- ఏపీఎస్‌ఎఫ్‌ఎల్‌ నుంచి విడదీసేందుకు కేబినెట్‌ ఓకే
- ముఖ్యమంత్రి అధ్యక్షతన ఈ`కేబినెట్‌ భేటీ
- కీలక అంశాలకు ఆమోదం తెలిపిన కేబినెట్‌
- డీఎల్‌ పురం వద్ద క్యాపిటివ్‌ పోర్టు ఏర్పాటు
- త్రీస్టార్‌, పైబడిన బార్‌ లైసెన్స్‌ ఫీజుల కుదింపు
- యువజన, పర్యాటక శాఖ జీవోల ర్యాటిఫికేషన్‌
- సాగర్‌ లెఫ్ట్‌ కెనాల్‌ రిటైనింగ్‌ వాల్‌ నిర్మాణం
- కొత్తగా జలహారతి కార్పొరేషన్‌ ఏర్పాటు
- జలహారతి పరిధిలోకి పోలవరం` బనకచర్ల
- వివరాలు వెల్లడిరచిన మంత్రి కొలుసు పార్థసారథి
అమరావతి (చైతన్య రథం): సీఎం చంద్రబాబు అధ్యక్షతన గురువారం సచివాలయంలో ఏపీ మంత్రివర్గ సమావేశం జరిగింది. సమావేశంలో పలు కీలక అంశాలకు ఆమోదం తెలిపారు. ఆంధ్రప్రదేశ్ డ్రోన్‌ కార్పొరేషన్‌ను (ఏపీడీసీ) ఆంధ్రప్రదేశ్ స్టేట్‌ ఫైబర్నెట్‌ లిమిటెడ్‌ (ఏపీఎస్‌ఎఫ్‌ఎల్‌) నుంచి విడదీసి స్వతంత్ర సంస్థగా ఏర్పాటు చేసేందుకు క్యాబినెట్‌ ఆమోదం తెలిపింది. రాష్ట్రంలో డ్రోన్‌ సంబంధిత అంశాలన్నింటికీ నోడల్‌ ఏజెన్సీగా ఏపీడీసీ వ్యవహరించనుంది.
క్యాబినెట్‌ ఆమోదం పొందిన అంశాలు
చంద్రబాబు అధ్యక్షతన జరిగిన ఇ-క్యాబినెట్‌ పలు అంశాలపై తీసుకున్న నిర్ణయాలను సమాచార పౌర సంబంధాల మంత్రి కొలుసు పార్థసారధి మీడియాకు వెల్లడిరచారు. రాష్ట్రంలో పారిశ్రామిక అభివృద్ది ద్వారా పెద్దఎత్తున ఉపాధి అకాశాలు కల్పనకు మంత్రి మండలిలో పలు నిర్ణయాలు తీసుకున్నట్టు మంత్రి కొలుసు వెల్లడిరచారు. ఆర్సెలర్‌ మిట్టల్‌ నిప్పాన్‌ స్టీల్‌ ఇండియా లిమిటెడ్‌ దాదాపు రూ.లక్షా 35వేల కోట్ల పెట్టుబడితో రెండు దశల్లో 17.8 మిలియన్‌ టన్నుల స్టీల్‌ ఉత్పత్తి చేసే స్టీల్‌ ప్లాంట్‌ ఏర్పాటుకు ముందుకొచ్చింది. ఈ ప్రతిపాదనకు రాష్ట్ర మంత్రి మండలి ఆమోదం తెల్పిందన్నారు. అలాగే ఆర్సెలర్‌ కోరిన విధంగా అనకాపల్లి జిల్లాలోని డిఎల్‌ పురంవద్ద 2.9 కి.మీ.ల వాటర్‌ఫ్రంట్‌తో ఒక క్యాప్టివ్‌ పోర్టు ఏర్పాటుకూ కేబినెట్‌ ఆమోదం తెలిపిందన్నారు. అయితే క్యాప్టివ్‌ పోర్టు అనుమతికై కాకినాడ గేట్వే పోర్టు లిమిటెడ్‌ (కెజిపిఎల్‌)కు సంబంధించిన పోర్టు రాయితీ ఒప్పందంలోని క్లాజు నెం.30.1.1 (ఇండియన్‌ పోర్టు యాక్టు-1908)ను సవరించినట్టు మంత్రి కొలుసు వెల్లడిరచారు. ఈ నిర్ణయం ద్వారా మొదటి దశలో ఏడాదికి 7.3 మిలియన్‌ మెట్రిక్‌ టన్నుల ఉత్పత్తి సామర్థ్యం గల స్టీల్‌ ప్లాంట్‌ను రూ.55,964 కోట్ల పెట్టుబడితో ఏర్పాటు చేస్తారన్నారు. జనవరి 2029 నాటికి తొలి దశ ఉత్పత్తి ప్రారంభించాలనే లక్ష్యాన్ని నిర్థేశించడం జరిగిందని, మొదటి దశలో దాదాపు 20 వేలమందికి ఉద్యోగావకాశాలు లభిస్తాయని మంత్రి స్పష్టం చేశారు.
