- హైకోర్టు కోసం వైసీపీ నాయకులను ఎందుకు నిలదీయలేదు?
- సీమ ప్రాజెక్టుల పనులు ఆగితే నోరుతెరవని కుహనా మేధావులు
- మాజీ మంత్రి కాలవ శ్రీనివాసులు
అనంతపురం : రాయలసీమ ఉద్యమం ముసుగులో కొంతమంది వై.ఎస్‌.జగన్‌రెడ్డి కూలీలు చంద్రబాబుపై విషం కక్కు తున్నారని టీడీపీ పొలిట్‌ బ్యూరో సభ్యులు, మాజీ మంత్రి కాలవ శ్రీనివాసులు విరుచుకుపడ్డారు. అనం తపురంలోని స్వగృహంలో శుక్రవారం సాయంత్రం ఆయన విలేకరులతో మాట్లాడారు. కర్నూలులో కొంతమంది సీమ ద్రోహులు చంద్రబాబు పర్యటనకు ఆటంకాలు కల్పిం చడాన్ని తీవ్రంగా ఖండిస్తున్నాం. మూడు రోజులుగా కర్నూలు జిల్లాలో చంద్రబాబుకు వస్తున్న విశేష జన స్పందనను తట్టుకోలేక వైసీపీ నాయకులు తమ పెయిడ్‌ ఆర్టిస్టులను రంగంలోకి దింపారు. మూడు రాజధానులు కావాలంటున్న వారు పాలనా రాజధా నిగా విశాఖను అంగీకరిస్తారా? కర్నూలులో హైకోర్టు బెంచ్‌ ఉండాలన్నది గతంలోనే చంద్రబాబు నిర్ణయిం చారు. టీడీపీ అధికారంలోకి వచ్చిఉంటే ఈపాటికి అది సాధ్యపడేది. జగన్‌ ముఖ్యమంత్రి కావడం వల్లే హైకోర్టు బెంచ్‌ ఇంతవరకు ఏర్పడలేదు. జగన్‌ కూలి డబ్బులకు ఆశపడి చంద్రబాబును విమర్శిస్తున్న నకిలీ ఉద్యమకారులు హైకోర్టు కోసం వైసీపీ నాయకులను ఎందుకు నిలదీయలేదు? వైసీపీ ఎంపీలు కర్నూలులో హైకోర్టు కోసం ఢల్లీిలో ఏనాడైనా ప్రయత్నాలు చేశారా? ముఖ్యమంత్రి కేంద్రంపై ఎందుకు ఒత్తిడి తేవడం లేదు. అధికారంలో ఉన్నవారిని ప్రశ్నించడం మాని ప్రతిపక్ష నాయకుడిని విమర్శించడమేమేంటి? జగన్‌రెడ్డి ప్రయోజనాలు కాపాడడానికే అతని పేటీ ఎం బ్యాచ్‌ సీమలో చిల్లర రాజకీయాలు చేస్తోంది. గత మూడున్నరేళ్లుగా రాయలసీమ సాగునీటి ప్రాజెక్టుల పనులు పూర్తిగా నిలిచిపోయినా కుహనా మేధావులు ఏనాడూ నోరుతెరవలేదు. వైసీపీ పాలనలో సీమ జిల్లా లకు పరిశ్రమలురావు, ప్రగతి పనుల్లేవు, మెట్టరైతు లకు రాయితీలు ఇవ్వరు. ఇలా అన్ని రంగాల్లో రాయ లసీమను సర్వనాశనం చేస్తున్నా జగన్‌ వినాశకర విధానాలపై పోరాడాల్సిన సమయంలో కొంతమంది పనికిమాలిన సన్నాసులు పనిగట్టుకుని చంద్రబాబుపై దుష్ప్రచారం సాగిస్తున్నారు. ఇలాంటి వైసీపీ ప్రాయో జిత కుట్రలను సీమవాసులు భగ్నం చేయాలి. జగన్‌ కూలీలు రాజకీయ కుట్రలు మానుకోకుంటే గట్టిగా బుద్ధి చెప్పాల్సి వస్తుందని కాలువ శ్రీనివాసులు హెచ్చరించారు.
