- ఇక పాత పద్ధతిలోనే టెండర్లు
- పోలవరం ఎడమ కాలువ పనులు తిరిగి ప్రారంభం
- నీటిసంఘాలకు త్వరలో ఎన్నికలు
- ఎక్సయిజ్‌ శాఖ పునర్వ్యవస్థీకరణ, సెబ్‌ రద్దు
- పాస్‌పుస్తకాలపై జగన్ పేరు, బొమ్మ తొలగింపు
- సర్వేరాళ్లపైనా జగన్ ఫొటో తొలగింపు
- కొత్తగా 2,774 రేషన్‌ దుకాణాలు
- రాష్ట్ర మంత్రివర్గం నిర్ణయాలు
- తొలి ఈ`కేబినెట్‌ సమావేశం
అమరావతి(చైతన్యరథం): గత వైసీపీ ప్రభుత్వం తీసుకొచ్చిన రివర్స్‌ టెండరింగ్‌ విధానాన్ని రాష్ట్ర మంత్రివర్గం రద్దు చేసింది. పాత విధానంలోనే టెండర్లు పిలిచే ప్రతిపాదనకు క్యాబినెట్‌ ఆమోదముద్ర వేసింది. పోలవరం ఎడమ కాల్వ పనుల పునరుద్ధరణకు కేబినెట్‌ ఆమోదం తెలిపింది. ఈ పనుల్లో ప్రస్తుత గుత్తేదారు సంస్థనే కొనసాగించేందుకు గ్రీన్‌ సిగ్నల్‌ ఇచ్చింది. రాష్ట్ర సచివాలయం మొదటి బ్లాకు కేబినెట్‌ సమావేశ మందిరంలో బుధవారం రాష్ట్ర ముఖ్యమంత్రి నారా చంద్రబాబు నాయుడు అధ్యక్షతన తొలి ఈ-కేబినెట్‌ జరిగింది. రాష్ట్ర మంత్రి మండలి సమావేశంలో తీసుకున్న నిర్ణయాలను రాష్ట్ర సమాచార పౌర సంబంధాలు, గృహ నిర్మాణ శాఖామంత్రి కొలుసు పార్థసారధి మీడియాకు వివరించారు. 2014-2019 మధ్య కాలంలో నిర్వహించిన కాగిత రహిత (పేపర్‌లెస్‌) కేబినెట్‌ తరహా మరొక అధునాతన అప్లికేషన్‌ వినియోగించి మొదటి ఈ – కేబినెట్‌ సమావేశాన్ని రాష్ట్ర ప్రభుత్వం నిర్వహించిందన్నారు. ఢల్లీిలోని నేషనల్‌ ఇన్ఫర్మేటిక్స్‌ సెంటర్‌ (ఎన్‌ఐసీ) అధునాతన సాంకేతిక పరిజ్ఞానంతో రూపొందించిన బహుళ ఫీచర్లతో కూడిన సమగ్ర అప్లికేషన్‌ ఆధారంగా చేసుకొని రాష్ట్ర ప్రభుత్వం ఈ- కేబినెట్‌ నిర్వహించిందన్నారు. కేబినెట్‌ నిర్ణయాలు:
సాగునీటి రైతు సంఘాల ఎన్నికలు
సాగునీటి రైతు సంఘాల ఎన్నికలు నిర్వహించాలన్న ప్రతిపాదనకు కేబినెట్‌ ఆమోదం తెలిపింది. ఆయా ప్రాజెక్టుల్లో ఆయకట్టు పరిధిని స్థిరీకరించి, సంబంధిత ప్రాంత ఓటర్‌ లిస్ట్‌ జాబితాను నవీకరించి 90 రోజుల్లోగా సాగునీటి రైతు సంఘాలకు ఎన్నికలు నిర్వహించాలన్న ప్రతిపాదనకు కేబినెట్‌ ఆమోదం తెలిపింది.
రివర్స్‌ టెండర్‌ విధానం రద్దు
2019లో గత ప్రభుత్వం లోపభూయిష్టంగా తీసుకువచ్చిన రివర్స్‌ టెండర్‌ విధానాన్ని రద్దు చేయాలన్న ప్రతిపాదనకు మంత్రి మండలి ఆమోదం తెలిపింది. పాత విధానంలోనే టెండర్లు పిలిచే ప్రతిపాదనను మంత్రివర్గం ఆమోదించింది. సెంట్రల్‌ విజిలెన్స్‌ కమిషన్‌ మార్గదర్శకాల ప్రకారం నూతన టెండరింగ్‌ విధానాన్ని అమలు చేయాలని ముఖ్యమంత్రి కేబినెట్‌ కు సూచించారు. రివర్స్‌ టెండరింగ్‌ ప్రక్రియకు సంబంధించి జారీ చేసిన ఉత్తర్వులను రద్దు చేయడంతో పాటు, అన్ని ప్రభుత్వ శాఖలు, కార్పొరేషన్లలోని పనులను పిలువడం, ఖరారు చేయడం మరియు అప్పగించడం వంటి వాటిలో రివర్స్‌ టెండరింగ్‌కు బదులుగా సాంప్రదాయ టెండర్‌ ప్రక్రియను అమలు చేయడానికి చేసిన ప్రతిపాదనకు మంత్రి మండలి ఆమోదం తెలిపింది.
