బాబు జోరు ` జగన్‌ బేజారు
స్టైల్‌ మార్చిన టీడీపీ అధినేత
- బాబు జోరు ` జగన్‌ బేజారు
- స్టైల్‌ మార్చిన టీడీపీ అధినేత
- జగన్‌ డైలాగ్‌లతోనే చంద్రబాబు పర్ఫెక్ట్‌ కౌంటర్లు
- సూటిగా, ఘాటుగా బాబు ప్రసంగాలు
- లెక్కలు, అంకెల స్థానంలో సామెతలు, సుమతీ శతకాలు
మీ బిడ్డ అనే జగన్‌ స్లోగన్‌కు..కాదు అతను క్యాన్సర్‌ గడ్డ అంటూ ఎన్‌కౌంటర్‌
సిద్ధం అని జగన్‌ అంటే… ఓడిరచడానికి జనం సిద్ధం అంటూ కౌంటర్‌
ప్రజలే స్టార్‌ క్యాంపెయినర్లన్న సీఎం… అవును జగన్‌ పతనానికి జనమే స్టార్‌ క్యాంపెయినర్లన్న చంద్రబాబు
విశ్వసనీయత అనే జగన్‌ గొప్పలపై… లైవ్‌లో వీడియోలు వేసి మరీ నిలదీస్తున్న ప్రతిపక్ష నేత
జగన్‌కు ఎన్నికల స్లోగన్‌ లేకుండా చేస్తున్న టీడీపీ అధినేత
అమరావతి, చైతన్యరథం: నారా చంద్రబాబు నాయుడు స్టైల్‌ మార్చారు. సుదీర్ఘంగా సాగే తన ప్రసంగాల తీరును సమూలంగా మార్చేశారు. రా కదలి రా సభల్లో చంద్రబాబు ప్రసంగాలు ప్రజలను ఆలో చింప చేసేలా,వైసీపీ ప్రభుత్వాన్ని దునుమాడేలా, సీఎం జగన్‌ను తూర్పార బట్టేలా సాగుతున్నాయి. అటు క్యాడ ర్‌లో ఉత్సాహాన్ని నింపుతూ… ఇటు న్యూట్రల్స్‌ను ఆలో చింపజేసేలా చంద్రబాబు ప్రసంగాలు కొత్త రూపు సంతరించుకున్నాయి. లాంగ్వేజ్‌లో, బాడీ లాంగ్వేజ్‌లో కొత్తదనం చూపుతూ ఆయన అనుసరిస్తున్న స్టైల్‌ క్యాడ ర్‌కు కిక్కిస్తోంది. ప్రభుత్వం సమాధానం చెప్పుకోలేక డిఫెన్స్‌లో పడే పరిస్థితి తెస్తోంది. సుమతీ శతకాలు, సామెతలు, పురాణ కథలు చెపుతూ… ఆసక్తి కలిగించే లా చంద్రబాబు ప్రసంగాలు సాగుతున్నాయి.
ముఖ్యంగా చెప్పాలిఅంటే జగన్‌కు ఎన్నికల స్లోగన్‌ లేకుండా చేయడంలో చంద్రబాబు పూర్తి ఫోకస్‌ పెట్టిన ట్లు ఆయన ప్రసంగాలుచూస్తే అర్థం అవుతుంది. జగన్‌ భీమిలి సభలో పద్మవ్యూహంలో చిక్కుకోవడానికి తాను అభిమన్యుడిని కాదు అర్జునుడిని అన్నారు. దీనిపై నెల్లూరు రూరల్‌ రా.. కదలి రా సభలో కౌంటర్‌ ఇస్తూ చంద్రబాబు అయ్యా పురాణ పురుషా నువ్వు అభిమన్యు డివీ కాదు… ఆయన తండ్రి అర్జునుడివీ కాదు. నువ్వు మా రాష్ట్ర ప్రజల పాలిట భస్మాసురుడివి అని సెటైర్‌ వేశారు. దీంతో జగన్‌ అంతెత్తున తనుకు తాను చేసు కున్న పోలికను అవే పురాణాలను ప్రస్తావించి జగన్‌ గాలి తీసేశారు.జగన్‌ ఇక ఎప్పుడు అర్జునుడు అన్నా… ప్రతిపక్షం అంతా భస్మాసురుడు అని కౌంటర్‌ ఇచ్చేం దుకు లైన్‌ ఇచ్చారు.
