- గ్రామంలో 31 వైద్య బృందాలతో విస్తృత సర్వే
- అదుపులోనే ఉంది..ఎటువంటి ఆందోళన వద్దు
- అనుమానిత కేసులకు చికిత్స అందేలా చర్యలు
- వైద్య ఆరోగ్య మంత్రి సత్యకుమార్‌ యాదవ్‌
అమరావతి(చైతన్యరథం): తూర్పుగోదావరి జిల్లా బలభద్రపురం గ్రామంలో 31 వైద్య బృందాలతో సార్వత్రిక క్యాన్సర్‌ స్క్రీనింగ్‌ పరీక్షలను నిర్వహించడం జరుగుతోందని వైద్య ఆరోగ్య మంత్రి సత్యకుమార్‌ యాదవ్‌ వెల్లడిరచారు. ఇటీవల అసెంబ్లీ సమావేశా ల్లో అనపర్తి ఎమ్మెల్యే బలభద్రపురంలో క్యాన్సర్‌ కేసులను సభ దృష్టికి తెచ్చారని పేర్కొ న్నారు. అందుకనుగుణంగా వైద్య ఆరోగ్య, కుటుంబ సంక్షేమ శాఖ ఆధ్వర్యంలో గ్రామం లో సమగ్ర క్యాన్సర్‌ సర్వేను ప్రారంభించడం జరిగిందని వివరించారు. ఈ అంశంపై సోమవారం సచివాలయంలో ఆయన మీడియా సమావేశం నిర్వహించారు. ఆరోగ్య శాఖ ఇప్పటికే 2024 నవంబర్‌ నుంచి నోటి, రొమ్ము, గర్భాశయ క్యాన్సర్‌ నిర్ధారణ చేసే సార్వత్రిక క్యాన్సర్‌ స్క్రీనింగ్‌ను నిర్వహిస్తుందని చెప్పారు. ఇప్పటికే 47 శాతం జనాభాను కవర్‌ చేయడం జరిగిందని తెలిపారు. బలభద్రపురం గ్రామంపై ప్రత్యేక దృష్టి సారించి క్యాన్సర్‌ స్రీనింగ్‌ పరీక్షలకు 31 వైద్య బృందాలను నియమించినట్లు చెప్పారు. వీరికి ఏడు ప్రాథమిక ఆరోగ్య కేంద్రాల వైద్యులు, కాకినాడ వైద్యకళాశాల, జీఎస్‌ఎల్‌ వైద్య కళాశాల నిపుణులు సహకారం అందిస్తున్నారని తెలిపారు. ప్రసుతం క్యాన్సర్‌ ఆందోళనకర స్థాయి లో లేదని, ప్రజలు ఆందోళన చెందాల్సిన అవసరం లేదని స్పష్టం చేశారు. పింక్‌ రిబ్బన్‌ కార్యక్రమం ద్వారా క్యాన్సర్‌పై ప్రజల్లో పెద్దఎత్తున అవగాహన కల్పించేందుకు చర్యలు తీసుకోవడం జరుగుతుందని వివరించారు.
