- బాధిత కుటుంబాలను ఏనాడైనా పరామర్శించారా?
- నేడు సత్యహరిశ్చంద్రుడికి తమ్ముడిలా నీతిసూక్తులా?
- రాష్ట్రాన్ని రావణకాష్టం చేసి ఇప్పుడు శవరాజకీయాలా?
- జగన్‌రెడ్డిపై మాజీ మంత్రి ఆలపాటి రాజా ధ్వజం
గుంటూరు(చైతన్యరథం): గత ఐదేళ్లు రాష్ట్రాన్ని రావణకాష్టం చేసి గంజాయి వనంగా మార్చిన సైకో నేడు పరామర్శల పేరుతో రాజకీయ లబ్ధిపొందాలని చూస్తున్నాడని టీడీపీ పట్టభద్రుల ఎమ్మెల్సీ అభ్యర్థి, మాజీ మంత్రి ఆలపాటి రాజా ధ్వజమెత్తారు. గుంటూరు టీడీపీ జిల్లా కార్యాలయంలో పశ్చిమ ఎమ్మెల్యే గల్లా మాధవి, పిల్లి మాణిక్యాలరావుతో కలిసి మీడియా సమావేశంలో జగన్‌రెడ్డి ఆరోపణలపై ఘాటుగా స్పందించారు. తెనాలి యువతి సహనా కుటుంబాన్ని పరామర్శించేందుకు వచ్చి జగన్‌రెడ్డి మాట్లాడిన మాటలు చూస్తే దెయ్యాలు వేదాలు వల్లించినట్టుగా, సత్యహరిశ్చంద్రుడి తమ్ముడిలాగా మాట్లాడుతున్నట్లుగా ఉందని ఎద్దేవాచేశారు. తాడేపల్లి ప్యాలెస్‌ పక్కన యువతిపై అఘాయిత్యం జరిగితే పట్టిం చుకున్న పాపాన పోని సైకో నేడు మాత్రం రాజకీయ లబ్ధికోసం సిగ్గులేకుండా పరామర్శకు వచ్చాడని ధ్వజమెత్తారు. మీ నేతలు కోనసీమలో చేసిన అల్లర్లు, దహనాలు, హత్యలను గుట్టుచప్పుడు కాకుండా దాచిపెట్టి ఇప్పుడు పత్తిత్తులాగా మాట్లాడుతున్నావు. నీ హయాంలో సొంత బాబాయ్‌ హత్య, మహిళలపై అఘాయిత్యాలు, హత్యలు గుర్తుకు రాలేదా అని ప్రశ్నించారు. టీడీపీ నేతలపై ఇష్టానుసారంగా మాట్లాడటం చూస్తే వైసీపీ నేతలు తీరు ఇంకా మారలేదని అర్థమవుతోందన్నారు. సిగ్గు శరం లేకుండా ఇంకా మహిళల రక్షణ గురించి మాట్లాడటం చూస్తే నవ్వొస్తుంది.. మానవత్వంతో మాట్లాడండి రాజకీయ లబ్ధి కోసం మాట్లాడటం మానుకోవాలని హితవుపలికారు. పల్నాడులో టీడీపీ బీసీ నేత చంద్ర య్యను అత్యంత పాశవికంగా హత్య చేస్తే వివక్ష రాజకీయాలు చేసిన మీరు కూడా మాట్లా డుతున్నారంటే ప్రజలు నమ్మే స్థితిలో లేరని ఘాటుగా స్పందించారు. రాష్ట్రంలో వైసీపీ జులుం సాగించాలని చూస్తే టీడీపీ ప్రభుత్వం చూస్తూ ఊరుకోదని గట్టిగా హెచ్చరించారు.
వైసీపీ రౌడీషీటర్‌ నవీన్‌: గల్లా మాధవి
తెనాలిలో యువతిపై జరిగిన ఘటనపై అసత్యాలు వెదజల్లుతూ రాజకీయ లబ్ధిపొందాలని చూస్తున్నారు. శవాలపై రాజకీయాలు వైసీపీ నేతలకు వెన్నతో పెట్టిన విద్య.. వైసీపీ రౌడీ షీటర్‌ నవీన్‌ చేసిన అకృత్యాన్ని టీడీపీ ప్రభుత్వానికి అంటగట్టాలని చూస్తే ప్రజలు చూస్తూ ఊరుకోరని హెచ్చరించారు. 30 వేల మంది మహిళలు వైసీపీ హయాంలో మాయమైపోతే ఇంతవరకూ సమాధానం చెప్పలేని జగన్‌రెడ్డిని ప్రజలు తిరస్కరించినా శవం కనపడితే చాలు రాజకీయాలు చేయడానికి పరుగులు పెట్టుకుంటూ వస్తున్నారని ఎద్దేవాచేశారు. టీడీపీ ప్రభుత్వం జరిగిన ఘటనకు బాధాతప్త హృదయంతో సహనా కుటుంబానికి నష్టపరి హారం చెల్లిస్తే దానికి కూడా వైసీపీ నేతలు రాజకీయాలు అంటగట్టడం సిగ్గుచేటని మండిపడ్డారు. వైసీపీ శవరాజకీయాలు చేస్తే చూస్తూ ఊరుకోమని ఘాటుగా హెచ్చ రించారు.
ఏపీలో పులివెందుల ఎమ్మెల్యే ప్రేతాత్మ: పిల్లి మాణిక్యాలరావు
ఏపీలో పులివెందుల ఎమ్మెల్యే ప్రేతాత్మ తిరుగుతుంది. అధికారంలో ఉన్న ఐదేళ్లు దళితులు, బడుగులకు రక్షణ లేకుండా చేసిన సిగ్గుమాలిన వ్యక్తి జగన్‌. 2021 ఆగస్ట్‌ 15న వైసీపీ కార్యకర్త నడిరోడ్డుపై కత్తితో పొడిచి చంపిన లక్ష్మిని హత్య చేస్తే పరామర్శకు ఎందుకు రాలేదని ప్రశ్నించారు. వైసీపీ నేతలు అనంతబాబు, దువ్వాడలను పక్కన పెట్టుకుని తిరిగే జగన్‌రెడ్డి మహిళల రక్షణ గురించి మాట్లాడటం సిగ్గుచేటని మండిపడ్డారు. పులివెందుల నాగమ్మ అనే మహిళను హత్య చేస్తే పరామర్శించారా? అని ప్రశ్నించారు. సహనా ఘటనలో ప్రభుత్వం ప్రత్యేక శ్రద్ధ తీసుకుని కుటుంబసభ్యులకు సాయం చేసింది. తల్లి, చెల్లికి అన్యాయం చేసి కోర్టుకు పోయిన నువ్వు కూడా న్యాయం గురించి మాట్లాడటం చూస్తే ఊసరవెల్లులు కూడా సిగ్గు పడుతున్నాయి. దిశ యాప్‌ పేరుతో మహిళలను మోసం చేయాలని మరొకసారి ప్రజల్లోకి వచ్చారు. గత వైసీపీ హయాంలో తెనాలిలో గంజాయి విచ్చలవిడిగా అమ్మకాలు చేయించిన ఎమ్మెల్యే అన్నాబత్తుని శివకుమార్‌ కూడా మాట్లాడటం చూస్తే ఆవేదన కలుగుతుంది. రాష్ట్రంలో అభివృద్ధి కోసం పనిచేసే చంద్రబాబుపై ఆర్థిక నేరస్తుడు జగన్‌రెడ్డికి మాట్లాడే అర్హత లేదని హితవుపలికారు.
