- ప్రాణ, ఆస్తినష్టం లేకుండా చర్యలు చేపట్టాలి
- మత్స్యకారులు, రైతులు, కాపరులకు సూచనలివ్వాలి
- పంట నష్టం నివారణకు ముందస్తు జాగ్రత్తలు తీసుకోవాలి
- టెలీ కాన్ఫరెన్స్‌లో కలెక్టర్లకు హోంమంత్రి అనిత ఆదేశం
అమరావతి(చైతన్యరథం): బంగాళాఖాతంలో అల్పపీడనం తీవ్ర వాయుగుండంగా మారనున్న నేపథ్యంలో రాష్ట్ర ప్రభుత్వం అప్రమత్తమైంది. రానున్న రెండురోజుల్లో ఉత్త రాంధ్రకు భారీ వర్షాలుంటాయని వాతావరణ శాఖ హెచ్చరికల నేపథ్యంలో హోం మంత్రి వంగలపూడి అనిత అన్ని జిల్లాల కలెక్టర్లతో మంగళవారం టెలీ కాన్ఫరెన్స్‌ నిర్వ హించారు. రాయలసీమ, కోస్త్రాంధ్ర సహా వర్షం పడే అవకాశమున్న జిల్లాల కలెక్టర్లు ప్రాణ, ఆస్తినష్టాలకు ఆస్కారం లేకుండా ముందస్తు చర్యలు చేపట్టాలని ఆదేశించారు. మత్స్యకారులు, రైతులు, గొర్రెల కాపరులను వర్షం, పిడుగుల హెచ్చరికలతో ఫోన్‌ కాల్స్‌, సందేశాల ద్వారా ఎప్పటికప్పుడు అప్రమత్తంగా చేయాలని విపత్తు నిర్వహణ శాఖ ఎండీ కూర్మనాథ్‌కు ఆదేశాలిచ్చారు. వ్యవసాయ పంటలకు నష్టం వాటిల్లకుండా ఆయా శాఖ అధికారులు సమన్వయం చేసుకునేలా ముందస్తు జాగ్రత్త చర్యలు చేప ట్టాలని వెల్లడిరచారు.
శ్రీశైలం స్టేషన్‌ తనిఖీ…మల్లికార్జునుడి దర్శనం
నంద్యాల జిల్లా శ్రీశైలంలోని వన్‌టౌన్‌ పోలీసుస్టేషన్‌ను హోంమంత్రి వంగలపూ డి అనిత మంగళవారం ఆకస్మికంగా తనిఖీ చేశారు. పోలీసుస్టేషన్‌ రికార్డుల నిర్వ హణపై సమీక్షించారు. లోన్‌ యాప్‌, సైబర్‌ మోసాలపై ప్రజల్లో అవగాహన కల్పిం చాలని సూచించారు. శాంతిభద్రతల పరిరక్షణ, శ్రీశైల క్షేత్రానికి వచ్చే భక్తుల భద్రత, మహిళా సమస్యల పరిష్కారానికి ప్రాధాన్యతనివ్వాలని ఆదేశించారు. చట్ట వ్యతిరేక కార్యకలాపాల నియంత్రణకు సమష్టిగా కృషి చేయాలని సూచించారు. అంతకు ముందు శ్రీశైలం భ్రమరాంబ మల్లికార్జునస్వామి, అమ్మవార్లను కుటుంబసమేతంగా దర్శించుకున్నారు. దర్శనాంతరం అమ్మవారి ఆలయ ప్రాంగణంలోని ఆశీర్వచన మం డపంలో వేదపడితులు ఆశీర్వచనం అందజేసి తీర్థప్రసాదాలు అందజేశారు. అనంత రం కూటమి ప్రభుత్వ పాలనలో ఏపీ ప్రజలంతా శాంతిభద్రతలతో సుభిక్షంగా ఉండా లని అనిత ప్రత్యేక పూజలు నిర్వహించారు.
రాజ్యాంగ వజ్రోత్సవ శుభాకాంక్షలు
అంతకుముందు తన ఎక్స్‌ అకౌంట్‌ ద్వారా దేశ పౌరులకు రాజ్యాంగ వజ్రోత్సవ శుభాకాంక్షలు తెలిపారు. దేశమంతా ఒక్కటిగా నిలిపిన భారతీయుల తోడు నీడ.. కంటికిరెప్పలా..కన్నతల్లిలా 75 ఏళ్లుగా కాపాడుతున్న రక్షణ గోడ రాజ్యాంగం. రాజ్యాంగాన్ని రూపొందించడంలో 15 మంది నారీమణులు నాడు కీలక పాత్ర పోషించడం గర్వించదగ్గ విషయం. విదేశీ శత్రువులు, స్వదేశీ సంక్షోభాలు ఎన్ని ఎదు రైనా భారతావనిలో ప్రజస్వామ్యం నిలబడడం మాత్రమే కాదు మరింత బలపడిరది. కానీ రాష్ట్రంలో మాత్రం గత ఐదేళ్ల వైసీపీ ప్రభుత్వ పాలనలో అంబేద్కర్‌ రాజ్యాంగాన్ని పక్కనపెట్టి రాజారెడ్డి రాజ్యాంగాన్ని అమలు చేసి వ్యవస్థలను నిర్వీర్యం చేయడమే కాదు.. ప్రజల సర్వనాశనమే లక్ష్యంగా విఫలయత్నం చేశారు. ముఖ్యమంత్రి చంద్ర బాబు నాయకత్వంలో కూటమి ప్రభుత్వానికి ప్రజలు పట్టం కట్టడంతో తిరిగి నేడు రాజ్యాంగ వజ్రోత్సవాలను స్వేచ్ఛగా జరుపుకుంటున్నామని పేర్కొన్నారు.
