- అధికారంలోకి రాగానే అమలు చేస్తాం
- సంక్షేమం, అభివృద్ధి రెండుకళ్లుగా పాలన
- ఆంక్షలు, బాదుడు లేని సంక్షేమం అందిస్తాం
- వైసీపీ పాలనలో రాష్ట్రంలో ఎవరి ఆస్తులకూ రక్షణ లేదు
- కుప్పంలో కుప్పి గంతులతో జగన్ అభాసుపాలు
- కుప్పంలో లక్ష మెజారిటీ లక్ష్యాన్ని దాటాలి
- జనం పోటెత్తిన కుప్పం సభలో చంద్రబాబు
కుప్పం (చైతన్యరథం): తెలుగుదేశం పార్టీ ఆవిర్బా Ûవం నుంచి కుప్పం నియోజకవర్గం పార్టీకి కంచు కోటగా నిలిచిందని పార్టీ అధినేత నారా చంద్రబాబు నాయుడు అన్నారు. కుప్పంలో శనివారం సాయంత్రం జరిగిన భారీ బహిరంగసభలో చంద్రబాబు మాట్లాడు తూ అధికారంలోకి రాగానే రూ.4,000 పెన్షన్ నెల నెలా ఇంటికే వచ్చేలా చేస్తామన్నారు. బయటకు వెళ్లిన వారు రెండు నెలలు ఊర్లో లేకపోయినా పెన్షన్ ఇస్తా మన్నారు. ఇప్పుడున్న రూ.3వేల సామాజిక పెన్షన్ను రూ.4 వేలు చేసి ఇంటిదగ్గరకే తీసుకొచ్చి అందిస్తా మన్నారు. సంపద సృష్టితో సంక్షేమ కార్యక్రమాలు అమలు చేస్తామన్నారు. అభివృద్ధి, సంక్షేమం రెండు కళ్లుగా పాలన సాగిస్తామన్నారు. ప్రజలు గెలవాలి… రాష్ట్రం నిలవాలి అన్నదే నా అజెండా. జగన్రెడ్డి అస మర్థ పాలనతో 30 ఏళ్ల వెనక్కు వెళ్లిన ఈ రాష్ట్రాన్ని గాడిలో పెట్టాలంటే కేంద్ర సహకారం అవసరం. రాబోయే రోజుల్లో కేంద్రంలో ఎన్డీఏ ప్రభుత్వమే వస్తుం ది. కేంద్రంలో 400 పైగా ఎంపీలు, రాష్ట్రంలో 160 పైగా ఎమ్మెల్యేలు మనం గెలవాలి. 24ఎంపీలు గెలవా లని లక్ష్యంగా పెట్టుకున్నామని చంద్రబాబు చెప్పారు.
కుప్పం రుణం తీర్చుకోలేనిది
ఈసారి కుప్పంలో లక్ష ఓట్ల మెజారిటీ ఇవ్వాలని ఇక్కడి ప్రజలే లక్ష్యంగా పెట్టుకున్నారు. రాష్ట్రంలో అతి పెద్ద మెజారిటీ వచ్చేది కుప్పంలోనే.సైకిల్కి తప్ప మరో పార్టీకి ఓటెయ్యడం తెలియని బంగారు కుప్పం మనది. నా కుప్పం నియోజకవర్గం గురించి కాలర్ ఎగరేసుకు ని చెబుతున్నానంటే అది మీరు చూపించిన అభిమా నం. కొంతమంది నేతలు కుల,మతాల వారీగా ఎక్కువ ఓట్లను చూసి నియోజకవర్గాన్ని ఎంచుకుంటారు. కానీ నేను పేదలు ఎక్కడున్నారా అని వెతుక్కుని కుప్పానికి వచ్చాను. పేదలు, బడుగు బలహీన వర్గాలే నాకు సర్వస్వం. నేను ఇప్పటివరకూ 7 ఎన్నికల్లో కుప్పంలో పోటీ చేశా. మళ్లీ ఎన్నికలు వస్తున్నాయి… ప్రజల్లోకి వెళ్లే ముందు మీ ఆశీస్సులు కోరేందుకే ఇక్కడికి వచ్చా. ఎన్ని జన్మలెత్తినా మీ రుణం తీర్చుకోలేనని చంద్రబాబు అన్నారు.