అదే విధంగా ఏడాదికి 10.5 మిలియన్‌ మెట్రిక్‌ టన్నుల ఉత్పత్తి సామర్థ్యంగల రెండో దశ స్టీల్‌ప్లాంట్‌ను రూ.80 వేల కోట్ల పెట్టుబడితో 2033కి పూర్తి చేయాలనే లక్ష్యాన్ని నిర్థేశించడం జరిగిందన్నారు. రెండోదశలో దాదాపు 35 వేలమందికి ఉద్యోగావకాశాలు కల్పించడం జరుగుతుందన్నారు. మొదటి దశలో ఏర్పాటయ్యే ఉక్కు పరిశ్రమకు అనుసంధానంగా 20.5 మిలియన్‌ మెట్రిక్‌ టన్నుల సామర్థ్యంగల క్యాప్టివ్‌ పోర్టును రూ.5,816కోట్ల వ్యయంతో జనవరి 2029కల్లా ఏర్పాటవుతుందన్నారు. దీనిద్వారా వెయ్యిమందికి ఉద్యోగాలు కల్పించబడతాయని మంత్రి కొలుసు వివరించారు. అలాగే, ఏడాదికి 10.5 మిలియన్‌ మెట్రిక్‌ టన్నుల ఉత్పత్తి సామర్థ్యం గల రెండో దశ స్టీల్‌ ప్లాంట్‌ అనుసంధానంగా రెండోదశ క్యాప్టివ్‌ పోర్టును రూ.5,380 కోట్లు వ్యయంతో జనవరి 2029 కల్లా ఏర్పాటు చేయబడుతుందని, దీని ద్వారా ఐదువేల మందికి ఉద్యోగాలు కల్పించబడతాయని మంత్రి వివరించారు. ఈ ప్రాజక్టు నిర్మాణంలో ఎటువంటి అడ్డంకులు లేకుండా నిర్థేశిత సమయంలో పూర్తి చేయాలని అధికారులను ముఖ్యమంత్రి ఆదేశించారని వివరించారు. కూటమి ప్రభుత్వం వైజాగ్‌ స్టీల్‌ ప్లాంటును ప్రయివేట్‌పరం కాకుండా చూడటమే కాకుండా, కరెంటు బిల్లు రూ.2,400 కోట్లను ఈక్విటీగా మార్చేందుకు రాష్ట్ర ప్రభుత్వం ఒప్పుకోవడం జరిగిందన్నారు. ఫలితంగా వైజాగ్‌ స్టీల్‌ప్లాంట్‌ మార్చి మాసంలో లాభాలను ఆర్జించడం జరిగిందని, కేంద్ర ప్రభుత్వ పోలిసింగ్‌ స్థానంలో రాష్ట్ర ప్రభుత్వ పోలీసులను అక్కడ సెక్యురిటీగా ఏర్పాటు చేయాలని రాష్ట్ర ప్రభుత్వం నిర్ణయించిందన్నారు. రాష్ట్రంలో తీరప్రాంతం అభివృద్దిపైనా ప్రభుత్వం దృష్టి సారించిందని, అవకాశం ఉన్నచోట పోర్టులు, ఫిషింగ్‌ హర్బర్లు ఏర్పాటుకు చర్యలు చేపట్టడం జరిగిందని మంత్రి కొలుసు వివరించారు.
