- బూటకపు ప్రసంగాలు కాదు… దమ్ముంటే నాతో బహిరంగ చర్చకు జగన్ సిద్ధమా?
- ఎవరి పాలన స్వర్ణయుగమో… ఎవరి పాలన రాతి యుగమో తేల్చేద్దాం
- జగన్ సిద్ధం అని సభలు పెట్టి… అశుద్ధం మాటలు చెపుతున్నాడు
- 2019లో ప్రజలు ఇచ్చిన ఒక్క ఛాన్సే జగన్కు రాజకీయంగా చివరి ఛాన్స్
- వచ్చే ఎన్నికల్లో ఫ్యాను రెక్కలు విరిచెయ్యడానికి జనం కసితో సిద్ధంగా ఉన్నారు
- ఓటమి భయంతో బదిలీలు అంటూ 77 మందిని జగన్ మడతపెట్టాడు
- మిగిలిన వాళ్లను 50 రోజుల్లో ఇక జనం మడత పెడతారు
- రూ.10 ఇచ్చి రూ.100 దోచిన జగన్ సంక్షేమం గురించి చెప్పడమా?
- రాష్ట్రంలో ఏ మూల చూసినా అభివృద్ధి కాదు… ఐదేళ్ల పాలనా విధ్వంసమే కనిపిస్తోంది
- సీఎం వైఎస్ జగన్ కు టీడీపీ అధినేత చంద్రబాబు కౌంటర్
అమరావతి: రాష్ట్రంలో వైసీపీ ప్రభుత్వ ఆరాచక, విధ్వంస పాలనపై సీఎం జగన్తో చర్చకు తాను సిద్ధం అని టీడీపీ అధినేత నారా చంద్రబాబునాయుడు స్పష్టం చేశారు. వందల కోట్లు ఖర్చు చేస్తూ… అధికార దుర్వినియోగంతో సిద్ధం అని సభలు పెడుతూ జగన్ చెబుతున్న అసత్యాల నిగ్గుతేల్చేందుకు తాను సిద్ధం అని చంద్రబాబు నాయుడు ప్రకటించారు. బూటకపు ప్రసంగాలు, తప్పుడు ప్రచారాలు కాదు…దమ్ముంటే నాతో బహిరంగ చర్చకు జగన్ సిద్ధమా? ఏ అంశం మీదైనా.. ఎక్కడైనా, ఏ రోజైనా చర్చకు నేను సిద్ధమే అని చంద్రబాబు అన్నారు. ఎవరి పాలన స్వర్ణ యుగమో… ఎవరి పాలన రాతియుగమో చర్చిద్ధాం..చర్చకు వచ్చే దమ్ముందా జగన్ అంటూ సవాల్ చేశారు. 2019లో ప్రజలు ఇచ్చిన ఒక్కఛాన్సే జగన్ కు చివరి ఛాన్స్ కానుందన్నారు. ఓటమిపై జగన్ కు స్పష్టత రావడంతో మళ్లీ ప్రజలను ఏమార్చడానికి పరదాలు కొంచెం పక్కకు జరిపి ఎన్నికల ముందు రోడ్డెక్కాడని చంద్రబాబు దుయ్యబట్టారు. రూ.10 ఇచ్చి రూ.100 దోచిన జగన్ సంక్షేమం గురించి చెప్పడమా? సహజ వనరుల దోపిడీతో, స్కాం కోసమే స్కీం పెట్టిన విధానాలతో అత్యంత ధనిక ముఖ్యమంత్రిగా మారిన జగన్కు… పేదల జీవితాల గురించి మాట్లాడే అర్హత ఎక్కడిదని ప్రశ్నించారు. రాష్ట్రంలో జగన్ పాలనలో ఏ మూలన చూసినా అభివృద్ది కాదు… ఏ ఊరుకెళ్లినా జగన్ 5ఏళ్ల విధ్వంసం పాలనతో నష్టపోయిన ప్రజలు కనిపిస్తున్నారని చంద్రబాబు అన్నారు. సిద్ధం అని సభలు పెడుతూ జగన్ నోటి వెంట అశుద్ధ పలుకులు పలికాడని చంద్రబాబు తీవ్రంగా మండిపడ్డారు.
