న సొంత చెల్లెళ్లకే జవాబు చెప్పలేని జగన్.. ప్రజలకు ఏం సమాధానం చెబుతారు
న అయిన వాళ్లచే ఛీ కొట్టించుకుంటున్న మోసగాడు
న విజయమ్మ, షర్మిల, సునీతకు ఏ హాని జరిగినా దానికి జగన్‌దే బాధ్యత
న సొంత బాబాయిని చంపిన అబ్బాయికి తల్లి, చెల్లి ఓ లెక్కా అని ప్రజలు భావిస్తున్నారు
అమరావతి (చైతన్యరథం): జగన్‌రెడ్డి పాపం పం డిరది.. అధికారం కోసం ఆయన చేసిన పాపాలే నేడు శాపాలుగా మారి జగన్ మెడచుట్టు బిగుసుకుంటున్నా యని టీడీపీ పొలిట్‌బ్యూరో సభ్యుడు, శాసన మండలి ప్రతిపక్ష నేత యనమల రామకృష్ణుడు అన్నారు. రక్తం పంచుకొని పుట్టిన చెల్లెళ్లే జగన్‌రెడ్డి నేరాలు, ఘోరాల గురించి చెబుతున్నారు.. ఆయన సీఎంగా అనర్హుడని వాళ్లే అంటున్నారని ఒక ప్రకటనలో యనమల విమ ర్శించారు. జగన్‌రెడ్డి ఒక మోసగాడని వైఎస్‌ షర్మిల చేసిన వ్యాఖ్యలు ఆయన నిజ స్వరూపాన్ని బట్టబయలు చేస్తున్నాయి. వంచన,నమ్మకద్రోహంతో మహిళా ద్రోహి గా జగన్‌రెడ్డి చరిత్రలో నిలిచిపోతారు. ఆయన వ్యవ హరిస్తున్న తీరుతో మహిళా లోకం సిగ్గుతో తలదించు కోవాల్సిన పరిస్థితి నెలకొంది. జగన్‌రెడ్డి లాంటి క్రూర మనస్థత్వం గల నాయకుడు ఎక్కువ కాలం రాజకీయా ల్లో కొనసాగలేరు.
ఆయన వ్యవహార శైలిపై తెలుగు దేశంపార్టీ మొదటి నుంచి హెచ్చరిస్తూనే ఉంది. తండ్రి అధికారంలో ఉన్నప్పుడు ఆయన విపరీత ధోరణితో తలవంపులు తెచ్చిన మాట నిజం. పులివెందులలో చెల్లె లు సునీతారెడ్డి సభ పెట్టుకోవడానికి కూడా అనుమతి ఇవ్వకపోవడం మహిళలను అవమానించడం కాదా? సొంత కుటుంబ సభ్యుల నమ్మకమే పొందలేని జగన్ రెడ్డి ప్రజల్ని ఏ విధంగా ఉద్ధరిస్తారు? సునీతారెడ్డి, వైఎస్‌ షర్మిల అడిగిన ప్రశ్నలకు జవాబు చెప్పే దమ్ము జగన్‌కు ఉందా? ఎందుకు నోరు మెదపటంలేదు? అన్నకి ఓటు వేయొద్దని సొంత చెల్లెలే చెప్పిందంటే అర్థం ఏంటి? విలువలు, విశ్వసనీయత అంటూ పదే పదే మాట్లాడే జగన్‌రెడ్డి దీనిపై ఎందుకు స్పందించటం లేదు? సొంత బాబాయిని దారుణంగా చంపిన హంత కులకు వంతపాడి న్యాయం కోసం పోరాటం చేస్తున్న చెల్లెళ్లపై విష ప్రచారం చేయటమే మీ విశ్వసనీయతా? ఆఖరికి సొంత చెల్లి పుట్టుక మీద కూడా తప్పుడు ప్రచారం చేయిస్తున్న నీ లాంటి అన్న బహుశా ఏ చెల్లికి ఉండకూడదేమో? సొంత చెల్లెళ్లకే న్యాయం చేయలేని వాడివి..రాష్ట్ర మహిళలకు ఏంచేస్తావని సగటు మహిళ నిన్ను ప్రశ్నిస్తోంది జగన్‌రెడ్డి.. దమ్ముంటే సమాధానం చెప్పాలని యనమల సవాల్‌ చేశారు.
మహిళా సాధికారత టీడీపీతోనే సాధ్యం
స్వర్గీయ ఎన్టీరామారావు మహిళలకు ఆస్తి హక్కు కల్పించడంతోపాటు ఎన్నికల్లో రిజర్వేషన్లను కూడాఇచ్చి ప్రోత్సహిస్తే..చంద్రబాబునాయుడు డ్వాక్రా సంఘాల ఏర్పాటు ద్వారా ఆర్థిక స్వాతంత్య్రం లభించేలా అవకా శాలు కల్పించారు. మహిళల రాజకీయ, ఆర్థిక, సామా జికాభివృద్ధి టీడీపీతోనే సాధ్యం. జగన్‌రెడ్డి పాలనలో మహిళల భద్రతగాలిలో దీపమైంది. మహిళా సంక్షే మం కోసం టీడీపీ ప్రభుత్వం ప్రవేశపెట్టిన పథకాలను కూడా రద్దుచేసి మహిళలకు జగన్‌రెడ్డి తీవ్ర అన్యాయం చేశాడు. మహిళల ప్రగతిని పునరుద్ధరించాలనే ఉద్దేశం తో అధికారంలోకి రాగానే మహాశక్తి, ఆడబిడ్డ నిధి, పూర్‌ టు రిచ్‌, ఆర్టీసీ బస్సుల్లో ఉచిత ప్రయాణం వంటి పథకాలను అమలు చేస్తామని యనమల చెప్పారు.
