అమరావతి (చైతన్య రథం): ఆర్టిఫీషియల్‌ ఇంటెలిజెన్స్‌లోనే కాదు, క్వాంటం టెక్నాలజీలోనూ ఆంధ్ర రాష్ట్రం నాయకత్వం వహించడానికి సన్నద్ధమవుతుందని ముఖ్యమంత్రి చంద్రబాబు నాయుడు ఎక్స్‌ వేదికపై పోస్టు చేశారు. భారతదేశంలో ప్రస్తుతం ఆర్టిఫీషియల్‌ ఇంటిలిజెన్స్‌ (ఏఐ)పై ఏ ప్రాతిపదిక అనుసరిస్తున్నారో గమనించడం అద్భుతంగా ఉంది. సృజనాత్మకత విస్ఫోటనం చూడటానికి మేము ఇష్టపడతాము. భారతదేశం ప్రపంచాన్ని అధిగమిస్తోందంటూ శామ్‌ ఆల్ట్‌మన్‌ పెట్టిన ఎక్స్‌ పోస్టుపై ముఖ్యమంత్రి చంద్రబాబు స్పందించారు. ‘ఖచ్చితంగా! భారతదేశం తన ప్రయాణాన్ని ఇప్పుడే ప్రారంభిస్తోంది. ఆంధ్రప్రదేశ్ ఏఐ ఆధారిత పురోగతికి కేంద్రంగా మారడానికి సిద్ధంగా ఉంది. మీ తదుపరి భారతదేశ పర్యటనలో అమరావతికి మిమ్మల్ని స్వాగతించడం, భవిష్యత్తును మేము రూపొందించేటప్పుడు మా దార్శనికతను మీతో పంచుకోవడం ఆనందంగా ఉంటుంది. ఏఐ మాత్రమే కాదు, ఆంధ్రప్రదేశ్ కూడా క్వాంటం టెక్నాలజీలో నాయకత్వం వహించడానికి సిద్ధంగా ఉంది’ అంటూ ముఖ్యమంత్రి చంద్రబాబు తన స్పందనగా పోస్టు చేశారు.
ఏఐ మాత్రమే కాదు..క్వాంటంపైనా దృష్టి పెట్టాం
సీఎం చంద్రబాబు నాయుడు
