అమరావతి (చైతన్యరథం): లండన్‌లోని వరల్డ్‌ బుక్ ఆఫ్‌ రికార్డ్స్‌ గోల్డ్‌ ఎడిషన్‌లో నట సింహం నందమూరి బాలకృష్ణకు స్థానం దక్కటం పట్ల విద్య, ఐటీశాఖల మంత్రి నారా లోకేష్‌ అభినందనలు తెలియజేశారు. ఈ మేరకు ఎక్స్‌లో పోస్ట్‌ పెట్టారు. సినీ రంగంలో 50 సంవత్సరాలు అద్భుతంగా పూర్తి చేసుకున్నందుకు ప్రియమైన బాల మావయ్యకు అభినందనలు. ఈ ప్రత్యేక సందర్భంలో వరల్డ్‌ బుక్ ఆఫ్‌ రికార్డ్స్‌ గోల్డ్‌ ఎడిషన్‌లో ఆయన స్థానం సంపాదించడం మా కుటుంబానికి, తెలుగు సినిమా అభిమానులందరికీ గర్వకారణం. ఆయన అభిరుచి, క్రమశిక్షణ, కళ పట్ల ప్రేమ మనందరికీ స్ఫూర్తిదాయకంగా నిలుస్తామని మంత్రి లోకేష్‌ పేర్కొన్నారు.
మా కుటుంబానికి, తెలుగు సినిమాకు గర్వకారణం
మంత్రి లోకేష్‌ అభినందనలు
