లేపాక్షి భూములను తక్కువ ధరకు కొట్టేసేందుకు కుట్ర

• రూ.4 వేల కోట్లకు తాకట్టు పెడితే రూ.500 కోట్లు చాలంటరా?
• బ్యాంకులు ఎవరితో మిలాఖత్‌ అయ్యాయో బయటపెట్టాలి
• ఆ మోసాన్ని కూటమి ప్రభుత్వం వెలికితీసి చర్యలు తీసుకోవాలి
• బిడ్‌ వేసి ఆ భూములను తక్షణమే స్వాధీనం చేసుకోవాలి
• టీడీపీ అధికార ప్రతినిధి నీలాయపాలెం విజయ్‌కుమార్‌

మంగళగిరి(చైతన్యరథం): వేల ఎకరాల లేపాక్షి భూములను తక్కువ ధరకు కొట్టేసేం దుకు వైసీపీ నేతలు కుట్ర పన్నారని టీడీపీ అధికార ప్రతినిధి నీలాయపాలెం విజయ్‌కు మార్‌ అన్నారు. మంగళగిరి టీడీపీ జాతీయ కార్యాలయంలో బుధవారం మీడియా సమావేశంలో వివరాలు వెల్లడిరచారు. జగన్‌రెడ్డి ఐదేళ్ల పాలనలో పాపాలు ఒక్కొక్కటిగా బయటకు వస్తున్నాయన్నారు. నాడు లేపాక్షి భూముల్లో ఈడీ కేసుల్లో ఇరుక్కున్న జగన్‌ 2019లో అధికారంలోకి వచ్చాక ఆ 8,884 ఎకరాల భూములను కారు చౌకగా రూ.500 కోట్లకు కొట్టేయాలని కుట్ర పన్నారన్నారు. గతంలో సైన్స్‌ టెక్నాలజీకి ఈ భూములను ఇస్తే శ్యాంప్రసాద్‌రెడ్డి వాటిని బ్యాంకులో కుదువపెట్టాడని తెలిపారు. అది ప్రభుత్వ భూమి అని తెలిసినా నాటి బ్యాంకు అధికారులు అక్రమంగా వేల కోట్ల రుణాలు ఇచ్చారని, తిరిగి డబ్బులు కట్టకపోవడంతో కుదవ పెట్టిన భూములు ఇవ్వాలంటూ బ్యాంకు ఒత్తిడి చేసి ట్రిబ్యునల్‌లో ఫిర్యాదు చేసిందని తెలిపారు.

వైసీపీ నేతలతో బ్యాంకుల కుమ్మక్కు
అసలు ప్రభుత్వానికి సంబంధం లేకుండా ఆ భూములకు ఇవ్వాల్సిన రూ.4 వేల కోట్లు అవసరం లేదని.. రూ.500 కోట్లు ఇస్తే చాలని బ్యాంకులే డిసైడ్‌ చేసి వైసీపీ నేతలతో కుమ్మక్కై జగన్‌రెడ్డి మేనమామ రవీంద్రనాథ్‌రెడ్డికి ఆ భూములను రూ.501 కోట్లకు కట్టబెట్టడానికి యత్నించాయన్నారు. ఆ భూముల కోసం రూ.50 కోట్లు ఇచ్చిన రవీంద్రనాథ్‌రెడ్డి మిగిలిన డబ్బులు కట్టలేనని చెప్పి.. అదే భూములకు కడపకు చెందిన సుబ్బారెడ్డి, వెంకటేశ్వరరెడ్డిలు తక్కిన డబ్బులు కడతారని బ్యాంకులతో అక్రమ ఒప్పందం చేసుకున్నారని వివరించారు. బ్యాంకులు సరే అన్నా కానీ అసలు ఆ భూమి ఏపీఐఐసీకి చెందినదని…కారు చౌకగా భూములు అమ్మేయడానికి వాటికి అధికారం లేదన్నారు. ఎన్‌ఫోర్స్‌మెంట్‌ జోక్యం, ట్రిబ్యునల్‌ తీర్పులతో ఆ భూముల అమ్మకానికి అడ్డుపడిన ట్లయిందని తెలిపారు.

