అమరావతి: ఉపాధ్యాయ దినోత్సవం సందర్భం గా గురువులకు టిడిపి అధినేత చంద్రబాబునాయుడు శుభాకాంక్షలు తెలిపారు. మాజీ రాష్ట్రపతి శ్రీ సర్వేపల్లి రాధాకృష్ణన్ జయంతి సందర్భంగా ఆయన చిత్రపటానికి చంద్రబాబునాయుడు నివాళులర్పించారు. ఈ సందర్భం గా సందేశమిస్తూ.. పిల్లలను బాధ్యత గల పౌరులుగా తీర్చిదిద్దే మహత్కార్యాన్ని నిర్వర్తిస్తోన్న గురువులందరికీ ఉపాధ్యాయ దినోత్సవ శుభాకాంక్షలు. గురువును దైవం గా భావించే సమాజం మనది. తలెత్తుకు జీవించే గౌరవ స్థానంలో ఉండే ఉపాధ్యాయులు ఏపీలో ఈరోజు ప్రభుత్వ కక్ష సాధింపుకు గురవుతుండటం దురదృష్టకరం. గురుపూజోత్సవం వేళా గురువులకు జీతాల చెల్లింపు చెయ్యక పోవడమే ఈ ప్రభుత్వం ఇచ్చే గౌరవమా? సిపిఎస్ రద్దు కోసం అడగకూడదు. ఖాళీగా ఉన్న ఉపాధ్యాయ పోస్టుల భర్తీని అప్పుకోసం తాకట్టు పెట్టినా నోరెత్తకూడదు. పాఠశాలల విలీనం పేరిట విద్యను బాలబాలికలకు దూరం చేస్తుంటే మాట్లాడకూడదు. ఉపాధ్యాయులపై బోధనేతర పనులతో ఒత్తిడి తెచ్చి విద్యా ప్రమాణాలను నాశనం చేస్తున్నా వారు కిక్కురుమనకూడదు అంటోంది ప్రభుత్వం.
విద్యాశాఖలో సంస్కరణల పేరుతో తెచ్చిన సంక్షో భానికి ప్రభుత్వం తెరదించాలి. విద్యా వ్యవస్థపై బాధ్యత గా, విద్యను అందించే గురువులపై గౌరవంగా వ్యవ హరించాలని చంద్రబాబునాయుడు ప్రభుత్వానికి విజ్జప్తి చేశారు.
చదువునేర్పే గురువులకు అవమానాలా?
సర్వేపల్లి చిత్రపటం వద్ద చంద్రబాబు నివాళులు
