అమరావతి: టీడీపీ అధినేత చంద్రబాబుకి బెయిల్‌ రావడంపై జనసేన అధినేత పవన్‌ కల్యాణ్‌ సంతోషాన్ని వ్యక్తం చేశారు. ఎక్స్‌ వేదికగా ఆయన స్పందిస్తూ… ‘తెలుగుదేశం పార్టీ జాతీయ అధ్యక్షుడు చంద్రబాబు నాయుడుకి హైకోర్టు ద్వారా మధ్యంతర బెయిల్‌ లభించడం సంతోషకరం. సంపూర్ణ ఆరోగ్యంతో, ఇనుమడిరచిన ఉత్సాహంతో ప్రజా సేవకు పునరంకితం కావాలని ఆకాంక్షిస్తున్నాను. ఆయన అనుభవం ఈ రాష్ట్రానికి ఎంతో అవసరం. చంద్రబాబు విడుదల కోసం కోట్లాది మంది ఎదురు చూస్తున్నారు. అందరం ఆయనను స్వాగతిద్దాం’ అని ట్వీట్‌ చేశారు.
చంద్రబాబు కోసం కోట్లాది మంది ఎదురు చూస్తున్నారు: పవన్‌ కల్యాణ్‌
ఆయన అనుభవం ఈ రాష్ట్రానికి ఎంతో అవసరమని వ్యాఖ్య
