- త్వరలో ఎమ్మెల్యేలకు శిక్షణా తరగతులు
- స్పీకర్‌ య్యన్నపాత్రుడు
అమరావతి (చైతన్యరథం): ప్రజా సమస్యలపై లోతైన చర్చ జరగాలంటే అసెంబ్లీ సమావేశాలు ఏడాదిలో కనీసం 75 రోజుల పాటు జరగాల్సిన అవసరం ఉందని రాష్ట్ర శాసనసభ స్పీకర్‌ చింతకాయల అయ్యన్నపాత్రుడు అభిప్రాయపడ్డారు. 76వ గణతంత్ర దినోత్సవాన్ని పురస్కరించుకుని రాష్ట్ర అసెంబ్లీ భవనం వద్ద ఆదివారం జరిగిన వేడుకల్లో స్పీకర్‌ ముఖ్యఅతిథిóగా పాల్గొని ముందుగా జాతిపిత మహాత్మా గాంధీ చిత్రపటానికి పుష్పాంజలి ఘటించిన తదుపరి జాతీయ జెండాను ఆవిష్కరించారు. ఈ సందర్భంగా ఆయన మాట్లాడుతూ ప్రజలందరికీ ముందుగా గతణంత్ర దినోత్సవ శుభాకాంక్షలు తెలియజేశారు. 1950 జనవరి 26వ తేదీన మన రాజ్యాంగం అమలులోకి వచ్చి నేటికి 76 వసంతాలు పూర్తయ్యాయన్నారు. మన రాజ్యాంగం దేశ పౌరులందరికీ స్వేచ్చ, సమానత్వం, ఆత్మగౌరవం, ఓటు హక్కును కల్పించిందిందన్నారు. ఓటు హక్కు ద్వారా మనకు మనమే ప్రజా ప్రభుత్వాన్ని ఎన్నుకునే అధికారాన్ని కూడా రాజ్యాంగం కల్పించిందన్నారు.
అంతేగాక మన రాజ్యాంగ నిర్మాతలు దూరదృష్టితో కాలానుగుణంగా ఎదురయ్యే ప్రతి బంధకాలను తొలగించుకునేందుకు రాజ్యాంగాన్ని మరింత బలోపేతం చేసుకునేందుకు రాజ్యాంగాన్ని సవరించుకునే వెసులుబాటు కల్పించారని తెలిపారు. ఆ ప్రకారం ఇప్పటి వరకూ మన రాజ్యాంగాన్ని106 సార్లు సవరించుకున్నామని గుర్తు చేశారు. రాజ్యాంగం అమలులోకి వచ్చి ఇన్నాళ్ళయినా సమాజంలో పేదరికం, నిరక్షరాస్యత, అవినీతి, అసమానతలు, లింగవివక్ష, ఉగ్రవాదం, మతతత్వం, మాదక ద్రవ్యాల వాడకం, మహిళలపై హింస వంటి అనేక సవాళ్ళు నేడు మనముందు ఉన్నాయన్నారు. వాటిని ఏవిధంగా పరిష్కరించాలనే దానిపై కలిసికట్టుగా పనిచేయాల్సిన అవసరం ఉందన్నారు. ప్రతి ఒక్కరూ రాజ్యాంగ స్ఫూర్తికి అనుగుణంగా నడుచుకోవాలని హితపు పలికారు. అదే విధంగా ప్రభుత్వం అమలు చేసే అభివృద్ధి, సంక్షేమ పధకాలను పేదలంరికీ చేరేలా కృషి చేయాల్సిన అవసరం ఉందన్నారు.
పనిదినాలు తగ్గటం ఆందోళనకరం
ప్రస్తుతం ఆందోళన కలిగిస్తున్న విషయం ఏమిటంటే.. రానురాను చట్టసభలు ముఖ్యంగా అసెంబ్లీ సమావేశాల పనిదినాలు తగ్గిపోవడం చూస్తుంటే ప్రజాస్వామ్యం బలహీనమవుతున్నట్లుగా అనిపిస్తోందని స్పీకర్‌ అయ్యన్నపాత్రుడు అభిప్రాయపడ్డారు. అసెంబ్లీ సమావేశాలు ఏడాదిలో కనీసం 75 రోజుల పాటు జరగాల్సిన అవసరం ఉందని తాను భావిస్తున్నట్టు తెలిపారు. 1983లో ఎన్టీఆర్‌ సీఎంగా ఉండగా బడ్జెట్‌ సమావేశాలే 45 రోజుల పాటు జరిగేవని, కొన్ని సందర్భాల్లో అర్ధరాత్రి వరకూ జరిగేవని గుర్తు చేశారు. ఎక్కువ రోజులు చట్ట సభలు జరుపుకోగలిగితే ప్రజా సమస్యలపై మరింత లోతైన చర్చ జరిపి, ప్రజలకు మరింత మేలు చేసేందుకు అవకాశం కలుగుతుందని ఆయన అభిప్రాయం వ్యక్తం చేశారు. సమాఖ్య స్ఫూర్తిని, రాజ్యాంగ విలువలను కాపాడేందుకు రాజకీయ నేతలను ఒక తాటిపైకి తెచ్చిన నాయకుడు దివంగత ఎన్టీఆర్‌ అని గుర్తు చేశారు. ప్రస్తుత 16వ శాసనసభకు 84మంది కొత్తగా ఎమ్మెల్యేలుగా ఎన్నికయ్యారని, వారితోపాటు మిగతా శాసనసభ్యులకు సైతం.. శాసన సభ నియమాలు, పద్ధతులపై, సభలో చర్చించే విధానం, వాదనలపై అవగాహన కల్పిచేందుకు త్వరలో శిక్షణా తరగతులు నిర్వహించాలని భావిస్తున్నట్టు స్పీకర్‌ వెల్లడిరచారు. మాజీ ఉప రాష్ట్రపతి ఎం వెంకయ్యనాయుడు, లోక్‌సభ స్పీకర్‌ ఓం బిర్లా వంటి వారిని ఈ శిక్షణా తరగతులకు ఆహ్వానించి చట్టసభల్లో సభ్యులు వ్యవహరించాల్సిన తీరు, ఇతర అంశాలపై ఎమ్మెల్యేలకు అవగాహన కల్పించేందుకు చర్యలు తీసుకోనున్నట్టు చెప్పారు.
ఈ కార్యక్రమంలో ఉప సభాపతి కె. రఘురామ కృష్ణరాజు, 20 సూత్రాల కార్యక్రమం చైర్మన్‌ లంకా దినకర్‌, మాదిగ కార్పొరేషన్‌ అధ్యక్షురాలు ఉండవల్లి శ్రీదేవి, అసెంబ్లీ సెక్రటరీ జనరల్‌ ఎస్.ప్రసన్నకుమార్‌, అసెంబ్లీ ఉప కార్యదర్శి రాజ్‌ కుమార్‌, ఇతర అధికారులు పాల్గొన్నారు.
