- భవిష్యత్ బిజినెస్ లీడర్ల అభివృద్ధికి చర్యలు
- 24 సెక్టార్లలో ఐఎస్బీతో ఒప్పందం
- యువతకు ఉపాధి కల్పన దిశగా అడుగులు
- ప్రజా సౌకర్యం కోసం ‘మనమిత్ర’ యాప్
- సీడాప్ చైర్మన్ గుణపాటి దీపక్రెడ్డి
విజయవాడ(చైతన్యరథం): రాష్ట్రం నుంచి భవిష్యత్ బిజినెస్ లీడర్లను అభివృద్ధి చేయడమే లక్ష్యంగా సీడాప్ పనిచేస్తుందని.. అందుకు ఐఎస్బీతో ఒప్పందం కూడా చేసు కున్నామని ఏపీ ఉపాధి కల్పన, వ్యవస్థాపన అభివృద్ధి సంస్థ(సీడాప్) చైర్మన్ దీపక్రెడ్డి తెలిపారు. నగరంలోని ఎన్టీఆర్ అడ్మినిస్ట్రేటివ్ బ్లాక్లో సీడాప్ కార్యాలయంలో గురువా రం విలేఖరుల సమావేశంలో ఆయన మాట్లాడారు. ఇండియన్ స్కూల్ ఆఫ్ బిజినెస్తో కొన్ని కోర్సులకు ఎంవోయూ చేసుకోవడంలో ముఖ్యమైన ఉద్దేశం వన్ ఫ్యామిలీ-వన్ ఎంటర్ ప్రెన్యూర్ నినాదమని చెప్పారు. అదేవిధంగా సెంచూరియన్ యూనివర్శిటీతో ఒప్పందం చేసుకున్నామని, దీనివల్ల 40 శాతం ట్రైనింగ్ పూర్తిచేసిన వారికి స్వయం ఉపాధిలో ఉద్యోగావకాశాలు కల్పిస్తామని తెలిపారు. ఫుడ్ ప్రాసెసింగ్లో రానున్న మూడు సంవత్సరాల్లో 22 వేల ఉద్యోగ అవకాశాలు కల్పించనున్నట్లు చెప్పారు. సీడాప్ ఒక నోడల్ ఏజెన్సీగా ఉండేలా ముఖ్యమంత్రి డైరెక్షన్స్లో పనిచేస్తుందన్నారు. యువతకు శిక్షణ ఇచ్చి ఉపాధి కల్పించడమే లక్ష్యంగా పెట్టుకున్నామని వివరించారు. స్వయం ఉపాధి కల్పనే లక్ష్యంగా క్షేత్రస్థాయిలో యువతకు అవకాశాలు కల్పిస్తామన్నారు. మంత్రి లోకేష్ మార్గనిర్దేశంలో మేం డైనమిక్గా పనిచేస్తున్నామని చెప్పారు. రాష్ట్రాన్ని అభివృద్ధి చేసేందుకు ఆరు ఇండస్ట్రియల్ పాలసీలు ఆరు నెలల్లోనే ప్రకటించిన విషయాన్ని గుర్తు చేశారు. ప్రజల సౌకర్యం కోసం మనమిత్ర అనే యాప్ ద్వారా 166 సర్వీసులు అందు బాటులో ఉండేలా వాట్సప్ గవర్నెన్స్ తీసుకొచ్చామని, దీన్ని 520 సర్వీసులకు తీసుకెళతా మని వివరించారు.
స్వర్ణాంధ్ర 2047 విడుదల చేయడం ద్వారా రాష్ట్ర ఆర్ధిక వ్యవస్థను 347 లక్షల కోట్లకు పెంచేందుకు, తలసరి ఆదాయాన్ని 58 లక్షలకు పెంచేందుకు ముఖ్యమంత్రి అహర్నిశలు పనిచేస్తున్నారని తెలిపారు. ఏపీని నాలెడ్జ్ ఎకానమీగా తీర్చిది ద్దేలా పనిచేయాలని ముఖ్యమంత్రి చెప్పారని, 20 లక్షల ఉద్యోగాలు కల్పనే లక్ష్యంగా సీడాప్ కూడా అందులో భాగస్వామి అయిందని తెలిపారు. గత ప్రభుత్వం ఐదేళ్లూ రాష్ట్రాన్ని విధ్వంసం చేసిందన్నారు. ఏపీ ఫిజికల్ హెల్త్ ఇండెక్స్ 17వ స్థానానికి దిగజా రిందని చెప్పిన ఆయన చివరన పంజాబ్ రాష్ట్రం మాత్రమే ఉండగా..ఆ రాష్ట్రంపైన మన రాష్ట్రం ఉండటం దురదృష్టకరమన్నారు. ఐఎస్బీ ప్రతినిధి చందన్ చౌదరి మాట్లాడుతూ మానుఫ్యాక్చరింగ్ రంగంలో లీడర్స్ను తయారు చేసేందుకు నిర్ణయం తీసుకోవడం జరి గిందన్నారు. ఉద్యోగ సృష్టి, ఎగుమతులను పెంచడానికి మనం తయారీ రంగం వృద్ధిని పెంచాల్సిన అవసరం ఉందన్నారు. ముఖ్యమంత్రి చంద్రబాబు నాయకత్వంలో ప్రభు త్వం తయారీ రంగంలో వేగవంతమైన వృద్ధిని ప్రదర్శించడం, ఉద్యోగాలను సృష్టించడం ద్వారా దేశంలో ఏపీ సరికొత్త విధానంతో ముందుకెళుతుందని వివరించారు. ఈ సమా వేశంలో సెంచూరియన్ యూనివర్శిటీ ప్రతినిధి జె.ఎం.రావు, ఐఎస్బీ ప్రతినిధి యుగల్ నౌహ్రియా, సీడాప్ సీఈవో పి.నారాయణ స్వామి, ఎగ్జిక్యూటివ్ డైరెక్టర్ కె.శ్యాంప్రసాద్ పాల్గొన్నారు.