ముఖ్యమంత్రి జగన్‌ తన సభల్లో మీ బిడ్డా మీ బిడ్డ అని ఊదరగొడుతున్నారు. దీంతో జగన్‌ మీ బిడ్డ కాదు క్యాన్సర్‌ గడ్డ అని చంద్రబాబు చాలా స్ట్రాంగ్‌ కౌంటర్‌ ఇస్తున్నారు. కేవలం పంచ్‌ డైలాగ్‌ కొట్టడమే కాకుండా ఆయా వర్గాలకు జగన్‌పాలనలో జరిగిన నష్టాలను వివ రిస్తూ ఎందుకు క్యాన్సర్‌ గడ్డో చెపుతూ ఎండగడుతు న్నారు.
అలాగే మొన్న భీమిలి సభద్వారా జగన్‌ సిద్ధం అనే థీమ్‌ను తీసుకుని జనంలోకి వెళ్లే పనిమొదలు పెడితే… ఆ సభ మొదలవ్వకముందే సిద్ధం స్లోగన్‌కు కౌంటర్‌ ఇచ్చి దాన్ని ఎన్‌కౌంటర్‌ చేశారు చంద్రబాబు. అవును జగన్‌ నువ్వు చెపుతున్నట్లు అంతా సిద్ధం… నిన్న ఓడిర చడానికి యువత సిద్ధం, రైతులు సిద్ధం, ఉద్యోగులు సిద్ధం, బాధిత వర్గాలు అన్నీ సిద్ధం అంటూ ముందే ఎదురు దాడికి దిగారు. ఈతరహా కౌంటర్‌ కొత్తదనం తో సాగింది.
ఇక జగన్‌చెప్పిన ప్రజలే స్టార్‌ క్యాపెంయినర్లు అనే విషయంలో కూడా చంద్రబాబు చాలా సింపుల్‌ పదాల తో… ఆ వ్యాఖ్యలకు కౌంటర్‌ ఇచ్చారు. అవును ప్రజలే రేపు ఎన్నికలకు స్టార్‌క్యాంపెయినర్లు.. జగన్‌రెడ్డీ నువ్వు చెప్పింది నిజమే. నీ బాధిత 5 కోట్ల మంది ప్రజలూ రేపు మాకు స్టార్‌ క్యాంపెయినర్లే, నిరుద్యోగ యువత, భద్రత లేని మహిళలు, ఎండిన పొలాలు, ఆగిన సాగు నీటి ప్రాజెక్టులు, బాధిత దళిత, బడుగు వర్గాలు కూడా రేపు నిన్ను ఓడిరచడానికి స్టార్‌ క్యాంపెయినర్లే అంటూ పర్‌ ఫెక్ట్‌ కౌంటర్‌ ఇచ్చారు.
