.నేలపాలైన చేస్తాంకానీ పాపాత్ముడికి పాలు పోయమంటున్న రైతులు
.నీ డెయిరీకి పాలుపోయకపోతే గూండాయిస్తాం చేస్తావా?
.టిడిపి జాతీయ ప్రధాన కార్యదర్శి నారా లోకేష్ ధ్వజం
అమరావతి: పాపాలు చేయడంలో మంత్రి పెద్దిరెడ్డి రామచంద్రారెడ్డి శిశుపాలుడిని మించిపోయారని తెలుగుదేశం పార్టీ జాతీయ ప్రధాన కార్యదర్శి నారా లోకేష్ తీవ్రస్థాయిలో విరుచుకుపడ్డారు. ఎర్రచందనం రవాణాలో నయా వీరప్పన్‌గా పేరుగాంచిన పుంగనూరు డాన్‌ మంత్రి అయ్యాక వైన్‌, మైన్‌, ల్యాండ్‌, శాండ్‌ మాఫియాలకి కింగ్‌పిన్‌ అయ్యారన్నారు. ఇవన్నీ చాలవన్నట్లు పాడిరైతుల పాలిట పా ’పాల’ భైరవుడయ్యాడిగా మారిపోయారని దుయ్యబట్టారు. అన్ని డెయిరీలు, సహకారసంఘాల కంటే పెద్దిరెడ్డి సొంత డెయిరీ శివశక్తి లీటర్‌ పాలకి అతి తక్కువ ధర ఇస్తోంది. ధర ఎక్కువ ఇచ్చే డెయిరీలు పాలసేకరణకి వస్తే వారిపై పెద్దిరెడ్డి గ్యాంగ్‌ గూండాయిజం చేస్తోంది. ఇదేంటని నిలదీసిన రైతుల్ని భయపెట్టి, బెదిరిస్తున్నారని అన్నారు. పుంగనూరు నియోజకవర్గం సోమల మండలం వల్లిగట్ల గ్రామ పాడి రైతులు శ్రీజ డెయిరీకి పాలు పోస్తుండేవారు. పెద్దిరెడ్డి శివశక్తి డెయిరీ మేనేజర్‌ పురుషోత్తం రెడ్డి పాల సేకరణ చేస్తే అంతుచూస్తామంటూ శ్రీజ డెయిరీ వారిని బెదిరించడం పెద్దిరెడ్డి మాఫియా కార్యకలాపాలకు పరాకాష్ట అని అన్నారు. దీంతో పాల సేకరణని శ్రీజ డెయిరీ నిలిపేయడంతో రైతులు ఆందోళన చెందుతున్నారు. తాము పాలు పారబోస్తాం కానీ, పాపాల భైరవుడు పెద్దిరెడ్డి డెయిరీకి పాలు పోయబోమంటోన్న రైతుల్ని ఏం చేయగలవు పాపాల భైరవ పెద్దిరెడ్డీ అంటూ నిప్పులు చెరిగారు.