రాష్ట్రంలో పర్యాటకరంగ అభివృద్ధికి అపారమైన అవకాశాలు ఉన్నాయి. ఈ రంగాన్ని అభివృద్ధిపర్చడం ద్వారా రాష్ట్ర ఆదాయాన్ని వృద్ధి చేయడమే కాకుండా ఉపాధి అవకాశాలను పెద్దఎత్తున మెరుగుపర్చవచ్చని ముఖ్యమంత్రి ఈ రంగం అభివృద్ధిపై దృష్టి సారించారు. టెంపుల్‌ టూరిజంకు కూడా పెద్దఎత్తున అవకాశాలున్నాయి. పర్యాటకులకు సరిపడా రూములు అందుబాటులో ఉండాలనే లక్ష్యంతో వచ్చే ఐదేళ్లలో దాదాపు 50,000 రూములను నిర్మించాలన్న లక్ష్యంతో పర్యాటక శాఖ ఉంది. ఫలితంగా రాష్ట్రంలోని 3 స్టార్‌, అంతకంటే ఎక్కువ కేటగిరీ హోటళ్లకు బార్‌ లైసెన్స్‌ ఫీజును రూ.66 లక్షలనుండి రూ.25 లక్షలకు తగ్గించడానికి ఆమోదం కోసం యువజన సర్వీసులు, పర్యాటక మరియు సాంస్కృతిక శాఖ చేసిన ప్రతిపాదనకు రాష్ట్ర మంత్రి మండలి ఆమోదం తెల్పింది. ఈ నిర్ణయం ద్వారా రాష్ట్రంలోని ఆతిథ్య రంగాభివృద్ధికి తగిన అనుకూల వాతావరణాన్ని కల్పించడమవుతుంది. ఆతిథ్య మరియు పర్యాటక రంగం ఇతర రాష్ట్రాలకు దీటుగా అభివృద్ధి చెందడానికి ఊతమిస్తూ తద్వారా ఆర్థికాభివృద్ధిని సాధించడంతో పాటు మరిన్ని ఉద్యోగావకాశలు కల్పించబడతాయి.
చాలా సంవత్సరాల తదుపరి ఉగాది పురస్కారాల కార్యక్రమాన్ని పెద్దఎత్తున రాష్ట్రంలో నిర్వహించడం జరిగింది. రాష్ట్రంలోని అన్ని రకాల కళలను ప్రోత్సహించాలనే లక్ష్యంతో ప్రభుత్వం కూడా ఉంది. ఫలితంగా రాష్ట్ర ప్రభుత్వం ప్రతిష్టాత్మకంగా నిర్వహించిన ఉగాది పురస్కారాలకు సంబంధించి యువజన, పర్యాటక శాఖ జీవోల ర్యాటిఫికేషన్‌కు మంత్రిమండలి ఆమోదం తెలిపింది.
హడ్కో నుంచి ఏపీ పవర్‌ ఫైనాన్స్‌ కార్పొరేషన్‌ లిమిటెడ్‌ రూ.710 కోట్ల మేర ఋణాన్ని తీసుకునేందుకు ప్రభుత్వం గ్యారంటీ ఇచ్చేందుకు కేబినెట్‌ ఆమోదించింది. ఏపీ మీడియా అక్రిడిటేషన్‌ నిబంధనలు-2025కి ఆమోదం లభించింది. నాగార్జునసాగర్‌ లెఫ్ట్‌ బ్రాంచ్‌ కెనాల్‌ రిటైనింగ్‌ వాల్‌ నిర్మాణ ప్రతిపాదనకూ కేబినెట్‌ ఓకే చెప్పింది. గోదావరి నది వరద జలాలను, ఇతర ప్రాజెక్టులను ఉపయోగించుకునేందుకు నిర్థేశించబడిన ‘‘పోలవరం -బనకచెర్ల లింక్‌ ప్రాజెక్ట్‌’’ పనులను పూర్తి చేయడానికి కంపెనీల చట్టం, 2013 ప్రకారం నూరుశాతం ప్రభుత్వ యాజమాన్యంలోని కంపెనీగా జల వనరుల శాఖ ‘‘జలహారతి కార్పొరేషన్‌’’ పేరిట స్పెషల్‌ పర్పస్‌ వెహికల్‌ ఏర్పాటుకు, దానికి అవసరమైన డైరెక్టర్లు, ఇతర సిబ్బందిని సమకూర్చుకునేందుకు చేసిన ప్రతిపాదనకు రాష్ట్ర మంత్రి మండలి ఆమోదం తెలిపింది. రాష్ట్రంలోని జలవనరులను అన్నింటినీ సద్వినియోగం చేసుకుంటూ అన్ని ప్రాంతాలను అభివృద్ది పర్చాలనే లక్ష్యంతో మరీ ప్రత్యేకించి రాయలసీమను రతనాల సీమగా మార్చాలనే లక్ష్యంతో ప్రాజెక్టును ప్రతిపాదించడం జరిగింది. ప్రాజెక్టు నిర్మాణానికి దాదాపు రూ.80 వేల కోట్లు ఖర్చవుతుందని అంచనా వేయడం తెలిసిందే.
