- 10 సార్లు విద్యుత్‌ చార్జీలు పెంచి దొంగ ఏడుపులు
- అవినీతి పనులతో విద్యుత్‌ రంగాన్ని భ్రష్టు పట్టించారు
- చంద్రబాబు ఒక్క సైగ చేసే వైసీపీ నేతలకు జైలు ఊచలే
- కక్ష సాధింపు చర్యలు తమ విధానం కాదని చెప్పారు
- 2014`19లో లోటు విద్యుత్‌ను మిగులుగా మార్చారు
- గత ఐదేళ్లలో జగన్‌రెడ్డి విధానాలతో విద్యుత్‌ సంక్షోభం
- స్త్రీ, శిశు సంక్షేమ మంత్రి గుమ్మడి సంధ్యారాణి
మంగళగిరి(చైతన్యరథం): విద్యుత్‌ చార్జీలు విపరీతంగా పెంచేస్తున్నారని వైసీపీ నేతలు దొంగ ఏడుపులు ఏడుస్తున్నారని మంత్రి గుమ్మడి సంధ్యారాణి ధ్వజమెత్తారు. మంగళగిరి టీడీపీ కేంద్ర కార్యాలయంలో శుక్రవారం ఏర్పాటు చేసిన విలేఖరుల సమా వేశంలో వైసీపీ నేతల దుష్ప్రచారంపై ఆగ్రహం వ్యక్తం చేశారు. ఆరు నెలల పాలనలో చంద్రబాబు చేసిన అభివృద్ధిని చూసి ప్రతిపక్ష హోదా కూడా లేని జగన్‌ అండ్‌ పార్టీ కడుపు మంటతో రగిలిపోతోంది. జగన్‌ జల్సా పథకాలను ప్రజలు చూసి వైసీపీని ఎన్నికల్లో 11 సీట్లకే పరిమితం చేశారు. ప్రతిపక్ష హోదా కూడా దక్కకుండా చేశారు. సాక్షి పత్రికకు నిబద్ధత, నిజాయితీ ఏమీ లేవు. అబద్ధాలను అలవోకగా చెప్పగలిగే చానల్‌ సాక్షి చానల్‌. వైసీపీ నాయకులు విద్యుత్‌ చార్జీలు విపరీతంగా పెంచేస్తున్నారని దొంగ ఏడుపు ఏడుస్తున్నారు. గత ఐదేళ్లలో వైసీపీ ప్రభుత్వం పది సార్లు కరెంటు బిల్లులు పెంచింది. సైకో జగన్‌ పది సార్లు కరెంటు బిల్లులు పెంచి వినియోగదారులపై రూ.32 వేల కోట్ల భారాన్ని మోపారు. అందుకే ప్రజలు వైసీపీని, జగన్‌ను ఛీకొట్టి కనీసం ప్రతి పక్ష హోదా కూడా దక్కకుండా చేశారని మండిపడ్డారు. జగన్‌రెడ్డి ధర్నాలకు పిలుపుని వ్వడాన్ని చూసి ప్రజలు ఛీకొడుతున్నారని తెలిపారు.
ఒక్క సైగ చేస్తే మొత్తం జైలుకే…
2014లో 22.5 మిలియన్‌ యూనిట్ల లోటుతో చంద్రబాబుకు అప్పగిస్తే… 2014 నుంచి 2019 అంతకు ముందున్న లోటు బడ్జెట్‌ విద్యుత్‌ను మిగులు బడ్జెట్‌ విద్యుత్‌గా మార్చి జగన్‌ చేతిలో పెట్టారు. హిందుజా సంస్థ నుంచి 10 ఎకరాల భూమిని తీసుకుని వారికి రూ.14 వేల కోట్లను అప్పనంగా అప్పగించారు. ఇది ప్రజల సొమ్ము. ప్రజల సొ మ్ము తినడమే వైసీపీ ప్రభుత్వం చేసిన పని. వైసీపీ నాయకుల్లో ఏ1, ఏ2, ఏ3 ముద్దాయిలు ఉన్నప్పటికీ వారిని అరెస్టు చేయలేదు. అనేక మంది అనేక తప్పులు చేసినా వారిలో ఎవరూ అరెస్టు కాలేదు. నాయకులు అతి దారుణంగా ప్రవర్తించారు. సోషల్‌ మీడియాలో అమ్మాయిలను కించపరుస్తూ పోస్టులు పెట్టారు. అమ్మాయిల ఫొటోలు మార్ఫింగ్‌ చేసి పోస్టులు పెట్టారు.
