బీసీలకు పూర్వవైభవం

• సీఎం చంద్రబాబు సారథ్యంలో బీసీలకు పెద్దపీట
• సమగ్రాభివృద్ధికి సిద్ధమవుతున్న ప్రణాళికలు
• బకాయిలు చెల్లింపు, నిర్మాణాలకు నిధులు విడుదల
• ఈ ఏడాదే అందుబాటులోకి 4 రెసిడెన్షియల్‌ స్కూళ్లు
• బీసీ సంక్షేమ శాఖపై సీఎం చంద్రబాబు సమగ్ర సమీక్ష
• రాష్ట్ర బీసీ, చేనేత, జౌళి మంత్రి ఎస్‌ సవిత వెల్లడి
• వైసీపీ హయాంలో బీసీలను అణగదొక్కారని వ్యాఖ్య

అమరావతి (చైతన్య రథం): ముఖ్యమంత్రి చంద్రబాబు సారథ్యంలోని ఎన్డీయే ప్రభుత్వంలో బీసీలకు పెద్దపీట వేస్తున్నట్టు రాష్ట్ర బీసీ, చేనేత, జౌళిమంత్రి ఎస్‌ సవిత స్పష్టం చేశారు. మంగళవారం సచివాలయంలో నిర్వహించిన మీడియా సమావేశంలో మాట్లాడారు. గడిచిన ఐదేళ్లలో బీసీలు పూర్తిగా చితికిపోయారన్నారు. చంద్రబాబు రాకతో బీసీలకు పూర్వ వైభవం వచ్చిందన్నారు. సీఎం చంద్రబాబు సచివాలయంలో మంగళవారం బీసీ కార్పొరేషన్‌, ఈడబ్ల్యూఎస్‌పై సమీక్ష నిర్వహించారు. ఆయా శాఖలపై ముఖ్యమంత్రి పలు కీలక నిర్ణయాలు తీసుకున్నట్టు మంత్రి వెల్లడిరచారు. ఆ వివరాలను మీడియాకు వెల్లడిస్తూ.. బీసీ సంక్షేమానికి సబంధించి గత ప్రభుత్వంలోవున్న రూ.110 కోట్ల డైట్‌ ఛార్జీల బకాయిలు, రూ.20.52 కోట్ల కాస్మొటిక్‌ ఛార్జీల బకాయిల విడుదల నిర్ణయించామన్నారు. వసతి గృహాల్లో సాధారణ మరమ్మతులకు రూ.10 కోట్లు విడుదల చేయాలని, వసతి గృహ విద్యార్థులకు వ్యక్తిగతంగా ఇస్తున్న ట్రంకు పెట్టెలు, ప్లేట్లు, గ్లాసులు మరియు బెడ్డింగ్‌ మెటిరీయిల్‌ కోసం రూ.25 కోట్ల విడుదలకు నిర్ణయించామన్నారు.

హాస్టల్‌లో డిజిటిల్‌ కంటెంట్‌తో విద్యాప్రమాణాల పెంపుదలకు, శంకరన్‌ రిసోర్స్‌ సెంటర్లు ఏర్పాటుకు నిర్ణయించినట్టు మంత్రి సవిత వెల్లడిరచారు. ప్రీ మెట్రిక్‌, పోస్టు మెట్రిక్‌ స్కాలర్‌ షిప్పుల నిమిత్తం కేంద్రం వాటా 133.78 కోట్లతోపాటు రాష్ట్రవాటాగా 89.18 కోట్లు విడుదలకు ప్రభుత్వం నిర్ణయించిందని, ఎన్టీఆర్‌ విదేశీ విద్యాపథకం కింద నాణ్యమైన విదేశీ విద్యా సంస్థల్లో అత్యధిక విద్యార్థులకు అవకాశం కల్పించేలా చర్యలు తీసుకోనున్నట్టు మంత్రి చెప్పారు. అలాగే, ఎన్టీఆర్‌ విద్యోన్నతి పథకం పునరుద్ధరణ, చిత్తూరు, శ్రీకాకుళం, కర్నూలులో అసంపూర్తిగా నిలిచిపోయిన బీసీ భవనాల నిర్మాణానికి రూ.8 కోట్లు విడుదల చేయనున్నట్టు చెప్పారు. మిగిలిన 23 జిల్లా కేంద్రాల్లోనూ బీసీ భవన్ల నిర్మాణానికి స్థలాలు గుర్తించి… నిర్మాణాలు చేపడతామని మంత్రి సవిత వెల్లడిరచారు. బీసీ కమ్యూనిటీ హాళ్ల నిర్మాణాలపై నివేదిక కోరామన్నారు. చట్ట సభల్లో బీసీలకు ప్రాతినిథ్యం పెంచేలా కేంద్ర ప్రభుత్వానికి సిఫార్సు చేయనున్నామని, బీసీ ప్రొటెక్షన్‌ యాక్టు రూపకల్పనకు ముఖ్యమంత్రి చంద్రబాబు ఆదేశించారన్నారు. బీసీ స్టడీ సర్కిళ్ల బలోపేతానికి రూ.10 కోట్లు విడుదల, 100మంది అభ్యర్థులతో ఐఏఎస్‌ స్టడీ సర్కిల్‌ ఏర్పాటుకు నిర్ణయించామన్నారు.

