- కష్టపడిన వారికి కచ్చితంగా పదవులు
- 160 సీట్లుకి పైగా గెలుపు తథ్యం
- జయహో బీసీ వర్క్‌షాపులో టీడీపీ రాష్ట్ర అధ్యక్షుడు అచ్చెన్నాయుడు
- కష్టపడిన వారికి కచ్చితంగా పదవులు
- 160 సీట్లుకి పైగా గెలుపు తథ్యం
- జయహో బీసీ వర్క్‌షాపులో టీడీపీ రాష్ట్ర అధ్యక్షుడు అచ్చెన్నాయుడు
అమరావతి, చైతన్యరథం: 2024 ఎన్నికల్లో 160 స్థానాలకు పైగానే టీడీపీ`జనసేన కూటమి గెలవబోతోందని, జగన్ రెడ్డిని బంగాళాఖాతంలో కలిపేందుకు ప్రజలు సిద్ధంగా ఉన్నారని టీడీపీ రాష్ట్ర అధ్యక్షుడు కింజరాపు అచ్చెన్నాయుడు పేర్కొన్నారు. ఈసారి కొత్త తరహా ప్రభుత్వ పాలనను చూస్తారని, రానున్నది కార్యకర్తల ప్రభుత్వమని, కార్యకర్తలే ముందుండి ప్రభుత్వాన్ని నడుపుతారన్నారు. కష్టపడి పని చేసిన వారికి కచ్చితంగా ఈసారి పదవులు లభిస్తాయని, టెక్నాలజీ సహాయంతో ఇప్పటికే కష్టపడి పనిచేసే కార్యకర్తలు, నాయకులను గుర్తిస్తున్నామని ఆయన తెలిపారు. గురువారం టీడీపీ కేంద్ర కార్యాలయంలో జరిగిన జయహో బీసీ వర్క్‌షాపులో ఆయన మాట్లాడుతూ బడుగు,బలహీన వర్గాలకు రాజకీయ అవకాశాలు కల్పించింది తెలుగుదేశం పార్టీనే అన్నారు. బీసీలు టీడీపీ వెంట ఉన్నారనే అక్కసుతో జగన్ రెడ్డి దండయాత్ర చేస్తున్నాడు.
బీసీలను రాజకీయంగా అణగతొక్కేందుకు స్థానిక సంస్థల ఎన్నికల్లో బీసీ రిజర్వేషన్లు 34 నుంచి 24 శాతానికి తగ్గించిన జగన్ రెడ్డి పెద్ద దగాకోరు. జగన్ రెడ్డి ఇచ్చిన కార్పొరేషన్‌ చైర్మన్‌ పదవులు ఎందుకూ పనికిరావు. కార్పొరేషన్ల ద్వారా బడుగుల్లో ఒక్కరికైనా రుణం ఇచ్చినట్టు నిరూపిస్తే రాజకీయాల నుంచి తప్పుకుంటాను. మంత్రి చెల్లుబోయిన వేణు…జగన్ చిన్నాన్న సుబ్బారెడ్డి పాదాల దగ్గర కూర్చుని బలహీన వర్గాల పరువు తీశాడు. కోడిగుడ్డు అమర్నాథ్‌ కు టికెట్‌ కూడా ఇవ్వలేదు. రాష్ట్రం నలుదిక్కులనూ విజయసాయి, వేమిరెడ్డి, వైవీ సుబ్బారెడ్డి, అయోధ్య రామిరెడ్డి , సజ్జలకు జగన్ రాసిచ్చాడు. జగన్ రెడ్డి తన సొంత సామాజిక వర్గానికే ఎమ్మెల్యే , ఎంపీ టికెట్లు ఇస్తూ బడుగు, బలహీన వర్గాలను అణగతొక్కుతున్నాడు.
సబ్‌ ప్లాన్‌ నిధుల దారి మళ్లింపు, ఆదరణ పథకాలను రద్దు చేసిన బీసీ ద్రోహి జగన్‌రెడ్డి. ఆయన అరాచక పాలనపై ప్రశ్నించినందుకు నన్ను 75 రోజులు జైల్లో పెట్టాడు. యనమల, అయ్యన్న సహా ఎందరో నేతలపై అక్రమ కేసులు బనాయించి వేధించిన జగన్ రెడ్డిని సాగనంపాల్సిందే. చంద్రబాబు ముఖ్యమంత్రి అయితేనే తమ బతుకులు బాగుపడతాయని ప్రజలు భావిస్తున్నారు. తెలుగుదేశం పార్టీ కోసం కష్టపడిన వారందరికీ అవకాశాలు కల్పిస్తాం. జగన్ రెడ్డి పాలనలో బీసీలకు జరిగిన అన్యాయంపై క్షేత్రస్థాయిలో ఇంటింటికీ వెళ్లి ప్రజలకు వివరిస్తాం. ప్రతి పార్లమెంటు పరిధిలో జయహో బీసీ సభలు పెడతాం. చంద్రబాబు, లోకేష్ ఆధ్వర్యంలో బీసీ డిక్లరేషన్‌ ప్రకటిస్తామని అచ్చెన్నాయుడు స్పష్టం చేశారు.