ఓటమి భయంతో 77మంది ఎమ్మెల్యేలను బదిలీలు అంటూ జగన్ ఇప్పటికే మడతపెట్టాడని… మిగిలిన వైసీపీ ఎమ్మెల్యేలను 50 రోజుల్లో ఇక జనం మడత పెడతారని చంద్రబాబు ఎద్దేవా చేశారు. అన్ని వర్గాలను మోసం చేసి…సామాజిక ద్రోహం చేసిన జగన్కు.. సామాజిక న్యాయం అనే పదం పలికే అర్హతే లేదన్నారు. జగన్ చెప్పినట్లు రేపు ఎన్నికల్లో ప్రతి బాధిత కుటుంబం వైసీపీని ఓడిరచేందుకు స్టార్ క్యాంపెయినర్ కాబోతోందని చంద్రబాబు అన్నారు.
`రాయలసీమలోని 52 నియోజకవర్గాల్లో ప్రయా ణికులను ఇబ్బంది పెట్టి ఆర్టీసీ,స్కూల్ బస్సుల్ని లాక్కొని జనాన్ని బలవంతంగా రాప్తాడు సభకు తరలించారు. సభ నిజంగా సక్సెస్ అయ్యి ఉంటే జగన్రెడ్డి రౌడీ గ్యాంగ్ వార్తలు కవర్చేసే మీడియా సిబ్బందిపై ఫ్రస్టే షన్తో దాడులు ఎందుకు చేశారని చంద్రబాబు ప్రశ్నించారు.
వచ్చే ఎన్నికలు నిజమైన పెత్తందారు జగన్కు 5 కోట్ల ప్రజలకు మధ్య యుద్ధం అని అన్నారు. టీడీపీ తెచ్చిన 120సంక్షేమ పథకాలు రద్దుచేసిన జగన్ ప్రభు త్వాన్ని రద్దు చేయడానికి జనం కసితో ఉన్నార న్నారు. ఎస్సీ, ఎస్టీ, బీసీ, మైనారిటీ సబ్ప్లాన్ నిధులు లక్ష కోట్ల రూపాయలు దారి మళ్లించిన జగన్పై పేదలు యుద్ధా నికి సిద్ధంగా ఉన్నారని చంద్రబాబు అన్నారు.
` తెలుగుదేశం పేరు, నా పేరు చెబితే దళితులకు ఇచ్చిన సబ్ప్లాన్ నిధులు, ఇన్నోవా కార్లు, నిరుద్యోగ భృతి, 11 డీఎస్సీలతో ఇచ్చిన 1.50లక్షల టీచర్ పోస్టు లు, రైతు రుణమాఫీ, అన్నదాత సుఖీభవ, పసుపు కుంకుమ, చంద్రన్న బీమా, పండుగ కానుకలు, పెళ్లి కానుకలు, ఇరిగేషన్ ప్రాజెక్టులు, అమరావతి, రూ.16 లక్షల కోట్ల పెట్టుబడులు, 10 లక్షల ఉద్యోగాలు గుర్తు కు వస్తాయి అని చంద్రబాబు గుర్తు చేశారు. మహిళల కోసం 22 పథకాలు తెచ్చిన పార్టీ టీడీపీ అన్నారు.
` జగన్రెడ్డి పేరు చెబితే బాబాయిపై గొడ్డలి వేటు, కోడికత్తి శీను, ప్రభుత్వ టెర్రరిజం, క్విడ్ ప్రో కో, ల్యాండ్, శాండ్, వైన్, మైన్ మాఫియా గుర్తొస్తాయ న్నారు. జగన్ పేరు చెపితే అధిక ధరలు, పన్నులు, ఛార్జీల పెంపు, అప్పులు, బాదుడు, మోసాలు, దొంగ ఓట్లు, హింసా రాజకీయాలు గుర్తొస్తాయని చంద్రబాబు దుయ్యబట్టారు.
