అమరావతి (చైతన్యరథం): ఏరోస్పేస్‌ పరిశ్రమలను ఏపీకి ఆహ్వానిస్తూ రాష్ట్ర విద్య, ఐటీశాఖల మంత్రి నారా లోకేష్‌ ఎక్స్‌లో పెట్టిన పోస్ట్‌పై కర్ణాటకకు చెందిన బీజేపీ ఎంపీ తేజశ్వీ సూర్య స్పందించారు. ఈ మేరకు ఆయన కూడా ఎక్స్‌లో పోస్ట్‌ చేశారు. వ్యాపారాన్ని ఆకర్షించే, పరిశ్రమలను స్వాగతించే, ఉద్యోగాలు సృష్టించే విధానం అంటే ఇలా ఉంటుందని ప్రశంసలు కురిపించారు. ఈ విషయంలో ఏపీ మంత్రి లోకేష్‌ బాటలో నడిచి కర్ణాటక ప్రభుత్వం తన మార్గాన్ని సరిదిద్దుకోవాలని ఆశిస్తున్నానన్నారు. ఏరోస్పేస్‌ పార్క్‌ను బెంగళూరులో స్థాపించడానికి ముఖ్యమంత్రి సిద్ధరామయ్య రాజకీయ సంకల్పం చూపించాలన్నారు.
పెట్టుబడులు ఆకర్షించే తీరు ఇదీ!
మంత్రి లోకేష్‌పై కర్ణాటక ఎంపీ తేజశ్వీ సూర్య ప్రశంసలు