ఎవరు ఎవరిని మోసం చేశారు?
ఎస్బీఐ, ఐడీబీఐ, సిండికేట్‌, బ్యాంక్‌ ఆఫ్‌ ఇండియా, పంజాబ్‌ నేషనల్‌ బ్యాంక్‌, కెనరాబ్యాంక్‌, ఇండియన్‌ ఓవర్సీస్‌ బ్యాంక్‌, సెంట్రల్‌ బ్యాంక్‌ ఆఫ్‌ ఇండియా, ఆంధ్రా బ్యాంక్‌, ఎస్‌ఆర్‌తో పాటు పలు ప్రైవేట్‌ బ్యాంకులు నాలుగు వేల కోట్లు ఇచ్చి ఎందుకు 90 శాతం వద్దనుకుని 10 శాతంనే కోరుకుంటున్నాయి? ఎవరు ఎవరితో మిలాఖత్‌ అయ్యారు? ఎవరు ఎవరిని మోసం చేస్తున్నారు? పూర్తిస్థాయిలో విచారించాల్సిన అవస రం ఉందన్నారు. మొత్తం భూమిలో మరో నాలుగువేల ఎకరాలు ఉండగా అందులో రెండువేల ఎకరాలకు పైగా శ్యాంప్రసాద్‌ రెడ్డి ఢల్లీికి చెందిన గ్లోబల్‌ ఎమర్జింగ్‌ మార్కెట్‌ ఇండియా ప్రైవెట్‌ లిమిటెడ్‌ అనే సంస్థకు రూ.238 కోట్లకు అమ్మేస్తూ.. రూ.5 కోట్లు అడ్వాన్స్‌ తీసుకున్నట్టు తెలిపారు. ఈడీ కేసులు పెట్టడంతో అది రిజిస్ట్రేషన్‌ కాలేదని.. ఇది అంతా జరిగి దాదాపు దశాబ్ధ కాలం జరిగిపోయిందని వివరించారు.

ఢిల్లీ సంస్థకు భూములు..ట్రిబ్యునల్‌ తీర్పు దారుణం
లేపాక్షి భూముల కోసం రూ.5 కోట్లు ఇచ్చామని నేడు అది వడ్డీతో పాటు రూ.28 కోట్లు అయిందని… అందుకని ఆ 2,650 ఎకరాలను తమకు ఇచ్చేయాలని ఢల్లీికి చెందిన గ్లోబల్‌ ఎమర్జింగ్‌ మార్కెట్‌ ఇండియా ప్రైవెట్‌ లిమిటెడ్‌ డిమాండ్‌ చేస్తూ దాని కోసం బెంగుళూరు ట్రిబ్యునల్‌, చెన్నై ట్రిబ్యునల్‌ను ఆశ్రయించిందన్నారు. అసలు భూములు ఎవరివో పూర్తి విచారణ చేయకుండా ఆ భూములను ఇవ్వడానికి అను కూలంగా ఆ ట్రిబ్యునల్స్‌ తీర్పు ఇవ్వడం దారుణమన్నారు. ఈ భూములపై రేపో మాపో సుప్రీంకోర్టు తీర్పు ఇవ్వబోతుంది. సుప్రీంకోర్టు గ్లోబల్‌కు అనుకూలంగా తీర్పు ఇస్తే రూ.25 కోట్లకే ఆ 2,650 భూములు వెళ్లిపోయే అవకాశం ఉందన్నారు.

రూ.4 వేల కోట్లకు తాకట్టు…రూ.500 కోట్లకు మిలాఖత్‌!
అసలు నాలుగు వేల కోట్లకు పైగా తాకట్టు పెడితే ఎందుకు బ్యాంకులు రూ.500 కోట్లు మిలాఖత్‌ అయ్యాయో ప్రభుత్వం తేల్చి రైతుల భూములను, ప్రభుత్వ భూములను కాపాడాలని కోరారు. బ్యాంకులు చేసిన మోసాన్ని బయటపెట్టాలని లేదా ప్రభుత్వం తరపున బిడ్‌ వేసి ఆ రూ.500 కోట్లకు లేపాక్షి భూములను కూటమి ప్రభుత్వం స్వాధీనం చేసుకోవాలని కోరారు. ఈడీ జప్తు చేసిన భూములను రిలీజ్‌ చేయించి ప్రభుత్వం స్వాధీనం చేసుకోవాలని డిమాండ్‌ చేశారు.