- నేనున్నంతకాలం ముస్లింలకు అన్యాయం జరగదు
- రాష్ట్రం అభివృద్ధి చెందాలంటే కేంద్ర సాయం అవసరం
- ఎన్నడూ లేని విధంగా జగన్ హయాంలో ముస్లింలపై దాడులు
- ముస్లింలకు పథకాలు రద్దు చేశాడు…ఆర్థిక సాయం నిలిపేశాడు
- ముస్లింల హక్కులకు భంగం కలిగే చర్యలు మేము ఏనాడూ తీసుకోలేదు
- ముస్లింలతో కలిసి ప్రత్యేక ప్రార్థనలు, ఇఫ్తార్ విందులో పాల్గొన్న టీడీపీ అధినేత చంద్రబాబు స్పష్టీకరణ
కుప్పం (చైతన్యరథం): ముస్లింల భద్రతపై ఎలాంటి భయాందోళనలు అవసరం లేదని, ఈ విషయంలో తనదే బాధ్యత అని టీడీపీ అధినేత చంద్రబాబునాయు డు స్పష్టం చేశారు. జగన్రెడ్డి విధ్వంస పాలనతో కోలు కోలేని విధంగా దెబ్బతిన్న రాష్ట్రాన్ని తిరిగి అభివృద్ధి బాట పట్టించాలంటే కేంద్ర సాయం అవసరమనే ఉద్దే శంతోనే ఎన్డీఏలో చేరామని చెప్పారు. కుప్పంలోని కేవీ ఆర్ మండపంలో సోమవారం ముస్లిం సోదరులతో కలిసి ప్రత్యేక ప్రార్థనల అనంతరం ఇఫ్తార్ విందులో చంద్రబాబు పాల్గొన్నారు. ఈ సందర్భంగా ఆయన మాట్లాడుతూ రంజాన్ మాసం అంతా సూర్యాస్తమ యం వరకూ నీళ్లు, ఆహారం తీసుకోకుండా కఠోరమైన దీక్షను ముస్లిం సోదరులు చేపడతారన్నారు. ముస్లింల కు న్యాయం చేసిన ఏకైక పార్టీ టీడీపీ. 40 ఏళ్లుగా ముస్లింలకు ప్రాధాన్యత ఇస్తున్నాం.
ఉర్దూను రెండో అధికార భాషగా చేసింది టీడీపీనే. సమైక్యరాష్ట్రంలో 13 జిల్లాల్లో ఉర్దూను రెండో భాషగా చేశాను. ముస్లిం లో చాలా మంది పేదలు ఉన్నారని గుర్తించిన ఎన్టీఆర్ 1985లో దేశంలోనే మొదటిసారిగా కార్పొరేషన్ ఏర్పాటు చేసి నిధులు కేటాయించారు. హజ్ యాత్రకు వెళ్లాలంటే ఇబ్బందులు పడుతున్నారని గుర్తించి, హైద రాబాద్లో హజ్హౌస్ కట్టి విమాన సదుపాయాన్ని కల్పించాం.రాష్ట్రం విడిపోయాక కడప, విజయవాడలో హజ్ హౌస్ల నిర్మాణం చేపట్టి 90శాతం పూర్తి చేశాం. కానీ వాటిని ఈ ప్రభుత్వం పూర్తి చేయలేదు. సమైక్య రాష్ట్రంలో ఉర్దూ యూనివర్సిటీని హైదరాబాద్కు తెచ్చాం… విభజన తర్వాత కర్నూలుకూ తెచ్చామని చంద్రబాబు చెప్పారు.