బీసీల అభివృద్ధికి ప్రణాళికలు
బీసీ కార్పొరేషన్‌ను పునర్వవస్థీకరించి, బీసీల అభివృద్ధికి ప్రణాళికలు రూపొందిస్తామని మంత్రి సవిత స్పష్టం చేశారు. కమ్యూనిటీల వారీగా అభివృద్ధి ప్రణాళికలు రూపొందిస్తామని, బీసీ ఉప కులాలు ఎక్కడెక్కడ నివసిస్తున్నారు? వారి వృత్తులేంటి? వారి తలసరి ఆదాయమెంత? వంటి వివరాలకు సమగ్ర సర్వే నిర్వహించి, దాని ఆధారంగా ఆర్థిక పరిస్థితికి సమగ్ర కార్యాచరణ, ప్రణాళికలు రూపొందిస్తామని వెల్లడిరచారు. జాతీయ బీసీ కార్పొరేషన్‌ నుంచి ఏటా రూ.100 కోట్లు రాబట్టడానికి అవసరమైన మ్యాచింగ్‌ గ్రాంట్‌ ఇస్తామని, బీసీవర్గాలనుంచి పారిశ్రామికవేత్తలు వచ్చేలా వారిలో ఆత్మవిశ్వాసం నింపేలా .. ఎంటర్‌ప్రెన్యూర్‌ డెవలప్‌మెంట్‌ ప్రోగ్రాంను రూపొందిస్తామన్నారు. బీసీ-ఏలోవున్న అత్యంత వెనుకబడిన కులాల అభివృద్ధికి కేంద్ర ప్రభుత్వ అనుసంధానంతో సీడ్‌ (స్కీమ్‌ ఫర్‌ ఎకనామిక్‌ ఎంపవర్‌మెంట్‌ ఆఫ్‌ డీనోటిఫైడ్‌ అండ్‌ సెమి నోమాడిక్‌ ట్రైబ్స్‌) అభివృద్ధికి ప్రణాళిక సిద్ధం చేస్తామని, బీసీల వృత్తి నైపుణ్యాలను మెరుగుపరిచి పీఎం-విశ్వకర్మ పథకం వర్తింపజేసేలా చర్యలు తీసుకుంటామన్నారు.

ఆర్థికంగా వెనుకబడిన వర్గాలకు..
కులాల వారీ తలసరి ఆదాయం ఆధారంగా బీపీఎల్‌ కుటుంబాలను గుర్తించి ఆర్థికాభివృద్ధికి సమగ్ర ప్రణాళిక రూపొందిస్తామని మంత్రి సవిత వెల్లడిరచారు. మునుపటి టీడీపీ ప్రభుత్వంలో 68 కాపు భవనాలకు అనుమతులు మంజారు చేయగా, వాటిలో నిర్మాణం చేపట్టి అసంపూర్తిగా నిలిచిపోయిన 2 భవనాలను పూర్తి చేయడానికి రూ.2.36 కోట్లు విడుదల చేయనున్నామన్నారు. మిగిలిన 66 కాపు భవనాల నిర్మాణాలకు ప్రణాళికలు రూపొందిస్తామన్నారు.

అందుబాటులోకి బీసీ గురుకులాలు..
రాష్ట్రంలోని అన్ని బీసీ గురుకుల విద్యాలయాల్లో సీసీ కెమెరాలు ఏర్పాటుచేసి, ఆర్టీజీఎస్‌కు అనుసంధానించి నిరంతరం మానటరింగ్‌ చేస్తామన్నారు. ఉమ్మడి అనంతపురం జిల్లాలో నిర్మాణంలోవున్న 4 రెసిడెన్షియల్‌ స్కూళు ్ల(గుండుమల, గుదిబండ, గోనెబావి, రొద్దం) పూర్తి చేసి ఈ విద్యా సంవత్సంలోనే వినియోగంలోకి తెస్తామన్నారు. ఇందుకోసం రూ.75 కోట్లు విడుదల చేస్తున్నామని మంత్రి సవిత వివరించారు. రాష్ట్రంలో 5చోట్ల ఫ్యాకల్టీ డెవలప్‌ సెంటర్లు ఏర్పాటు చేస్తామని, వీటిద్వారా విద్యార్థులకు నాణ్యమైన గురుకుల విద్యతోపాటు నైపుణ్యాభివృద్ధి కోర్సులు నేర్పిస్తామని మంత్రి సవిత వివరించారు.