` మ్యానిఫెస్టోలో మద్య నిషేధం అని చెప్పి… తరువాత దాన్ని మద్య నియంత్రణ అని మార్చి.. రూ.1.50లక్షల కోట్ల మద్యం అమ్మిన జగన్ విశ్వసనీ యత గురించి చెపితే జనం నమ్మాలా అని ప్రశ్నిచారు. మ్యానిఫెస్టోలో ఇచ్చిన హామీలు 98శాతం అమలు చేశాం అని జగన్ చెపుతున్న మాటలు పూర్తిగా బూట కం… ధరలు, పన్నులు, చార్జీలు, అప్పుల బాదుడుతో ఒక్కో కుటుంబంపై రూ.8 లక్షల భారం మోపడం నిజం అని చంద్రబాబు స్పష్టం చేశారు. నిన్నటి వరకు పరదాల్లో తిరిగిన జగన్… 9సార్లు కరెంట్ చార్జీలు పెంచిన జగన్…పేదల గురించి ఎన్నికల సమయంలో మాయ మాటలు చెపుతున్నాడని ఎద్దేవా చేశారు.
` రైతు భరోసాలో జగన్ ఇచ్చింది రూ.37వేలు మాత్రమే. రైతు రుణమాఫీ ద్వారా ఒకే సారి మేం రూ.50వేలు ఇచ్చింది వాస్తవం కాదా… ఎన్నికల సమ యంతో మిగిలిన మొత్తం అందకుండా నాడు జగన్ కుట్రలు చేసింది నిజం కాదా అని చంద్రబాబు ప్రశ్నిం చారు. ఇరిగేషన్ ప్రాజెక్టులను రివర్స్ చేసి, రైతుల సబ్సిడీలు నిలిపివేసిన జగన్కు అసలు రాయలసీమలో సభ పెట్టే అర్హతే లేదన్నారు.
` విభజన అనంతరం తెలుగుదేశం ప్రభుత్వ హయాంలో అనేక అడ్డంకులు, సవాళ్ళు అధిగమించి రాష్ట్రాన్ని అభివృద్ధి పథంలో తీసుకువెళితే… జగన్ తన విధ్వంస పాలనతో విభజన కంటే ఎక్కువ నష్టం చేశా రని చంద్రబాబు అన్నారు. టీడీపీ హయాంలో 14 శాతం ఉండే వృద్ధిరేటు… ఈ ప్రభుత్వం వచ్చాక 10.93 శాతానికి పడిపోయిందని, వైసీపీ ప్రభుత్వ హయంలో వృద్ధి రేటు 4.06 శాతం తగ్గింది, టాక్స్ రూపంలో ప్రభుత్వానికి ఏడాదికి రూ.30 వేల కోట్లు ఆదాయానికి గండి పడిరదన్నారు. విభజన జరిగిన ప్పుడు మనకంటే తెలంగాణ 35శాతం అధికంగా తలసరి ఆదాయం ఉంటే… 2014 తర్వాత ఏపీలో సుపరిపాలన ద్వారా వ్యత్యాసాన్ని 27.5 శాతానికి తగ్గించామని వివరించారు. ఇప్పుడు జగన్ నిర్వాకం వల్ల ఏపీ తలసరి ఆదాయం తెలంగాణతో పోల్చితే 44 శాతం తక్కువగా ఉందని, అభివృద్ధి లేక ప్రజల జీవన ప్రమాణాలు దారుణంగా పడిపోవడమే దీనికి కారణం అని చంద్రబాబు అన్నారు.
` రాష్ట్రంలో అక్రమ కేసులు, అధికార దుర్వి నియోగం తప్పజగన్ సాధించింది శూన్యం అని చంద్ర బాబు అన్నారు. ప్రభుత్వ అక్రమాలను ప్రశ్నించిన ప్రతి పక్షాలకు సమాధానం చెప్పలేకే కేసులతో వేధిస్తున్నార న్నారు. జనసేన అధినేత పవన్ కళ్యాణ్పై తాజాగా కేసు పెట్టడాన్ని ఆయన ఈ సందర్భంగా ఖండిచారు. జగన్ కేసులు పెట్టినా…. దాడులు చేసినా ప్రశ్నించే గళాలను అణిచివేయలేడని… ప్రజల్లో తిరుగుబాటు మొదలైందని చంద్రబాబునాయుడు స్పష్టం చేశారు. రాష్ట్రంలో ప్రజలు ఎన్నికల కోసం ఎదురు చూస్తున్నా రని… తమ జీవితాలు నాశనం చేసిన ఫ్యాన్ రెక్కలు విరగొట్టడానికి జనంతో కసితో ఉన్నారని చంద్రబాబు నాయుడు అన్నారు.