జగన్ పాలనలోనే ముస్లింలకు అన్యాయం
ఖురాన్ స్ఫూర్తితో పేద ముస్లింలైన 10లక్షల మంది కి రంజాన్ తోఫా ఇచ్చాం. దుకాణ్్ మకాన్, దుల్హన్ పథకాలను ప్రవేశపెట్టాం. 33వేల మందికి దుల్హన్ పథకం ద్వారా రూ.165 కోట్లు ఆర్థిక సాయం ఇచ్చిన ఏకైక పార్టీ టీడీపీ. విదేశీ విద్య కింద 527 మందిని విద్యార్థులను విదేశాలకు పంపించాం. కానీ ఈ ప్రభు త్వం ఎవరికీ డబ్బులు ఇవ్వలేదు. ఒక్క మైనారిటీ సోద రుడికైనా ఆర్థిక సాయం అందించిందా..? నాడు నేను రూ.3 లక్షల రుణం ఇచ్చి రూ.లక్ష సబ్సిడీ ఇచ్చా. ఒక్క మసీదైనా కట్టారా.? ఆఖరికి మరమ్మతులకు కూడా డబ్బులు ఇవ్వలేదు. ఇమామ్, మౌజన్లకు గౌరవ వేతనం ఇచ్చింది టీడీపీనే. కానీ 6 నెలలుగా ఈ ప్రభు త్వం గౌరవ వేతనం ఇవ్వడంలేదు. నంద్యాలలో అబ్దుల్ సలాం కుటుంబాన్ని వేధించడంతో ఆత్మహత్య చేసు కుంది.ఎమ్మిగనూరులో హజీరాబీ అనే ముస్లిం యువతి ని కొందరు వైసీపీ గూండాలు అత్యాచారం చేసి చంపేస్తే పట్టించుకోలేదు. వి.కోటలో చదువుల తల్ల మిస్బా బాగా చదువుతుండేది… కానీ వైసీపీ నేత కూతురు ఆమె కన్నా వెనకబడి, తరగతిలో సెకెండ్ వస్తోందని, పాఠశాల యాజమాన్యంపై ఒత్తిడి తెచ్చి మిస్బాకు టీసీ ఇప్నించడంతో ఆత్మహత్య చేసుకుంది.
మస్లిం ఆడబిడ్డ బాగా చదువుకుంటే మనసు ఒప్పలేని దుర్మార్గులు వీళ్లు. కళ్యాణదుర్గంలో చాపిరి గ్రామంలో ముస్లిం యువతిని మోసం చేసి చంపి నదిలో పడే శారు. దాచేపల్లిలో ముస్లిం యువకుడు అలీషా మద్యం అమ్ముతున్నాడని నింద వేసి కొట్టి చంపేశారు. కడపలో అక్బర్ బాషాకు చెందిన భూమిని కబ్జా చేయడంతో ఆత్మహత్యకు యత్నించాడు. ముస్లిం యువకులపై పుంగనూరులో కేసులు పెట్టి 12మందిని జైలుకు పంపారు.మసీదును కబ్జా చేస్తున్నారని పోరాడినందుకు నరసరావుపేటలో ఇబ్రహీంను నరికి చంపారని చంద్ర బాబు అన్నారు.
రాష్ట్రం కోసమే పొత్తు
45 ఏళ్ల ట్రాక్ రికార్డు ఉన్న పార్టీ టీడీపీ. ఎన్డీఏలో ఉన్నప్పుడు కూడా గతంలో ముస్లింల హక్కులకు భంగం కలిగే చర్యలు ఏనాడూ చేయలేదు. మీ పిల్లల అభివృద్ధి కోసం కృషి చేశాం. పార్లమెంట్లో అన్ని చట్టాలకు వైసీపీ ముందుండి మద్దతు ఇచ్చింది. రాష్ట్రంలో రాక్షస ప్రభుత్వం ఉంది..అందరిపై దాడులు చేస్తున్నారు..అందుకే నేను, పవన్ ఆలోచించి బీజేపీ ముందుకు రావడంతో పొత్తు పెట్టుకున్నాం. ముస్లింలకూ పనులు కావాలన్నా…అభివృద్ధి చెందాలన్నా కేంద్ర ప్రభుత్వ సాయం కావాలి…అందుకే పొత్తు పెట్టుకున్నాం తప్ప మరో కారణం కాదు. 3 పార్టీలు రాష్ట్ర భవిష్యత్తు కోసమే పొత్తు పెట్టుకున్నాయి. నేను సీఎంగా ఉన్నంత కాలం మీకు అన్యాయం జరగదు.
దుర్మార్గ ప్రభుత్వం వస్తే మీకూ భవిష్యత్తు ఉండదు. ముస్లింలు, క్రిస్టియన్లు కూడా ఇబ్బందులు పడే పరిస్థితి వస్తుంది. అందరినీ సమానంగా చూసి, అందరికీ సంక్షేమాన్ని అందించే ఏకైక పార్టీ టీడీపీ. ప్రతి ఒక్కరికీ న్యాయం జరగాలన్నదే నా తపన. ముస్లింలకు ఏం కావాలన్నా నేను ముందుంటా. ముస్లిం సోదరులు ఏదీ మనుసులో పెట్టుకోకుండా ముందుకు రావాలి. ముస్లింల భద్రతకు నాది బాధ్యత అని చంద్రబాబు హామీ ఇచ్చారు.
