అమరావతి: టీడీపీ జాతీయ ప్రధాన కార్యదర్శి నారా లోకేశ్‌ యువగళం పాదయాత్రను మళ్లీ మొదలుపెట్టారు. సోమవారం డాక్టర్‌ బీఆర్‌ అంబేద్కర్‌ కోనసీమ జిల్లా రాజోలు నియోజకవర్గంలోని పొదలాడ నుంచి యువగళం పునఃప్రారంభమైంది. లోకేశ్‌ పాదయాత్రకు టీడీపీ శ్రేణులు విశేషంగా తరలివచ్చాయి. తాటిపాక సభకు భారీ స్పందన లభించింది. దీనిపై లోకేశ్‌ అర్ధాంగి నారా బ్రాహ్మణి స్పందించారు. నిన్ను చూసి ఎంతో గర్విస్తున్నాను అంటూ బ్రాహ్మణి ట్వీట్‌ చేశారు. అంతేకాదు, లోకేశ్‌ పాదయాత్ర పునఃప్రారంభం దృశ్యాలను ఫొటోల రూపంలో పంచుకున్నారు. స్కిల్‌ కేసులో చంద్రబాబుకు రెగ్యులర్‌ బెయిల్‌ లభించడంతో నారా లోకేశ్‌ తన పాదయాత్రను మళ్లీ పట్టాలెక్కించారు.
నిన్ను చూసి ఎంతో గర్విస్తున్నాను
లోకేశ్‌ను ఉద్దేశించి నారా బ్రాహ్మణి ట్వీట్‌
