మధుర జ్ఞాపకం!

అమరావతి (చైతన్య రథం): ముఖ్యమంత్రి చంద్రబాబునాయుడు మూడు దశాబ్దాల క్రితం ఉపయోగించిన అంబాసిడర్‌ కారును పరిశీలించి, ఆ కారుతో ఉన్న అనుబంధాన్ని గుర్తు చేసుకున్నారు. 393 నెంబరుతో ఉండే అంబాసిడర్‌ కారు చంద్రబాబు నాయుడు సొంత వాహనం. ఉమ్మడి రాష్ట్ర ముఖ్యమంత్రిగా 393 నెంబర్‌ ఉన్న అంబాసిడర్‌ కాన్వాయిలో ముఖ్యమంత్రి రాష్ట్రంలో విస్తృతంగా పర్యటించేవారు. 393 అంబాసిడర్‌ అంటేనే సీబీఎన్‌ బ్రాండ్‌ కార్‌ అనేలా ఈ కారు గుర్తింపు పొందింది. ప్రస్తుతం నాలుగోసారి సీఎంగా ఉన్న చంద్రబాబు నాయుడు… భద్రతాపరంగా ఆధునిక వాహనాలు వినియోగిస్తున్నా… తన సొంత కారు అయిన నాటి అంబాసిడర్‌ను మాత్రం అపురూపంగానే చూసుకుంటున్నారు. ఇప్పటి వరకు హైదరాబాదులో ఉన్న ఈ కారును అమరావతిలోని తెలుగుదేశం పార్టీ కేంద్ర కార్యాలయంలో ఇకపై ఉంచనున్నారు. పార్టీ కార్యాలయానికి వచ్చి… తిరిగి వెళ్తున్న సమయంలో ఆనాడు తానువాడిన అంబాసిడర్‌ కారును చంద్రబాబు పరిశీలించి… ఆ కారులో తన ప్రయాణ స్మృతులను గుర్తు చేసుకున్నారు.