- హార్టికల్చర్‌ హబ్‌గా తీర్చిదిద్దేందుకు సహకరించండి
- కేంద్ర ఫుడ్‌ ప్రాసెసింగ్‌ మంత్రి చిరాగ్‌ పాశ్వాన్‌కు మంత్రి లోకేష్‌ వినతి
న్యూఢల్లీి (చైతన్యరథం): పండ్లతోటల అభివృద్ధికి అన్నివిధాల అనుకూలమైన వాతావరణం కలిగిన రాయలసీమను హార్టికల్చర్‌ హబ్‌గా తీర్చిదిద్దేందుకు సహకారం అందించాలని కేంద్ర ఫుడ్‌ ప్రాసెసింగ్‌ పరిశ్రమల మంత్రి చిరాగ్‌ పాశ్వాన్‌కు ఏపీ విద్య, ఐటీశాఖల మంత్రి నారా లోకేష్‌ విజ్ఞప్తిచేశారు. కేంద్రమంత్రి చిరాగ్‌ పాశ్వాన్‌ తో మంత్రి లోకేష్‌ బుధవారం న్యూఢల్లీిలో భేటీ అయ్యారు. ఈ సందర్భంగా లోకేష్‌ మాట్లాడుతూ… రాయలసీమలో రైతులు మామిడి, అరటి, టమోటా, బత్తాయి, దానిమ్మ, ఖర్చూర వంటి పండ్లతోటలను పెద్దఎత్తున సాగు చేస్తున్నారన్నారు. అయితే పంట చేతికొచ్చే సమయంలో గిట్టుబాటు ధర లభించక ఇబ్బందులు ఎదుర్కొంటున్నారు. యువగళం పాదయాత్ర సందర్భంగా వారి కష్టాలను ప్రత్యక్షంగా చూశాను. ఫుడ్‌ ప్రాసెసింగ్‌ యూనిట్ల ఏర్పాటు ద్వారా అక్కడి రైతులకు మెరుగైన రేట్లు లభించి ఆదాయం పెరిగే అవకాశం ఉంది. రాయలసీమలో ఫుడ్‌ ప్రాసెసింగ్‌ రంగంలో పెట్టుబడులకు సహకరించాలని కేంద్ర మంత్రిని లోకేష్‌ కోరారు. దీనికి కేంద్రమంత్రి చిరాగ్‌ పాశ్వాన్‌ స్పందిస్తూ… ఏపీలో ఫుడ్‌ ప్రాసెసింగ్‌ పరిశ్రమ అభివృద్ధికి పూర్తిస్థాయి సహకారం అందిస్తామని భరోసా ఇచ్చారు. తిరుపతి ట్రిపుల్‌ ఐటిలో ఫుడ్‌ ప్రాసెసింగ్‌ ఇంక్యుబేషన్‌ సెంటర్‌ ప్రారంభోత్సవానికి నేను ఏపీకి వస్తున్నాను. జులై 11, 12 తేదీల్లో రాయలసీమ పర్యటనకు వస్తున్నా. మీరు కూడా వస్తే క్షేత్ర స్థాయిలో పర్యటించి ఫుడ్‌ ప్రాసెసింగ్‌ పరిశ్రమల ఏర్పాటుకు గల అవకాశాలపై అధ్యయనం చేద్దాం. అన్నదాతలకు మేలు చేసేందుకు ప్రధాని మోదీ నేతృత్వంలోని కూటమి ప్రభుత్వం చిత్తశుద్ధితో కృషిచేస్త్తోందని కేంద్రమంత్రి పాశ్వాన్‌ చెప్పారు. అనంతరం యువగళం పాదయాత్ర అనుభవాలతో రూపొందించిన యువగళం పుస్తకాన్ని చిరాగ్‌ పాశ్వాన్‌ కు మంత్రి లోకేష్‌ అందించారు.
“““