పోలవరం ఎడమ కాలువ పనుల పునరుద్ధరణ
ప్రస్తుతమున్న ఏజెన్సీలు తమ అగ్రిమెంట్ల రేట్లు, ఒప్పందాల ప్రకారం పనులు కొనసాగిస్తూ 6000 క్యూసెక్కుల సామర్థ్యమున్న పోలవరం ఎడమ ప్రధాన కాలువ పనులను పూర్తి చేసేందుకు తయారుచేసిన సమగ్ర ప్రణాళికకు మంత్రి మండలి ఆమోదం తెలిపింది. ఎడమ కాలువ పనులకు సంబంధించిన ప్రీ-క్లోజ్డ్‌ ప్యాకేజీలలో మిగిలిన బ్యాలెన్స్‌ పనుల నుండి అవసరమైన / క్లిష్టమైన పనులను రూ. 1226.68 కోట్ల అంచనా వ్యయంతో ఎల్‌ఎస్‌ విధానంలో టెండర్లు పిలిచేందుకు కేబినెట్‌ ఆమోదం తెలిపింది. ఈ కాలువ ద్వారా విశాఖపట్నం ప్రజలకు తాగునీరు, పరిశ్రమలకు అవసరమైన నీరు అందించేందుకు అవకాశం కలుగుతుంది. తుంగభద్ర గేటు కొట్టుకుపోయిన సమస్యపై సమయస్ఫూర్తితో వ్యవహరించి, కర్ణాటక ప్రభుత్వం సమన్వయంతో 3 రోజుల్లోనే సమస్యను పరిష్కరించినందుకు సీఎం చంద్రబాబుకు కేబినెట్‌ ప్రత్యేక అభినందనలు తెలిపింది. ఈ నేపథ్యంలో రాష్ట్ర వ్యాప్తంగా అన్ని ప్రాజెక్టులను సమగ్రంగా పరిశీలించి అవసరమైన మేరకు మరమ్మత్తులు చేపట్టాలని నిర్ణయించింది.
ఎక్సైజ్‌ శాఖ పునర్వ్యవస్థీకరణ
ఎక్సైజ్‌ శాఖ పునర్వ్యవస్థీకరణకు మంత్రివర్గం ఆమోదం తెలిపింది. 2019 కి ముందు ఎగ్జిక్యూటివ్‌, ఎన్‌ఫోర్స్‌మెంట్‌, డిస్టిలరీ వింగ్‌ లు ఒకే ఆజమాయిషీలో ఉంటూ సమర్థవంతంగా పనిచేసేవి. 2020 మే లో స్పెషల్‌ ఎన్‌ఫోర్స్‌మెంట్‌ బ్యూరో ఏర్పాటుతో ఎక్సైజ్‌ సిబ్బందికి, సెబ్‌కి మధ్య సమన్వయలోపం ఏర్పడిరది. దీంతో అక్రమ మద్యం నియంత్రణ, నాన్‌-డ్యూటీ పెయిడ్‌ మద్యం మొదలైన నేరాల నియంత్రణపై పట్టు కోల్పోవడంతో 2019 – 24 మధ్య కాలంలో ఎన్డీపీఎల్‌ నేరాల సంఖ్య 66 శాతం పెరిగింది. దీంతో ఎక్సైజ్‌ శాఖను పునర్వ్యవస్థీకరించి, సెబ్‌ను రద్దు చేయాలని నిర్ణయించింది. గత ఎక్సైజ్‌ విధానం వల్ల రాష్ట్రానికి రూ.18,860 కోట్లు నష్టం వాటిల్లిందని, సరైన నియంత్రణ లేని కారణంగా రాష్ట్రానికి తీవ్రనష్టం వాటిల్లిందని, అలాగే ప్రజల ఆరోగ్యాలు కూడా దెబ్బతిన్నాయని మంత్రివర్గం అభిప్రాయపడిరది. ఈ నేపథ్యంలో నూతన ఎక్సైజ్‌ పాలసీ తీసుకురావాలని మంత్రివర్గానికి సీఎం సూచించారు.