కసిగా కుప్పం జనం
కుప్పం ప్రజలను చూస్తే… ఎన్నికల కళ కనిపి స్తోంది. కుప్పం అభివృద్ధికి అడ్డుపడిన వైసీపీకి డిపాజి ట్లు కూడా ఇవ్వొద్దు అనే కసి కనిపిస్తోంది. పేదలకు అన్నం పెట్టేందుకు కుప్పంలో పెట్టిన అన్న క్యాంటీన్ రద్దు చేశారంటే వీళ్లు మనుషులా. కుప్పంలో చిల్లర రాజకీయాల చేసి కుప్పిగంతులు వేసే వాళ్లకు ఇదే నా హెచ్చరిక. పోలీసులను అడ్డుపెట్టుకుని ఇన్నాళ్లూ ఆటలు ఆడారు. ఇక కోడ్ వచ్చింది…మీకూ పోలీసులు లేరు…మాకూ పోలీసులు లేరు. ఈసీ ఆదేశాల మేరకు అందరూ పనిచేయాల్సిందే. పుంగనూరు నుంచి ఓ దోపిడీదారు వస్తాడు. కప్పం కట్టించుకోడానికి కుప్పం వస్తాడు. ఆ దోపిడీదారుడు దోచిందంతా కక్కిస్తా. మాజీ సీఎంగా, ప్రతిపక్షనేతగా నా నియోజకవర్గానికి రానివ్వకుండా అడ్డుకున్నారు. అక్రమ కేసులు బనా యించారు. నాపై రౌడీయిజం చేశారు. గౌనివారి శ్రీని వాసులు సహా అందర్నీ జైల్లో పెట్టారు. అధికారాన్ని అడ్డుపెట్టుకుని ఇష్టానుసారం రాజకీయాలు చేస్తామంటే కుదరదు. కుప్పంలో చోటా మోటా రౌడీలకు ఇదే నా హెచ్చరిక. ఎన్నికలు సరిగా జరక్కుండా అడ్డుపడితే మీ సంగతి తేలుస్తా. ప్రజాస్వామ్యాన్ని కుప్పం ప్రజలు కాపాడాలని చంద్రబాబు కోరారు.
నీళ్లపేరుతో డ్రామాలు
కుప్పానికి హంద్రీనీవా నీళ్లు అంటూ సైకో సీఎం హడావుడి చేశాడు. వచ్చాయా నీళ్లు? డ్రామాలాడి, సినిమా సెట్టింగులా గేట్లు పెట్టి స్విచ్ నొక్కాడు. సీఎం వెళ్లగానే గేట్ల సెట్టింగ్ ఎత్తేశారు. జలగా నీళ్లేవి అంటూ మన తమ్ముళ్లు నిరసన తెలిపారు. నేను సీఎంగా ఉన్న ప్పుడు పులివెందులకు నీళ్లిచ్చా. 90 శాతం హంద్రీనీవా పూర్తిచేశా.. 5 ఏళ్లు అధికారంలో ఉండి 10 శాతం పనులు పూర్తి చేయలేకపోయిన దద్దమ్మ, చవటలు మీరు…నన్నా మీరు విమర్శించేది. అధికారంలోకి రాగానే హంద్రీనీవాతో కుప్పానికి నీరిస్తా..చెరువులన్నీ నింపుతామని చంద్రబాబు హామీ ఇచ్చారు.
వడ్డీతో సహా చెల్లిస్తా
కుప్పం నియోజకవర్గానికి జగన్ తీరని అన్యాయం చేశారు. ఎప్పుడూ లేని విధంగా హింస, దాడులు, కబ్జాలు, గ్రానైట్ మాఫియా వచ్చింది. శాంతిపురంలో కేజీఎఫ్ మాదిరి మొత్తం తవ్వేశారు. నేను ఫిర్యాదు చేస్తే రెండు రోజులు మౌనంగా ఉండి మళ్లీ గ్రానైట్ దోపిడీ మొదలెట్టారు. చివరకు ఆడపిల్లలపైనా అక్రమ కేసులు బనాయించారు. మా కార్యకర్తలను జైలుకు పంపారు. ఏదీ మర్చిపోను. వడ్డీతో సహా చెల్లిస్తానని చంద్రబాబు హెచ్చరించారు.
