- యువగళం ముగింపు సభను విజయవంతం చేసిన అందరికీ ధన్యవాదాలు
అమరావతి: యువగళం ముగింపు సభలో టీడీపీ`జనసేన పొత్తును అందరూ ఆశీర్వదించడంతో వైసీపీ గుండెల్లో రైళ్లు పరిగెత్తుతున్నాయని టీడీపీ పొలిట్‌బ్యూరో సభ్యుడు వర్ల రామయ్య అన్నారు. విజయగరం జిల్లా పోలిపల్లిలో జరిగిన యువగళం ముగింపు సభ నభూతో నభవిష్యత్‌ అన్నట్లుగా జరిగిందన్నారు. మంగళగిరిలోని టీడీపీ జాతీయ కార్యాలయంలో గురువారం జరిగిన విలేఖరుల సమావేశంలో వర్ల రామయ్య మాట్లాడుతూ జగన్‌ పాలనకు యువగళం ముగింపు సభ చరమగీతం పాడిరదన్నారు. ఈ సభకు లక్షలాది మంది ప్రజలు తరలివచ్చారు. టీడీపీకి, చంద్రబాబుకు, లోకేష్‌కు, పవన్‌కు, ఆయన బృందానికి లక్షలాదిమంది ప్రజలు జేజేలు పలికారు. ఈ సందర్భంగా అందరికీ ధన్యవాదాలు తెలుపుతున్నాను. యువగళం ముగింపు సభకు ప్రభుత్వం అనేక ఆటంకాలు సృష్టించింది. ఆర్టీసీ బస్సులు ఇవ్వడానికి నిరాకరించింది. సొంత బస్సులు ఏర్పాటు చేసుకుంటే.. ప్రైవేటు బస్సుల్లో వెళ్లడానికి వీల్లేదన్నారు. అయినా మా సొంత ఏర్పాట్లు మేం చేసుకుని కార్యక్రమాన్ని విజయవంతం చేశామని వర్ల అన్నారు.
స్వాతంత్య్రోద్యమ సమయంలో బ్రిటీష్‌ పాలకులు ఏ విధంగా సమరయోధుల్ని అడ్డుకున్నారో అలా వైసీపీ ప్రభుత్వం వ్యవహరించింది. ఈ నిరంకుశపు వైసీపీ ప్రభుత్వం సభకు వచ్చేవారిని అడ్డుకుంది. ప్రజలకు స్వేచ్ఛా వాయువుల్ని అందించే, ప్రజాస్వామ్య పరిపాలన అందించే, రాజ్యాంగపరమైన పరిపాలన అందించే తెలుగుదేశం పార్టీ సభకు అనేక ఆటంకాలు సృష్టించారు. లోకేష్‌ అంటే జగన్‌ కు ఎందుకింత భయం. లోకేష్‌ పాదయాత్రలో ప్రజలు తమ బాధలు చెప్పుకున్నారు, కలిసి కదం తొక్కారు. లోకేష్‌ తన పాదయాత్రలో 3,123 కిలోమీటర్లు నడిచారు. 226 రోజులు తన నడక కొనసాగించారు. 97 నియోజకవర్గాల్లో పర్యటించారు. పిల్లలు, యువత, వయోవృద్ధులు లోకేష్‌తో కదం కలిపి నడిచారు. ఆయన వారి బాధల్ని అర్థం చేసుకున్నారు. ఒక నవశకానికి నాంది పలికారని వర్ల తెలిపారు.
లోకేష్‌ మాటలతో జగన్‌ గుండెల్లో రైళ్లు
యువగళం ముగింపు సభలో లోకేష్‌ మాటలు జగన్‌ గుండెల్లో రైళ్లు పరిగెత్తించాయి. జగన్‌ ప్రభుత్వానికి యువనేత లోకేష్‌ 90 రోజుల అల్టిమేటమ్‌ ఇచ్చారు. తెలుగుదేశం హయాంలో జగన్‌ పాదయాత్ర చేస్తే కొంచెం కూడా ఇబ్బంది కలుగకుండా చూశాం. వైసీపీ ప్రభుత్వం ఎందుకు లోకేష్‌ పాదయాత్రకు ఆటంకాలు సృష్టించింది? అన్ని వర్గాల ప్రజలు ఈ ప్రభుత్వాన్ని ఈసడిరచుకుంటున్నారు. జగన్‌ పాలనలో ఏ వర్గం కూడా సంతోషంగా లేరు. అసత్యాలు చెప్పి, అసాధ్యపు వాగ్దానాలు చేసి, దళిత వర్గాలను మీరు నా మేనమామలు అంటూ మోసం చేశారు. జగన్‌ క్రైస్తవ మతం పాటిస్తారో లేదో తెలియదుగానీ బైబిల్‌ పట్టుకొని తిరిగి మరీ వాగ్దానాలు చేశారని వర్ల గుర్తు చేశారు.