జగన్ పేరు, బొమ్మ తొలగింపు
పట్టాదారు పాసుపుస్తకాలపై జగన్ పేరు, బొమ్మలు, రాజకీయ పార్టీల లోగో తొలగించేందుకు కేబినెట్‌ ఆమోదం తెలిపింది. 21.86 లక్షల పట్టాదారు పాసుపుస్తకాలపై కొత్తగా రాజముద్ర ముద్రించి ఇవ్వడానికి కేబినెట్‌ ఆమోదం తెలిపింది. 77 లక్షల సర్వే రాళ్ళపై మాజీ సీఎం జగన్ బొమ్మ తొలగించి వాటిని వినియోగించుకునేందుకు ఆమోదం తెలిపింది. 22 ఏ, ఫ్రీ హోల్డ్‌ భూములు వివాదాలపై రెవెన్యూ సదస్సుల నిర్వహణకు, వివాదాలలో ఉన్న భూముల రిజిస్ట్రేషన్‌ నిలిపివేతకు కేబినెట్‌ గ్రీన్‌ సిగ్నల్‌ ఇచ్చింది. భవిష్యత్‌ లో భూముల రికార్డులు తారుమారుకాకుండా మరింత పటిష్టమైన చర్యలు తీసుకోవాలని సీఎం కేబినెట్‌ కు సూచించారు.
ఇసుక పాలసీ
సులభతర, సమర్థవంతమైన ఇసుక విధానానికి చేసిన ప్రతిపాదనను కేబినెట్‌ ఆమోదించింది. డిజిటల్‌ విధానం ద్వారా ఇసుక బుకింగ్‌, ఇసుక లభ్యతను మెరుగుపరచడం, వినియోగదారులకు రవాణాను సులభతరం చేయడం, కార్యకలాపాలను క్రమబద్ధీకరించడం వంటి ప్రతిపాదనలను కేబినెట్‌ ఆమోదించింది. ప్రస్తుత వర్షాభావ పరిస్థితుల నేపథ్యంలో ఇసుకకు ఇబ్బందులు ఏర్పడ్డాయన్నారు.
కొత్త రేషన్‌ దుకాణాలు
కొత్తగా 2,774 రేషన్‌ దుకాణాల ఏర్పాటుకు, కొత్తగా ఏర్పాటు చేసిన రేషన్‌ షాపుల్లో ఈ -పోస్‌ మిషన్‌ల కొనుగోలుకు రూ. 11.51 నిధుల విడుదలకు కేబినెట్‌ ఆమోదం తెలిపింది.
వికసిత్‌ ఆంధ్ర ` 2047
వికసిత్‌ ఆంధ్ర ` 2047 విజన్‌ డాక్యుమెంట్‌ రూపకల్పన లో ప్రతి ఒక్కరినీ భాగస్వామ్యులను చేయాలని, వారి సలహాలు, సూచనలు ప్రతిబింబించే విధంగా, ప్రతి వర్గం అభివృద్ధి చెందేలా విజన్‌ డాక్యుమెంట్‌ కు రూపకల్పన చేయాలని కేబినెట్‌కు ముఖ్యమంత్రి సూచించారు. దీని కోసం గ్రామ సభలు నిర్వహించి ప్రజల ఆకాంక్షలు, అవసరాలు, ఆలోచనలు తెలుసుకోవాలని కేబినెట్‌ ను ముఖ్యమంత్రి ఆదేశించారు.
పీఏల జీతం 18,000 నుండి 36,000 కు, పీఎస్‌ ల జీతం 50,000లకు పెంచాలని చేసిన ప్రతిపాదనకు కేబినెట్‌ ఆమోదం తెలిపింది. ప్రతి మంత్రికి నలుగురు చొప్పున (ఒక పీఆర్వో, ఒక విజన్‌ మెయింటెనెన్స్‌ అధికారి, సోషల్‌ మీడియా మేనేజర్స్‌ ఇద్దరు) మొత్తం మంత్రుల పేషీల్లో 96 పోస్టులను మంజూరు చేయాలన్న ప్రతిపాదనకు మంత్రి వర్గం ఆమోదం. 3 వారాల్లో సంబంధిత నియామకాలను భర్తీ చేయాలని నిర్ణయించారు.
కృష్ణపట్నం ఇండ్రస్ట్రియల్‌ సిటీ డెవలప్‌మెంట్‌ లిమిటెడ్‌ (చీIజణIు) పేరును ఏపీ ఇండస్ట్రియల్‌ కారిడార్స్‌ ఇన్‌ఫ్రాస్ట్రక్చర్‌ డెవలప్‌ మెంట్‌ కార్పొరేషన్‌ లిమిటెడ్‌ (Aూ – IజIణజూ) గా, ఓర్వకల్లు, కొప్పర్తి నోడ్‌ లకు కూడా పేర్లు మార్చాలని నిర్ణయించాలన్న ప్రతిపాదనకు కేబినెట్‌ ఆమోదం తెలిపింది.