వారి తరం కాదు
మీతో నా ఈ బంధం ఈనాటి కాదు. 35 ఏళ్లుగా నన్ను ఆదరిస్తున్నారు. మీకుటుంబసభ్యుడిగా చూశారు. కుప్పంలో ప్రతి ఇల్లూ నా ఇల్లే… నియోజక వర్గంలో ప్రతి ఊరూ..నా ఊరే. నన్ను ఓడిస్తామని, వై నాట్ కుప్పం అని కొందరు సైకోలు కుప్పిగంతులు వేశారు. నన్ను ఓడిరచడం వారి వల్ల కాదు… నేను అంటున్నా వై నాట్ పులివెందుల? జగన్ నీకు ఓటెందుకు వేయాలి? బాబాయిని గొడ్డలికి బలిచేసి నందుకా… రాష్ట్రాన్ని రావణకాష్టం చేసినందుకా? కుప్పం నుంచే నేను ఎన్నికల శంఖారావంగా ప్రజాగళం మోగిస్తు న్నా… ఈ తుపాను తీవ్ర వాయు గుండంగా మారి వైసీపీ నేతలు బంగాళాఖాతంలో కలిసిపోతారు. మే 13న ఉధృతంగా గాలివీయాలి. చెట్టూ, పుట్టా, గట్టూ మొత్తం సైకిల్ అనే మోత మోగాలి. ఫ్యాన్ చిత్తుచిత్తుగా ఓడిపోవాలి. 175నియోజకవర్గాల్లో కూటమి గెలవాల ని చంద్రబాబు అన్నారు.
అందరూ బాధితులే
వైసీపీ అక్రమాలు, దౌర్జన్యాలు, బాదుడే బాదుడును ప్రజలు భరించారు. అందరూ నష్టపోయారు. నాతో సహా అందరూ బాధితులయ్యారు. రూ.10 ఇచ్చి రూ.100 దోచిన దుర్మార్గుడు జగన్రెడ్డి. సీఎం సొంత కడప జిల్లా ఒంటిమిట్టలో చేనేతవర్గానికి చెందిన కుటుంబాన్ని వైసీపీ భుకబ్జాదారులు పొట్టనపెట్టుకున్నా రు. నేను సీఎంగా ఉండగా ఒంటిమిట్ట రామాలయాన్ని అభివృద్ధి చేశాను. అక్కడ భూముల రేట్లు పెరిగాయి. దీంతో అక్కడి చేనేత కార్మికుడి భూములపై వైసీపీ నేతల కన్నుపడిరది. రికార్డులు మార్చేసి ఆక్రమించారు. తట్టుకోలేని ఆకుటుంబం ప్రాణాలు తీసుకుంది. విశాఖ లో గన్పెట్టి ఎన్ఆర్ఐ సొంత భూమి రాసివ్వమన్నారు. ఎందుకివ్వాలని ప్రశ్నించినందుకు వేధించారు. రికార్డు లు మార్చారు.ఐదేళ్లుగా ఆయనపోరాడుతూనే ఉన్నాడు. సొంత భూమి కాపాడుకోడానికి కోట్లు ఖర్చు పెట్టాలా? తిరుపతిలోనూ ఎన్ఆర్ఐ డాక్టర్ సునీత భూమి కొంటే వైసీపీ నేతలు ఆ భూమి ఆక్రమించారు. ఇక్కడికి వచ్చి ప్రశ్నిస్తే ఈ భూమి నీదికాదన్నారు. విధిలేని పరిస్థితుల్లో అక్కడి నుంచి ఆవేదనతో వీడియో పెట్టింది. పలమనే రు ఎమ్మెల్యే వెంకటేగౌడ అక్రమాలకు అడ్డేలేదు. జనా ర్థన్ నాయుడుకు చెందిన గ్రానైట్క్వారీని బలవంతంగా రాయించుకున్నాడు. రూ.35లక్షల కరెంట్ బిల్లువస్తే… అది కూడా జనార్థన్నాయుడుని కట్టాలని బెదిరించా డు. వైసీపీ ప్రభుత్వంలో ప్రజల ఆస్తులకు రక్షణ లేదు. విశాఖకు 25 వేల కిలోల డ్రగ్స్ తరలించారు. ఈ వ్యవహారంతో వైసీపీ నేతలకు లింకులు న్నాయి. డ్రగ్స్ను అరికట్టకపోతే యువత భవిష్యత్ నిర్వీర్యమై పోతుందని చంద్రబాబు ఆవేదనవ్యక్తం చేశారు.
