- కేంద్ర సహకారం కొనసాగుతుంది
- మంత్రి లోకేష్‌కు కేంద్ర హోంమంత్రి అమిత్‌ షా స్పష్టీకరణ
- అమిత్‌షాను ఢిల్లీలో మర్యాద పూర్వకంగా కలిసిన మంత్రి లోకేష్‌
న్యూఢిల్లీ (చైతన్యరథం): ఏపీలో డబుల్‌ ఇంజన్‌ సర్కార్‌కు కేంద్రప్రభుత్వ సహకారం కొనసాగుతుందని రాష్ట్ర విద్య, ఐటి, ఎలక్ట్రానిక్స్‌ శాఖల మంత్రి నారా లోకేష్‌తో కేంద్ర హోంశాఖ మంత్రి అమిత్‌ షా స్పష్టం చేశారు. అమిత్‌ షాతో మంత్రి నారా లోకేష్‌ బుధవారం ఢల్లీిలో మర్యాదపూర్వకంగా భేటీ అయ్యారు. ఈ సందర్భంగా ఏడాది పాలనలో కూటమి ప్రభుత్వం సాధించిన విజయాలు, కేంద్ర సహకారంతో అమలుచేస్తున్న వివిధ అభివృద్ధి పనుల పురోగతి, రాష్ట్రంలో నెలకొన్న పరిస్థితులను లోకేష్‌ వివరించారు. ఈనెల 21న విశాఖలో ప్రధాని మోదీ హాజరయ్యే యోగాంధ్ర కార్యక్రమానికి విస్తృతమైన ఏర్పాట్లు చేస్తున్నామని చెప్పారు. రాష్ట్రంలో అమలవుతున్న ప్రాజెక్టుల పురోగతిని వివరిస్తూ కొత్తప్రాజెక్టులకు కేంద్రం సహకారం అందించాలని కోరారు. యువగళం పాదయాత్ర అనుభవాలతో రూపొందించిన యువగళం పుస్తకాన్ని అమిత్‌ షాకు అందజేశారు. సుదీర్ఘ పాదయాత్రతో ప్రజల్లో చైతన్యాన్ని నింపిన లోకేష్‌ను అమిత్‌ షా ప్రత్యేకంగా అభినందించారు. చంద్రబాబు సుదీర్ఘ పాలన అనుభవం ఏపీని అభివృద్ధి బాటలో నడిపిస్తుంది, ఏపీలో డబుల్‌ ఇంజన్‌ సర్కారుకు కేంద్ర సహకారం కొనసాగుతుందని అమిత్‌ షా భరోసా పేర్కొన్నారు.
“
