- తనకు తాను సీజేఐలా భావిస్తున్నాడని వ్యాఖ్య
- సుప్రీం తీర్పుపై అబద్ధాలు ప్రచారం చేస్తున్న నీలిమీడియా
- ఈ తీర్పు పాక్షిక విజయంగా భావిస్తున్నాం
- చంద్రబాబుపై మోపినవి నిరాధార ఆరోపణలు
- అనవసరంగా కేసుల్లో ఇరికించారని ప్రజలకు అర్థమైంది
- తనకు తాను సీజేఐలా భావిస్తున్నాడని వ్యాఖ్య
- సుప్రీం తీర్పుపై అబద్ధాలు ప్రచారం చేస్తున్న నీలిమీడియా
- ఈ తీర్పు పాక్షిక విజయంగా భావిస్తున్నాం
- చంద్రబాబుపై మోపినవి నిరాధార ఆరోపణలు
- అనవసరంగా కేసుల్లో ఇరికించారని ప్రజలకు అర్థమైంది
అమరావతి: టీడీపీ అధినేత చంద్రబాబుపై సీఐడీ మోపినవి నిరాధార ఆరోపణలని టీడీపీ పొలిట్బ్యూరో సభ్యుడు, మాజీ మంత్రి నక్కా ఆనంద్బాబు స్పష్టం చేశారు. మంగళగిరిలోని టీడీపీ జాతీయ కార్యాలయం లో మంగళవారం ఏర్పాటు చేసిన విలేకరుల సమా వేశంలో ఆనంద్బాబు మాట్లాడుతూ చంద్రబాబుపై కనీస సాక్ష్యాలు కూడా లేకుండా సీఐడీ కేసు పెట్టిదన్నారు. చంద్రబాబు, టీడీపీ నేతలపై వైసీపీ ప్రభుత్వం కక్ష సాధింపు చర్యలకు పాల్పడుతోంది. అందులో భాగమే చంద్రబాబునాయుడుపై కేసు. వచ్చే రోజులు వైసీపీకి గడ్డుకాలమే అని వారు గుర్తించాలి. రాజకీయ ప్రేరిపిత కేసు కాబట్టి… మాకు న్యాయం జరుగుతుంది అనే నమ్మకం ఉంది. టీడీపీ శ్రేణులు ధైర్యంగా ముందుకు వెళ్ళాలి. అడిషనల్ అడ్వొకేట్ జనరల్ (ఏఏజీ) సుధాకరరెడ్డి తనకు తాను చీఫ్ జస్టిస్ ఆఫ్ ఇండియా(సీజేఐ) అనుకుంటున్నారు. ఆయన ఆటలు ఎంతో కాలం సాగవు. వైసీపీ కార్యకర్తలా ఏఏజీ వ్యవహరించడం మానుకోవాలి. నీలి మీడియా చంద్ర బాబు కేసు విషయంలో లేనిది ఉన్నట్లు, ఉన్నది లేనట్లు గా చూపిస్తోంది. అంతగా చిలువలు, వలువలు చేసి చూపించాల్సిన అవసరం లేదు. చంద్రబాబునాయుడికి వ్యతిరేకంగా తీర్పు ఇచ్చారని అబద్ధాలు ప్రచారం చేస్తున్నారు. ఇదంతా ప్రజల్ని మభ్యపెట్టాలని, పక్కదారి పట్టించాలని చేసిన ప్రయత్నమే. పాక్షికంగా మా నాయ కుడికి విజయం దక్కిందనడంలో సందేహం లేదు. చంద్రబాబుపై అక్రమ కేసులు అడ్డగోలుగా బనాయిం చారు. 17ఏ వర్తిస్తుందని మేం కోర్టుకెళ్లాం. అక్కడ సుప్రీంకోర్టు ద్విసభ్య ధర్మాసనం భిన్నాభిప్రాయాలు వ్యక్తం చేసింది. సుప్రీంకోర్టు సీజె వద్దకు కేసు వెళ్తోంది. సీజే తీసుకునే నిర్ణయం చూడాలి. ఆయన త్రిసభ్య ధర్మాసనం ఏర్పాటు చేస్తారా? లేక ఐదుగురితో ధర్మా సనం ఏర్పాటు చేస్తారా, రాజ్యాంగ ధర్మాసనం ఏర్పాటు చేస్తారో, ఏం చేస్తారనేది తరువాత తేలుతుంది. ఇప్పటివరకైతే ఏమీ లేదు. అడ్డగోలుగా, అక్రమంగా బనాయించిన ఇతర కేసులపై కూడా మేం ముందస్తు బెయిల్కు వెళ్లి తెచ్చుకున్నాం. హైకోర్టు న్యాయమూర్తులు కూడా బెయిల్ ఇచ్చేటప్పుడు కొన్ని వ్యాఖ్యలు కూడా చేశారు.
వాటిని బట్టి చంద్రబాబును అనవసరంగా ఇరికించారని ప్రజలకు అర్థమైంది. లీగల్గా తీర్పు ప్రతులు వచ్చాక పార్టీ లీగల్ అడ్వయిజరీ కమిటీి వాటిని అధ్యయనం చేశాక మా అభిప్రాయం చెబుతాం. ఈ జడ్జిమెంట్ పై అప్పుడు పూర్తి స్థాయిలో స్పందిస్తామని ఆనంద్ బాబు తెలిపారు. తీర్పు ఆలస్యం కావచ్చు కానీ ఖచ్చితంగా న్యాయం లభిస్తుందని ధీమా వ్యక్తం చేశారు.