ముస్లింల రిజర్వేషన్లు కాపాడాం
ముస్లింలను కొందరు కావాలని రెచ్చగొడతారు… మీరు నమ్మొద్దు. ముస్లింల 4శాతం రిజర్వేషన్లు మేమే కాపాడాం. ఉర్దూను రెండో అధికార భాష చేయడంతో పాటు వక్స్బోర్డు ఆస్తులు అన్యాక్రాంతంకాకుండా రక్షిం చాం. జగన్పాలనలో వేధింపులు భరించలేక నంద్యాల లో అబ్దుల్ సలామ్ కుటుంబంతో కలిసి ఆత్మహత్య చేసుకున్నాడు. ఇలాంటిఘటనలు ఊరూరా జరుగుతు న్నాయి. ఏపీపీఎస్సీని అవినీతిమయం చేశారు. చట్టాన్ని అతిక్రమించి అవినీతికి పట్టంకట్టారు. ఇలా చెప్పుకుం టూ పోతే ఎన్నో ఉన్నాయని చంద్రబాబు అన్నారు.
ప్రత్యేక మేనిఫెస్టో
కుప్పం నియోజకవర్గానికి ప్రత్యేక మేనిఫెస్టో రెడీ చేస్తున్నా. మన నియోజకవర్గంలో పాడి పరిశ్రమను మరింత అభివృద్ధి చేస్తా…మహిళలకు ఉపాధి కల్పిస్తా. ప్రతి ఆడబిడ్డ గౌరవంగా బతికేలా చర్యలు తీసుకుం టాను. అర్హులందరికీ సొంతిళ్లు ఇస్తాం. జర్నలిస్టులు, లాయర్లు, మాజీ సైనికులు, చిరు వ్యాపారులు, టీచర్లు, పేద- మధ్య తరగతి వర్గాలకు సరసమైన ధరలకే భూములు ఇస్తాను. ప్రతి ఒక్కరినీ పారిశ్రామికవేత్తలను చేస్తా. కుప్పాన్ని అభివృద్ధి చేసింది నేనే….జగన్ రెడ్డి కేవలం గాడిదలకు పళ్లు మాత్రమే తోమాడు. కుప్పాన్ని ఎడ్యుకేషన్, నాలెడ్జ్ హబ్గా తయారుచేస్తా. కుప్పం పచ్చని సుందర ప్రాంతం.
ప్రకృతినీ వైసీపీ కేటుగాళ్లు ధ్వంసం చేస్తున్నారు. కనీసం ఏనుగులను కట్టడి చేయ లేని దద్దమ్మలు. కంచె వేయలేరా? ప్రజలను ఏనుగుల కు అప్పగిస్తారా? గంగమ్మ గుడి గోపురం రాతితో కట్టేబాధ్యత నేను తీసుకుంటా.ఈ పవిత్రకార్యం నాతోనే ప్రారంభం అవుతుంది. ప్రతిఒక్కరూ టీడీపీ-బీజేపీ-జనసేన అభ్యర్థులకే ఓటేయండి. ఒక దుర్మార్గుడు రాష్ట్రాన్ని నాశనం చేస్తున్నాడు. 40ఏళ్ల రాజకీయ జీవితంలో ఇంతటి దారుణాలు ఎప్పుడూ చూడలేదు. కలిసికట్టుగా పోరాడి సైకోను తరిమికొట్టాలనే పొత్తులు పెట్టుకున్నాం. మన పాలనలో వ్యవస్థలపై దాడులు ఉండవు…భరోసా, భద్రత ఎన్డీఏతోనే సాధ్యమని చంద్రబాబు ఉద్ఘాటించారు.
