అమరావతి: టీడీపీ అధినేత చంద్రబాబుకి స్కిల్ డెవలప్మెంట్ కేసులో రెగ్యులర్ బెయిల్ రావడం పట్ల పార్టీ రాష్ట్ర అధ్యక్షుడు కింజరాపు అచ్చెన్నాయుడు సంతోషం వ్యక్తం చేశారు. న్యాయస్థానాలపై పూర్తి నమ్మకంతోనే ఇన్ని రోజులు అక్రమ కేసులపై పోరాడామన్నారు. తప్పుడు కేసులు న్యాయాస్థానాల ముందు నిలబడవని జగన్ రెడ్డి ప్రభుత్వం ఇప్పటికైనా తెలుసుకోవాలి. న్యాయస్థానాన్ని తప్పుదారి పట్టించే ప్రయత్నాన్ని ఏపీ సీఐడీ మానుకోవాలి. జగన్ రెడ్డి కళ్లలో ఆనందం కోసం సీఐడీ ఇప్పటికీ బుకాయించడం సిగ్గుచేటు. అక్రమ కేసులు వాదించేందుకు న్యాయవాదులకు కోట్ల రూపాయిల ప్రజాధనాన్ని దుర్వినియోగం చేశారు. జగన్ రెడ్డి నియంత పాలనకు చరమగీతం పాడేందుకు చంద్రబాబు త్వరలోనే ప్రజాక్షేత్రంలోకి వస్తారని ఒక ప్రకటనలో అచ్చెన్నాయుడు పేర్కొన్నారు.
చంద్రబాబుకి రెగ్యులర్ బెయిల్ రావడం సంతోషకరం
తప్పుడు కేసులు న్యాయస్థానాల్లో నిలబడవు: అచ్చెన్నాయుడు