బలభద్రపురం గ్రామంలో 3,500 గృహాలుం డగా 10,800 మంది జనాభా ఉండగా వైద్యబృందాలు 2025 మార్చి 22, 23 తేదీలలో 8,830 మంది వ్యక్తులను కవర్‌ చేస్తూ 2,803 గృహాలను సర్వే చేయడం జరిగిందని పేర్కొన్నారు. ఈ సర్వే ద్వారా అనుమానిత క్యాన్సర్‌ కేసులను గుర్తించడం, గత మూడేళ్లుగా క్యాన్సర్‌ వల్ల సంభవించిన మరణాలను నమోదు చేయడం వంటివి చేస్తున్నారన్నారు. సర్వే అనుమానిత క్యాన్సర్‌ కేసులతో 38 మంది వ్యక్తులను గుర్తించగా అనుమానిత కేసు లలో సుమారు 10% నుంచి 15% వరకు క్యాన్సర్‌కు పాజిటివ్‌గా ఉంటుందని గమ నించడమైందని తెలిపారు. నోటి క్యాన్సర్‌, రొమ్ము క్యాన్సర్‌ ఒక్కొక్కటి 6 కేసులు ఉండ గా, 7 మందిలో గర్భాశయ క్యాన్సర్‌ అనుమానిత కేసులుగా, 2 కేసుల్లో మెదడు క్యాన్స ర్‌, 3 కేసుల్లో ఊపిరితిత్తుల అనుమానిత క్యాన్సర్‌ కేసులు ఉన్నాయని చెప్పారు. అలాగే 14 మంది వ్యక్తులకు బహుళ రకాల అనుమానిత క్యాన్సర్‌ లక్షణాలు ఉన్నట్లు తెలిపారు. సర్వే బృందాలు 17 మంది క్యాన్సర్‌ రోగులు చికిత్సలు పొందుతున్నట్టు గుర్తించగా వారి లో రొమ్ము క్యాన్సర్‌ (ఐదుగురు), బహుళ క్యాన్సర్‌ రకాలు (9 మంది), మెదడు క్యాన్స ర్‌, రక్త క్యాన్సర్‌కు సంబంధించి మరో ముగ్గురు ఉన్నట్టు పేర్కొన్నారు. గతంలో నిర్ధారిం చబడిన కేసుల్లో 15 మంది తమ క్యాన్సర్‌ చికిత్సను విజయవంతంగా పొందారని, ఈ కేసుల్లో ఎక్కువ మంది ఊపిరితిత్తుల క్యాన్సర్‌, రొమ్ము క్యాన్సర్‌, గర్భాశయ క్యాన్సర్‌కు చికిత్సలు పొందినట్టు చెప్పారు.
గత మూడేళ్లలో 19 క్యాన్సర్‌ సంబంధిత మరణాలు సంభవించినట్టు ఈ సర్వే బృందాలు గుర్తించాయని తెలిపారు. రాష్ట్రంలో నోటి, రొమ్ము క్యాన్సర్‌లకు 18 ఏళ్ల వయసు గల మొత్తం జనాభాకు, గర్భాశయ క్యాన్సర్‌లకు 30 ఏళ్ల వయసు ఉన్న మహిళలకు సమగ్ర క్యాన్సర్‌ స్క్రీనింగ్‌ను చేపట్టిడం జరిగిందని వివరించా రు. మొత్తం 4.09 కోట్ల మందికి స్కీనింగ్‌ చేయాలని లక్ష్యం కాగా ఇప్పటికే 1.93 కోట్ల జనాభా స్క్రీనింగ్‌ పూర్తి చేసి 1,45,649 అనుమానిత కేసుల్లో 95,263 మందిని పీహె చ్‌సీల వైద్య బృందాలు పరీక్షించాయని తెలిపారు. కాగా రాష్ట్రంలో 2022 నుంచి 2025 వరకు 1,13,363 క్యాన్సర్‌ కేసులు చికిత్సలు అందించగా వాటిలో అత్యధిక కేసులు కాకినాడ జిల్లాలో 5,931 (5.23%) కాగా మిగతావి విజయనగరం, శ్రీకాకుళం, గుం టూరు, విశాఖపట్నం జిల్లాలు ఉన్నాయని మంత్రి పేర్కొన్నారు. వైద్య ఆరోగ్య ప్రత్యేక ప్రధాన కార్యదర్శి ఎం.టి.కృష్ణబాబు మాట్లాడుతూ క్యాన్సర్‌ను ప్రాథమిక దశలోనే గుర్తించ గలిగితే మెరుగైన ఫలితాలు వస్తాయని, సకాలంలో తగిన నిర్ధారణ పరీక్షలు చేయించుకోవాలని విజ్ణప్తి చేశారు. క్యాన్సర్‌ అనుమానిత కేసులుగా గుర్తించిన వారికి మెరుగైన చికిత్స కోసం విశాఖపట్నం హోమీ బాబా క్యాన్సర్‌ కేంద్రం ద్వారా లేదా ఎన్టీఆర్‌ వైద్య సేవలో ఎంప్యానల్‌ ఆసుపత్రుల్లో చికిత్స పొందేలా వారికే ఆప్షన్‌ ఇవ్వడం జరిగిందని చెప్పారు. అంతేగాక క్యాన్సర్‌కు సంబంధించి ఎన్టీఆర్‌ వైద్యసేవలో 256 ప్రొసీజర్లను పొందుపర్చడం జరిగిందని తెలిపారు. ఈ సమావేశంలో డీఎంఈ నర్సింహ పాల్గొన్నారు.
