మండల్‌ విగ్రహదిమ్మె కూల్చివేత అరాచకానికి పరాకాష్ట

అమరావతి: బడుగు బలహీన వర్గాల అభ్యు దయ రథసారధి, బీసీ రిజర్వేషన్ల పితామహుడు బి.పి.మండల్‌ విగ్రహ ఏర్పాటుకు ఉద్దేశించిన దిమ్మెను గుంటూరు నగరపాలక సిబ్బంది కూల్చి వేయడం అత్యంత దుర్మార్గమైన చర్యగా తెలుగు దేశంపార్టీ రాష్ట్ర అధ్యక్షుడు కింజరాపు అచ్చెన్నాయుడు పేర్కొ న్నారు. మాజీ హోం మంత్రి, ఎమ్మెల్సీలు, ఎమ్మెల్యేలతో పాటు బీహార్‌ నుంచి వచ్చిన మాజీ ముఖ్యమంత్రి మనవడు ఎంతో గొప్పగా గౌరవ సూచకంగా ఏ ర్పాటు చేసుకున్న విగ్రహ దిమ్మె ను కూల్చివేయడం జగన్‌రెడ్డి దుర్మార్గానికి పరాకాష్ట అన్నారు. బడుగు బలహీన వర్గాల ప్రజల ఆశలను కూల్చి వేయడం ఎన్నటికీ సాధ్యం కాదని జగన్‌రెడ్డి గుర్తుపెట్టుకోవాలని హితవు పలికారు. అధికార పక్షంలో ఉండి కూడా బీసీ వర్గాలపై జరిగే దాడులను నిరసించి ప్రభుత్వానికి మండల్‌ చుక్కలు చూపించారన్నారు.మైనార్టీలు, దళితులపై పోలీసు లు చేస్తున్న అరాచకాలను ఎదిరించిన బడుగుల బాంధవుడు ఆయన అని కొనియాడారు. ప్రభుత్వాన్ని, ముఖ్యమంత్రి నిర్ణయాన్ని ఎదురించి బడు గుల కోసం పోరాడిన ధీశాలి మండల్‌ అన్నారు. పౌర హక్కుల కమిషన్‌ ఛైర్మన్‌గా ప్రభుత్వ విద్యా సంస్థల్లో బీసీలకు రిజర్వేషన్‌ కల్పించేందుకు అండగా నిలిచినట్లు తెలిపారు.
దేశంలో 52శాతానికి పైగా బీసీ జనాభా ఉన్నప్పటికీ విద్య, ఉద్యోగ అవకాశాల్లో సమాన వాటా ఇచ్చినప్పుడే సామాజిక సమానత్వం సాధ్యమవుతుందని ఎలుగెత్తి చాటినవ్యక్తి మండల్‌ అన్నారు.శాస్త్రీయంగా న్యాయ స్థానాల్లో బీసీ రిజర్వేషన్లు వీగి పోకుండా నివేదిక తయారు చేసి అందించిన మహనీయు డని పేర్కొన్నారు. అంతటి మహోన్నతమైన వ్యక్తిత్వం, సమాజం పట్ల, బడుగు బల హీన వర్గాలఅభ్యున్నతికి బాట లు వేసిన మండల్‌ విగ్రహ దిమ్మెను కూల్చివేసి బీసీ, ఎస్సీ,ఎస్టీ, మైనార్టీలను జగన్‌ రెడ్డి అవ మానించారని మండిపడ్డారు. కనీస సమాచారం కూడా ఇవ్వకుండా విగ్రహ దిమ్మెను కూల్చాల్సిన అవసరం ఏమిటని ప్రశ్నించారు. బీసీలను ఉద్దరించానని చెప్పుకుంటూ బీసీ వర్గా లు దేవుడిగా భావించే మండల్‌ విగ్రహ ఏర్పా టును అడ్డుకోవడం కుట్ర కాదా అని అడిగారు. జగన్‌ రెడ్డి చేస్తున్న నీతి మాలిన, బడుగు బలహీన వర్గాల వ్యతిరేక చర్యలు త్వరలోనే ఆయన అధికారానికి సమాధి కట్టబోతున్నాయని అచ్చెన్నాయుడు హెచ్చరించారు.