మెరిట్‌ జాబితాలో మిగిలిపోయిన ఆసక్తిగల, అర్హులైన బి.కాం అభ్యర్థులను గ్రేడ్‌-2 కేటగిరిలో వార్డ్‌ వెల్ఫేర్‌ అండ్‌ డెవలప్‌ మెంట్‌ సెక్రటరీలుగా నియమించేందుకు 269 సూపర్ న్యూమరీ పోస్టులను మంజూరు చేయాలన్న ప్రతిపాదనకు కేబినెట్‌ ఆమోదం.
అనంతపురం జైల్ల్లో జీవిత ఖైదు అనుభవిస్తున్న ఖైదీ నెం.4461, కొండూరు రామ చంద్రారెడ్డి (73) ముందస్తు విడుదలకు ప్రత్యేక రిమిషన్‌ మంజూరు కోసం చేసిన ప్రతిపాదనకు మంత్రి మండలి ఆమోదం తెలిపింది.
ఈ`కేబినెట్‌
ఈ-కేబినెట్‌ విధానంలో మంత్రివర్గ ఎజెండా, కేబినెట్‌ నోట్స్‌ అన్నీ ఆన్‌లైన్‌లోనే అందుబాటులో ఉంటాయి. పేపర్‌లెస్‌ కాన్సెప్ట్‌తో ఈ-కేబినెట్‌ నిర్వహణ అంటే కార్యాచరణ సామర్థ్యాన్ని మెరుగుపరుస్తుంది. వాస్తవికతకు అద్దం పడుతుంది. తద్వారా పర్యవేక్షణ సామర్థ్యం పెరగడంతో పాటు పర్యావరణానికి అనుకూలమైన విధానం. కేబినెట్‌ నిర్ణయాల అమలు తీరును మంత్రులు సమర్థంగా పర్యవేక్షించే వీలు కలుగుతుంది. ఎక్కడైనా, ఎప్పుడైనా సంబంధిత సమాచారం ఆన్‌ లైన్‌ లో యాక్సెస్‌ చేసేందుకు అనుకూలంగా ఉంటుంది. సమాచారం గోప్యంగా ఉంచేందుకు వీలుంటుంది. కేబినెట్‌ నిర్ణయాల అమలు స్థితిని ఎప్పటికప్పుడు సమర్థవంతంగా పర్యవేక్షించడం, అంచనా వేసేందుకు అనుకూలంగా ఉంటుంది. సమగ్ర డేటా విశ్లేషణ, రిపోర్టింగ్‌ సామర్థ్యం, అనధికార యాక్సెస్‌ ను నిరోధించి సమాచారాన్ని భద్రపరిచేందుకు అవకాశం ఉంది.
కాగా రాష్ట్రంలో జనావాస ప్రాంతాల్లో 14,000 సీసీ కెమెరాలు ఉన్నాయని, అలాగే ప్రైవేట్‌ యాజమాన్యంలో, ప్రైవేట్‌ స్థలాలు, భవనాల దగ్గరున్న సీసీ టీవీలు అనుసంధానం చేయడం ద్వ్షారా శాంతి భద్రతల పర్యవేక్షణకు ఉపకరిస్తుందని, దీనిపై ప్రణాళికాబద్ధమైన చర్యలు చేపట్టాలని కేబినెట్‌ కు ముఖ్యమంత్రి సూచించారు. రియల్‌ టైమ్‌ గవర్నెన్స్‌ కు సాంకేతికతను జోడిస్తూ ఇన్సిడెంట్‌ మానిటరింగ్‌ సిస్టమ్‌, అలర్ట్‌ మేనేజ్‌ మెంట్‌ సిస్టమ్‌ ద్వారా రాష్ట్రంలో జరిగే సంఘటనలు ఎప్పటికప్పుడు ప్రత్యక్ష పర్యవేక్షణ చేసి తగు చర్యలు చేపట్టేందుకు వీలుంటుందని అన్నారు. డ్రోన్ల వినియోగం ద్వ్షారా కూడా రోడ్లపై గుంతలు గుర్తించడం, దోమల నియంత్రణ, అంటువ్యాధులు అరికట్టడం, తక్కువ ఖర్చుతో వ్యవసాయంలో మందుల పిచికారీ చేసేందుకు దోహదపడుతుందన్నారు.