మతాలను కూడా క్షుద్ర రాజకీయాల్లో జోడిరచి జగన్‌ అధికారంలోకి వచ్చారు
మతాలను కూడా క్షుద్ర రాజకీయాల్లో జోడిరచి జగన్‌ అధికారంలోకి వచ్చారు. అధికారంలోకి వచ్చాక వ్యవహరిస్తున్న విధానం కూడా ఏమీ బాగలేదు. దళితుల్ని ఇనుప పాదాల కింద వేసి తొక్కారు. రాష్ట్రంలోని దళితులందరూ మాకొద్దు ఈ జగన్‌ అని నినదిస్తున్నారనేందుకు నిదర్శనంగా లక్షలాదిమంది దళితులు లోకేష్‌ పాదయాత్ర ముగింపు సభకు తరలి వచ్చారు. బీసీ వర్గాలను జగన్‌ పెట్టిన క్షోభ అంతా ఇంతా కాదు. మా అక్కను అల్లరి చేయొద్దన్న బీసీ బాలుడిని వైసీపీ వారు పెట్రోల్‌ పోసి నిప్పంటించి చంపేశారు. బీసీలందరూ టీడీపీ, చంద్రబాబువైపు మద్దతుగా పరుగులు తీస్తున్నారు. మరోపక్క మైనార్టీలు మాకొద్దు ఈ జగన్‌ పరిపాలన అంటున్నారు. కర్నూలు జిల్లాలో వైసీపీ కర్కశ మూక పెట్టిన ఇబ్బందులతో అబ్దుల్‌ సలాం కటుంబం మొత్తం రైలు పట్టాలపై పడుకొని ఆత్మహత్యలకు పాల్పడినా ఈ ప్రభుత్వానికి చీమ కుట్టినట్లుగా కూడా లేదు. ఒక్క ఛాన్స్‌ అంటే నమ్మి మోసపోయామని రైతులంటున్నారు.తుఫాన్‌లో నష్టపోయిన రైతులు భూమిపై ఆత్మహత్యలకు పాల్పడుతుంటే జగన్‌ ఆకాశంలో హెలికాప్టర్‌ లో చక్కర్లు కొట్టారు. జగన్‌ ఏదో చేస్తారని మహిళలు ఓట్లేస్తే వారిని నిండా ముంచారు. అమ్మ ఒడి ద్వారా డబ్బులిచ్చి నాన్న బుడ్డి ద్వారా లాక్కుంటున్నారని జనం గ్రహించారని వర్ల అన్నారు.
యువగళం ముగింపు సభలో టీడీపీ జనసేన మిళితాన్ని అందరూ ఆశీర్వదించడంతో వైసీపీ గుండెల్లో రైళ్లు పరిగెత్తాయి
యువగళం ముగింపు సభలో టీడీపీ జనసేన కలయికను అందరూ ఆశీర్వదించడంతో వైసీపీ గుండెల్లో రైళ్లు పరిగెత్తాయి. మద్యం రేట్లు పెంచి, నాసిరకం మద్యంతో వేలమంది తెలుగు మహిళల పుస్తెలు తెంచారు. మహిళందరూ మాకొద్దు ఈ జగన్‌ అంటున్నారని యువగళం ముగింపు సభకు వచ్చిన మహిళలను బట్టి తెలుస్తోంది. అందరినీ సమ దృష్టితో చూసే చంద్రబాబే మాకు కావాలంటున్నారు. ఆయన పాలనే మాకు శ్రీరామరక్ష అంటున్నారు. పవన్‌, చంద్రబాబు, నాదెండ్ల మనోహర్‌, నారా లోకేష్‌, అచ్చెన్నాయుడు, అందరికీ తోడుగా బాలకృష్ణ సమక్షంలో జరిగిన యువగళం ముగింపు సభ నభూతో నభవిష్యత్‌ లా జరిగింది. జనసేన`టీడీపీ కూటమే మాకు కావాలని జనం ముక్తకంఠంతో అంటున్నారు. టీడీపీ నాయకులు అనుకున్నదానికంటే ఎక్కువ సంఖ్యలో జనం హాజరై అబ్బురపరిచారు. ఈ సభతో వైసీపీ నాయకులు కిమ్మనకుండా ఉన్నారు. ప్రతిదానికి ఎగిరెగిరి మాట్లాడే రోజాలాంటివారు కూడా నోరు మెదపలేదని వర్ల అన్నారు..
వైసీపీ నాయకులు పలాయనం చిత్తగించే రోజు దగ్గరలోనే ఉంది
వైసీపీ నాయకులు పలాయనం చిత్తగించే రోజు దగ్గరలోనే ఉంది. లోకేష్‌ అద్భుతమైన ప్రసంగంతో ప్రజలందరూ మంత్రముగ్దులయ్యారు. జగన్‌ తిరోగమన దిశలో ఉన్నారని అధికారులకు కూడా అర్థమైపోయింది. ఈ దుర్మార్గ పాలనకు ప్రజలు స్వస్తి పలకాలి. యువగళం ముగింపు సభ యువత భవితకు భరోసా కల్పించింది. వైసీపీ రాక్షస పాలనకు ముగింపు పలికినట్లు ఈ సభలో కన్పించింది. టీడీపీ జనసేన పొత్తు ప్రకటన నుంచి వైసీపీ నేతలకు నిద్రపట్టడం లేదు. ఇక సభ విజయవంతంతో తాడేపల్లి ప్యాలెస్‌ కి పగుళ్లు ఏర్పడ్డాయి. అందుకే జగన్‌ రెడ్డి, వైసీపీ నేతలు ఓటమి భయంతో వణికిపోతున్నారు. టీడీపీ జనసేన పొత్తు సూపర్ హిట్‌.. ఇక జగన్‌ సినిమా అయిపోయిందని ప్రజలే అంటున్నారు. వచ్చే ఎన్నికల్లో వైసీపీ అరాచక పాలనకు చరమగీతం పాడి, టీడీపీ జనసేన కూటమికి అధికారం కట్టబెట్టేందుకు ప్రజలంతా సిద్ధంగా ఉన్నారు. టీడీపీ జనసేన తప్పక అధికారంలోకి వస్తుంది. రాష్ట్రాన్ని తిరిగి గాడిలో పెట్టి అన్ని విధాల అభివృద్ధి చేస్తామని వర్ల రామయ్య తెలిపారు.