ముఖ్యమంత్రి, ఉప ముఖ్యమంత్రి, హోం మంత్రిని కూడా దూషిస్తూ పోస్టులు పెట్టారు. అయినా అరెస్టు చేయకూడదనడం ఇదెక్కడి న్యాయం? చంద్రబాబు ఒక్క సైగ చేస్తే చాలు వైసీపీ నాయకులు మొత్తం జైల్లో ఉం టారు. ఆయన పద్ధతిగా ప్రవర్తిస్తారు. ప్రజలు మనకు పట్టం కట్టారు..వారిని రక్షించాల్సిన బాధ్యత మనపై ఉందనేది చంద్రబాబు ఆలోచన. కక్షసాధింపు చర్యలు వద్దని చంద్రబాబు స్వయంగా చెప్పారు. ఆయన అనుకుంటే జగన్‌కు చెందిన సాక్షి టీవీ, చానళు ఉండవు. స్మశానాలపై కూడా వైసీపీ రంగులు వేసుకున్నారంటే వైసీపీకి రంగుల పిచ్చి ఏ మేరకు ఉందో అర్థమవుతోంది. గుడులు, బడులు దేనినీ వదలలేదు. రంగుల పిచ్చితో రూ.3 వేల కోట్లు వృథాగా ఖర్చు చేశారు. తాడేపల్లి ప్యాలెస్‌లో వైసీపీ నాయ కులు తిన్న ఎగ్‌ పఫ్‌లకే రూ.3.5 కోట్లు ఖర్చు చేశారు. మీరా టీడీపీ ప్రభుత్వం గురిం చి మాట్లాడేది? విద్యుత్‌ చార్జీల పెంపు జగన్‌ పాపమే..రాష్ట్రంలో విద్యుత్‌ రంగం గత కొన్నేళ్లుగా తీవ్రమైన సంక్షోభాన్ని ఎదుర్కొంటోంది. 2014లో టీడీపీ అధినేత చంద్రబాబు పాలన సమయంలో రాష్ట్రం 22.5 మిలియన్‌ యూనిట్ల విద్యుత్‌ లోటుతో ఉన్నప్పటికీ 2019 నాటికి రాష్ట్రం మిగులు విద్యుత్‌ను సాధించింది. అయితే జగన్‌ రెడ్డి అధికారంలోకి వచ్చిన తరువాత విద్యుత్‌ రంగంలో అనేక సమ స్యలు తలెత్తాయి. అవినీతి, కక్షసాధింపు చర్యలతో విద్యుత్‌ రంగం సంక్షోభంలో పడిరదని వ్యాఖ్యానించారు.
ప్రజలపై జగన్‌ విద్యుత్‌ చార్జీల పెంపు ప్రభావం
జగన్‌రెడ్డి ప్రభుత్వం చేపట్టిన విద్యుత్‌ చార్జీల పెంపు నేరుగా ప్రజలపై ప్రభావం చూపింది. ఐదేళ్లలో 10 సార్లు విద్యుత్‌ చార్జీలను పెంచి ప్రజలపై సుమారు రూ.28 వేల కోట్ల భారాన్ని మోపారు. ఈ పెంపు వివిధ వర్గాల వినియోగదారులపై ప్రభావం చూపింది. ముఖ్యంగా నివాస, వాణిజ్య, పారిశ్రామిక వినియోగదారులపై విద్యుత్‌ చార్జీల పెంపు అంతా ఇంతాకాదు. సోలార్‌, విండ్‌ విద్యుత్‌ ఉత్పత్తి పద్ధతులపై కక్ష సాధించి పీపీఏలను రద్దు చేశారు. ఈ చర్యల వల్ల రాష్ట్రంలో రాబడి తగ్గి విద్యుత్‌ ఉత్పత్తిదారులు ఆర్థికంగా నష్టపోయారు. సోలార్‌ ప్లాంట్లను ధ్వంసం చేయడం, వీటి యజమానులను నిరుత్సాహపరచడం వల్ల రాష్ట్రానికి మిగులు విద్యుత్‌ అవకాశాలు దూరమయ్యాయి. థర్మల్‌ విద్యుత్‌ ప్లాంట్ల వినియోగంలో కూడా జగన్‌ ప్రభుత్వం నిర్లక్ష్యంగా వ్యవహరించింది.
నాణ్యమైన విద్యుత్‌ అందిస్తున్నాం
దేశంలో వృద్ధులకు ఎక్కడైనా నెలకు రూ.4 వేలు పింఛన్‌ ఇచ్చే ప్రభుత్వం ఎక్కడైనా ఉందా? ఒక్క టీడీపీ ప్రభుత్వమే రూ.4 వేల పింఛన్‌ ఇస్తోంది. ఇది మన ప్రభుత్వమని గుండెలపై చేయి వేసి చెప్పగలం. వికలాంగులకు రూ.6 వేలు, పూర్తిగా మంచానికే పరిమితమైన వారికి రూ.10 వేలు ఇస్తున్నాం. వైసీపీ ప్రభుత్వం ఆర్థిక వ్యవస్థను ఛిన్నాభిన్నం చేసి వెళ్లింది. అయినా మనం చెప్పిన ప్రకారం రూ.4 వేలు పింఛన్‌ ఇస్తున్నాం. 10 సార్లు విద్యుత్‌ భారం పెంచితే వారిపై ఎంత భారం మోపారో అర్థం చేసుకోవాలి. ఎస్సీ, ఎస్టీలకు మళ్లీ మనం ఉచిత విద్యుత్‌ ఇస్తున్నాం. గత ఐదే ళ్లు ఎస్సీ, ఎస్టీలు బిల్లులు కట్టుకున్నారు. ప్రస్తుతం రెండున్నర నెలలకు ఒకసారి వచ్చే విద్యుత్‌ బిల్లు వైసీపీ హయాంలో నెలకే వచ్చేది. టీడీపీ ప్రభుత్వం నాణ్యమైన విద్యు త్‌ను అందిస్తుంది. సోలార్‌ విద్యుత్‌ను వాడాల్సిందిగా గ్రామాలలో చెబుతున్నాం. సోలార్‌ను ఫ్రీగా బిగించే ఏర్పాట్లు కూడా చేస్తున్నాం. దీనివల్ల ప్రజలకు ఎంతో ఉప యోగం చేకూరుతుందని సూచించారు.
