ఆంధ్రప్రదేశ్ అసెంబ్లీ ఎన్నికల్లో ఎన్డీఏ కూటమి అఖండ విజయం సాధించటంపై దివంగత నందమూరి హరికృష్ణ తనయుడు, సినీ నటుడు కల్యాణ్‌రామ్‌ ఎక్స్‌ వేదికగా అభినందనలు తెలిపాడు. చరిత్రలో నిలిచిపోయే ఘన విజయాన్ని సాధించిన నారా చంద్రబాబు నాయుడు మావయ్యకి, తెలుగుదేశం పార్టీ నాయకులు, కార్యకర్తలకు హృదయపూర్వక అభినందనలు తెలియజేస్తున్నానంటూ కల్యాణ్‌ రామ్‌ బుధవారం ట్వీట్‌ చేశాడు.
మీ కృషి, పట్టుదల ఆంధ్రప్రదేశ్ రాష్ట్ర భవిష్యత్తుని కచ్చితంగా మెరుగుపరుస్తుందని ఆశిస్తున్నాను. వరుసగా మూడవసారి హిందూపురం ఎమ్మెల్యేగా అఖండ విజయం సాధించిన నందమూరి బాలకృష్ణ బాబాయ్‌కి శుభాకాంక్షలు. అలాగే భారీ మెజారిటీతో గెలుపొందిన నారా లోకేష్‌, శ్రీభరత్‌, అత్తయ్య దగ్గుబాటి పురందేశ్వరికి శుభాకాంక్షలు అని కల్యాణ్‌ రామ్‌ పేర్కొన్నాడు.
