అమరావతి: తమిళ సినీ నటుడు, డీఎండీకే అధినేత విజయకాంత్‌ మృతిపై టీడీపీ అధినేత చంద్రబాబునాయుడు సంతాపం వెలిబుచ్చారు. సీనియర్‌ నటుడు, రాజకీయ నాయకుడు విజయకాంత్‌ ఇక లేరన్న వార్త తెలిసి తీవ్ర విచారం కలిగిందని పేర్కొన్నారు. విజయకాంత్‌ కుటుంబానికి, ఆయన సన్నిహితులకు, శ్రేయోభిలాషులకు ప్రగాఢ సంతాపం తెలియజేస్తున్నానని చంద్రబాబు ట్వీట్‌ చేశారు.
విజయకాంత్‌ సేవలు చిరస్మరణీయం: లోకేష్‌
అమరావతి: డీఎండీకే అధినేత, నటుడు విజయ్‌ కాంత్‌ మృతి పట్ల టీడీపీ జాతీయ ప్రధాన కార్యదర్శి నారా లోకేష్‌ సంతాపం వ్యక్తం చేశారు. ఆనారోగ్యంతో మృతి చెందిన విజయ్‌కాంత్‌కి నివాళులు అర్పిస్తున్నానని ఒక ప్రకటనలో లోకేష్‌ పేర్కొన్నారు. ఆయన కుటుంబసభ్యులకు ప్రగాఢ సానుభూతి తెలియజేశారు. హీరోగా ప్రేక్షకుల్ని అలరించిన విజయకాంత్‌ సినీ, రాజకీయ రంగాలకు చేసిన సేవలు చిరస్మరణీయమని కొనియాడారు.