అలాగే జగన్‌ చెప్పే విశ్వసనీయతపై… 98 శాతం హామీలు అమలుచేశాను అంటున్న ప్రకటనలపై మరిం త ఘాటుగా చంద్రబాబు స్పందిస్తున్నారు. జగన్‌ నాడు ఇచ్చిన హామీలు…చేసిన వాగ్దానాల వీడియోలను ఏకం గా తన సభలో ప్లే చేస్తున్నారు. రా కదలి రా సభల్లో పెద్ద స్క్రీన్‌లపై జగన్‌ నాటి హామీలను ప్రసారం చేసి… వీటి సంగతి ఏంటి జగన్‌… ఇదేనా విశ్వసనీయత అంటే అని ప్రశ్నిస్తున్నారు. ఆ వీడియోలు అన్నీ వేసి మరీ…కేంద్రం మెడలువంచి ప్రత్యేక హోదా తెచ్చావా, మద్య నిషేధం చేశావా, బాబాయి హంతకులు అరెస్టు అయ్యారా, సీపీిఎస్‌ రద్దు జరిగిందా, జాబ్‌ క్యాలెండర్‌ ఇచ్చావా, డీఎస్సీలు వేశావా, పోలవరం కట్టావా, రాజ ధాని పూర్తిచేశావా,కరెంట్‌ బిల్లులు తగ్గించావా అంటూ సభా ముఖంగానే ప్రశ్నిస్తున్నారు. సభలో లైవ్‌లో ప్లే చేస్తున్న ఈ వీడియోలు ఇటు టీడీపీ వారు గట్టిగా ప్రశ్నించడానికి కాన్ఫిడెన్స్‌ ఇవ్వడంతో పాటు… వైసీపీ వారిని గుచ్చినట్లు ఉంటున్నాయి. ఈ వీడియోలు జగన్‌కు, వైసీపీ నేతలకు సూటిగా తగులుతున్నాయి. ఇదండీ జగన్‌ విశ్వసనీయత అని సవాల్‌చేసి అడగడం ద్వారా చంద్రబాబు వైసీపీ శిబిరాన్ని డిఫెన్స్‌లోకి నెట్టే స్తున్నారు. దీంతో ఎప్పటిలా వీటికి సమాధానం చెప్ప కుండా తమదైన తిట్లతోనే వైసీపీ మంత్రులు, నేతలు ప్రెస్‌ మీట్లు పెడుతున్నారు.
జగన్‌ భీమిలి సభలో ఊరూరా నా మార్క్‌ అని చెపితే… దానికి కూడా చంద్రబాబు పొన్నూరు సభలో గట్టిగానే రిప్లై ఇచ్చారు. 9సార్లు విద్యుత్‌ ఛార్జీల పెంపు, 50రూపాయల మద్యం బాటిల్‌ 200 రూపాయాలు, ఉచితంగా దొరికే ఇసుక బంగారం అవ్వడం, నిరుద్యో గంలో రాష్ట్రాన్ని నెంబర్‌ చేయడం, తండ్రి హత్యపై పోరాడుతున్న చెల్లిపైనే కేసు పెట్టడం కూడా నీ మార్కే అంటూ చంద్రబాబు ఆయా అంశాలను ప్రస్తావిస్తూ జగన్‌ను నిలదీశారు.
ఇలా రా! కదలి రా! సభల్లో చంద్రబాబు ప్రసంగా లు, తీసుకుంటున్న అంశాలు కొత్తగా సాగుతున్నాయి. గత ఎన్నికల్లో జగన్‌ పార్టీ చంద్రబాబుపై ఒక స్లోగన్‌ తెస్తే దానికి కౌంటర్‌ కూడా నాడు ఇవ్వలేక పోయారు. అయితే ఇప్పుడు జగన్‌ ఏం చెప్పినా దానికి తగిన జవాబు ఇస్తూ వచ్చే ఎన్నికలకు జగన్‌కు సరైన స్లోగన్‌ లేకుండా చంద్రబాబు మాటల దాడి చేస్తున్నారు. వైసీపీ కి మీడియా బలం ఎంత ఉన్నా… చంద్రబాబు చేస్తున్న ఈ డైరెక్ట్‌ ఎటాక్‌ సోషల్‌ మీడియా ద్వారా మెల్లగా సామాన్య ప్రజల్లోకి వెళుతోంది. కొన్ని సమాధానం చెప్పుకోలేని ప్రశ్నలు అధికార పార్టీని ఉక్కిరి బిక్కిరి చేస్తున్నాయి. ప్రజలు కూడా వినే మూడ్‌లో ఉండడంతో వైసీపీ ఆత్మరక్షణలో పడుతుంది.
ప్రజల ఆలోచనల్లో మార్పు తేవడంలో ప్రసంగాలు చాలా కీలకం.ప్రస్తుతం మంచి జోరు, స్పీడు మీద ఉన్న చంద్రబాబు దీన్ని మరింత దూకుడుగా ముందుకు తీసుకువెళ్లబోతున్నారు. అధికారపక్షం చెప్పిన దానికి సమాధానం ఇచ్చుకునే విధానం నుంచి అధికారం పక్షం సమాధానం చెప్పుకోలేని పరిస్థితి మరింతగా సృష్టించబోతున్నారు.
