దేవండ్ల తిరుపయ్య తమకు పరిహారం చెల్లించకుండా తమ భూమిలో ఎన్‌హెచ్‌ 167బీ రోడ్డు నిర్మాణం చేపడుతున్నారని, కోల్పోతున్న భూమి వాస్తవ విస్తీర్ణం చూపించకుండా తక్కువ చూపిస్తున్నారని ఎన్నిసార్లు రెవెన్యూ, ఎన్‌హెచ్‌ అధికారులకు విన్నవించుకున్నా పట్టించు కోలేదని ఆవేదన వ్యక్తం చేశారు.
` అనంతపురం జిల్లా కళ్యాణదుర్గం నియోజకవర్గం కుందుర్పి మండలం కుందుర్పి ఎస్పీ కాలనీలో కనీస మౌలిక వసుతులు లేవని రోడ్లు, డ్రైనేజీ వ్యవస్థ లేక ప్రజలు తీవ్ర ఇబ్బందులు పడుతున్నారని గత ప్రభుత్వం ఏనాడూ తమ కాలనీని పట్టించుకోలేదని మొరపెట్టుకున్నారు. తమ సమస్యను పరిష్కరించాలని విజ్ఞప్తి చేశారు.
సీఎంఆర్‌ఎఫ్‌ కింద ఆదుకోవాలి
` కర్నూలు జిల్లా మద్దికెర మండలం మద్దికెరకు చెందిన మాచినేని వెంకటేశ్వర్లు తాను నిరుపేదనని, తనకు వచ్చిన వ్యాధి కారణంగా కర్నూలు అమిలియో హాస్పిటల్‌లో చికిత్స చేయించుకున్నానని, దానికి సుమారు లక్షకు పైనా ఖర్చు అయినట్లు చెప్పారు. పేదరికం కారణంగా అంత డబ్బు చెల్లించలేనని సీఎంఆర్‌ఎఫ్‌ ఇచ్చి ఆదుకోవాలని కోరారు.
` తోటకూర కిరణ్‌కుమార్‌ తాపీ పనిచేసుకుంటున్న తనకు ఆరోగ్యం సక్రమంగా లేకపోవడంతో సంపాదన లేదని, తన ఇద్దరు ఆడబిడ్డలను చదివించుకోలేకపోతున్నానని, ప్రభుత్వం సాయం చేయాలని విన్నవించుకున్నాడు.
విదేశీ విద్యకు స్కాలర్‌షిప్‌ మంజూరు చేయాలి
` నీట్‌లో 244 మార్కులు సాధించి విదేశాల్లో ఎంబీబీఎస్‌ చదవాలనుకున్న తాను గత ప్రభుత్వ విధానాల వల్ల ఇబ్బందులు ఏర్పడ్డాయని, తన సమస్యను పరిష్కరించి నిరుపేద మైనార్టీ అయిన తనను ఉన్నత విద్య కొనసాగించేందుకు విదేశీ విద్యాదీవెన పథకం ద్వారా స్కాలర్‌షిప్‌ మంజూరుచేయాలని షేక్‌ మహ్మద్‌ జాయెద్‌ కోరారు.
` నూక చెన్నవర్థన్‌ అనే విద్యార్థి తనకు ఇంటర్‌ ఫలితాల్లో మంచి మార్కులు రావడం తో గుంటూరు వడ్లమూడి విజ్ఞాన్‌ యూనివర్సిటీలో బీటెక్‌ జాయిన్‌ అయ్యేందుకు సీటు వచ్చిందని… తనకు వచ్చిన మార్కుల వల్ల కాలేజీ కొంత ఫీజు తగ్గించినా కూడా మిగిలిన రూ.3 లక్షల ఫీజును తాను కట్టుకోలేనని విద్యాశాఖ మంత్రి తన చదవుకు ఆదుకోవాలని విజ్ఞప్తి చేశారు.
విజయవాడ నగరపాలక ఉద్యోగుల వినతి
విజయవాడ నగరపాలక సంస్థ వెహికిల్‌ డిపోలో గత 27 సంవత్సరాలుగా పనిచేస్తున్న మెకానిక్స్‌, హెల్పర్లను క్లీన్‌ ఎన్విరాన్‌మెంట్‌లో చేర్చి జీతాలు పెంచి న్యాయం చేయాలని విజ్ఞప్తి చేశారు. రాయలసీమకు చెందిన పలువురు టీడీపీ నేతలు మాట్లాడుతూ నియోజకవర్గాల్లో ఇంకా పలువురు అధికారులు వైసీపీకి తొత్తులుగా వ్యవహరిస్తూ టీడీపీ నేతలను ఇబ్బంది పెడుతున్నారని ముఖ్యంగా పోలీస్‌ శాఖలో వారు ఉన్నారని వారిని మార్చాలని విజ్ఞప్తి చేశారు.
