అమరావతి (చైతన్య రథం): కష్టాల్లోవున్న రైతుకు ఉపశమన చర్యలపై కేంద్రంతో చర్చించినట్టు సీఎం చంద్రబాబు పేర్కొన్నారు. ఈమేరకు ఎక్స్‌ వేదికగా పోస్టు పెడుతూ.. ‘కేంద్ర మంత్రి పియూష్‌ గోయల్‌తో ఆంధ్రప్రదేశ్ పురోగతికి సంబంధించిన కీలక విషయాలపై ఆదివారం ఉత్పాదక చర్చలు సాగించాను. పొగాకు రైతులకు కేంద్రం మద్దతు, మామిడి గుజ్జుపై జిఎస్టీ తగ్గింపు, ఆక్వా ఎగుమతులకు ఉపశమనం మరియు ముడి పామాయిల్‌ దిగుమతి సుంకాలను సమీక్షించాలని అభ్యర్థించాను. పారిశ్రామిక అభివృద్ధి, మౌలిక సదుపాయాల సౌకర్యాలు మరియు యువతకు ఉద్యోగాలు మరియు నైపుణ్యాభివృద్ధి అవకాశాలను సృష్టించడం లక్ష్యంగా మూడు పారిశ్రామిక పార్కుల అభివృద్ధి గురించీ మేము చర్చించాము. ఎగుమతులు, దిగుమతులలో ఆంధ్రప్రదేశ్ అగ్రగామిగా మారడానికి కేంద్రం పూర్తి మద్దతు ఉంటుందని కేంద్రం తరఫున మంత్రి పీయూష్‌ హామీ ఇచ్చారు. ఆయన సానుకూల స్పందనకు ధన్యవాదాలు. రైతుల సంక్షేమం, రాష్ట్ర పురోగతికి మేము కలిసి పనిచేయడం కొనసాగిస్తాము’ అని సీఎం చంద్రబాబు పేర్కొన్నారు.
రైతు ఉపశమన చర్యలపై చర్చించా ..
సీఎం చంద్రబాబు నాయుడు
