జగన్‌రెడ్డిది విశ్వసనీయత కాదు.. విషపునీయత! : చంద్రబాబు నాయుడు

.మాట తప్పి మడమతిప్పడం విశ్వసనీయతా?
.వైకాపా ప్లీనరీలో అధికార దుర్వినియోగం
.ఆర్టీసికి రెండురోజుల్లో రూ.11కోట్ల నష్టం
.అమర్‌ నాథ్‌ యాత్రికుల పట్ల జగన్‌ రెడ్డి నిర్లక్ష్యం
.స్ట్రాటజీ కమిటీ సమావేశంలో చంద్రబాబు నాయుడు

అమరావతి: అమ్మను గెంటేసినవాడు ప్రజలకేమి చేస్తాడని తెలుగుదేశం పార్టీ అధినేత నారా చంద్రబాబు నాయుడు ప్రశ్నించారు. పార్టీ ముఖ్యనేతలతో నిర్వహించిన వ్యూహకమిటీ సమావేశంలో చంద్రబాబు మాట్లాడుతూ… జగన్‌ రెడ్డిది విశ్వసనీయత కాదు.. విషపునీయత అని దుయ్యబట్టారు. మద్యనిషేధం, సీపీఎస్‌, అమరావతిపై మాట తప్పి మడమతిప్పడం విశ్వసనీయతా? అని సూటిగా ప్రశ్నించారు. వైకాపా ప్లీనరీలో అధికార దుర్వినియోగానికి పాల్పడ్డారని ఆరోపించారు. రాష్ట్రానికి చెందిన అమర్‌ నాథ్‌ యాత్రికుల పట్ల జగన్‌ రెడ్డి నిర్లక్ష్యంగా వ్యవహరించారని అన్నారు.

స్ట్రాటజీ కమిటీ సమావేశంలో చర్చించిన అంశాలు:
1.జగన్‌ రెడ్డి విశ్వసనీయత గురించి మాట్లాడటం విడ్డూరంగా ఉంది. అమ్మని గెంటేసిన వాడు ప్రజలకేం చేస్తాడు? ఎన్నికలకు ముందు తన తండ్రి వైఎస్‌ బొమ్మ పెట్టుకున్నాడు. తర్వాత తనది, వైఎస్‌ బొమ్మ పెట్టుకున్నాడు. ఇప్పుడు తన బొమ్మ మాత్రమే పెట్టుకుని తండ్రి బొమ్మను తొలగించాడు. ఎన్నికలకు ముందు తల్లి, చెల్లికి సమాన కుర్చీలు వేసి.. ఇప్పుడు తనకు పెద్ద కుర్చీ, అమ్మకు చిన్న కుర్చీ వేశాడు. చెల్లిని గెంటేశాడు. చిన్నానపై గొడ్డలివేటు వేసిన నేరస్థుల్ని కాపాడటం విశ్వసనీయతా? పులివెందులలోనే జగన్‌ రెడ్డిని ఓడిరచడానికి పులివెందుల ప్రజలు ఎదురుచూస్తున్నారు. జగన్‌ రెడ్డిది విశ్వసనీయత కాదు.. విషపునీయత. అమ్మని గెంటేసేందుకు ప్లీనరీ పెట్టాడు. అమ్మని గెంటేసిన వాడు ప్రజలకు ఏం చేస్తాడు, అమ్మని గెంటేసిన వాడు ఎస్సీ, ఎస్టీ, మైనార్టీలకు ఏం చేస్తాడు? స్కూల్‌ పిల్లలకు ఏం చేస్తాడు? విశ్వసనీయత ఉంటే.. ఎన్నికలకు ముందు అమరావతి ఏకైక రాజధానిగా ఉంటుందని హామీ ఇచ్చి.. ఇప్పుడు మూడు రాజధానులంటున్నాడు. వారం రోజుల్లోనే సీపీఎస్‌ రద్దు చేస్తానని చెప్పి మోసం చేశాడు. 45 ఏళ్లకే పెన్షన్‌ ఇస్తానని చెప్పి మాట తప్పాడు. పెన్షన్‌ రూ.3 వేలు చేస్తానని చెప్పి మోసం చేశాడు. జగన్‌ రెడ్డి అవకాశవాది, కరుడుగట్టిన నేరస్థుడు. పీపుల్స్‌ రిప్రజెంటేషన్‌ యాక్ట్‌, సెక్షన్‌ 29కు విరుద్ధంగా శాశ్వతంగా పార్టీ అధ్యక్షుడుగా ప్రకటించుకుని చట్ట ఉల్లంఘనకు పాల్పడ్డారు. అవకాశం ఉంటే.. శాశ్వత ముఖ్యమంత్రినని కూడా ప్రకటించుకునే వారు. స్వతంత్ర భారతదేశంలో ఏ పార్టీ నేత కూడా తాను శాశ్వత అధ్యక్షుడినని ప్రకటించుకోలేదు. ఇందుకు విధివిధానాలు ఉన్నాయి. అభద్రతాభావం, జగన్‌ రెడ్డి సైకో మనస్తత్వం వల్లే ఈ విధమైన ఉన్మాద చర్యలకు పాల్పడుతున్నారు.
2.టీడీపీ అధికారంలోకి వస్తే సంక్షేమ పథకాలు నిలిపివేస్తారనే జగన్‌ రెడ్డి అబద్ధాలను సమావేశంలో నేతలు తీవ్రంగా ఖండిరచారు. అభద్రతా భావం, విద్వేషంతోనే జగన్‌ రెడ్డి అబద్ధాలు చెబుతున్నారు. జగన్‌ రెడ్డి కన్నా చంద్రబాబు సంక్షేమానికి ఎక్కువ ఖర్చు చేశారు. రూ.5లక్షల కోట్లు అప్పు తెచ్చి సంక్షేమానికి కేవలం రూ.లక్షా 50 వేల కోట్లు ఖర్చు చేసి మిగిలింది దోపిడీ చేశారు. అన్నా క్యాంటీన్లు, చంద్రన్న బీమా, విదేశీ విద్య, నిరుద్యోగ భృతి, రైతు రుణమాఫీ, పెళ్లి కానుకలు, పండుగ కానుకల లాంటి చంద్రన్న పెట్టిన 100 సంక్షేమ కార్యక్రమాల్ని జగన్‌ రెడ్డి రద్దు చేశారు. ఎస్సీ, ఎస్టీ, బీసీ, మైనార్టీ సబ్‌ ప్లాన్‌ నిధులు రూ.35వేల కోట్లు దారి మళ్లించారు. ప్రభుత్వ నిధులు దోపిడీ చేస్తూ జగన్‌ రెడ్డి సంక్షేమానికి కోతలు కోస్తున్నారు. టీడీపీ అధికారంలోకి వస్తే.. ఇంతకంటే ఎక్కువ సంక్షేమ కార్యక్రమాలు అమలు చేయడం జరుగుతుంది. కేంద్రం ఇస్తున్న రేషన్‌ బియ్యం 3 నెలల నుంచి నిలిపివేసిన జగన్‌ రెడ్డి.. కేంద్రం ఇచ్చే పిఎం కిసాన్‌ నిధులు రూ.6వేలను కూడా తన ఖాతాలో వేసుకుంటున్నారు. ఇదేనా సంక్షేమం?
3.వైకాపా ప్లీనరీలో అధికార దుర్వినియోగానికి పాల్పడ్డారు. ఆర్టీసీ బస్సులను, పారిశుద్ధ్య సిబ్బందిని, స్కూలు బస్సులు, ఆర్టీసీ బస్సులు ఇష్టారాజ్యంగా వినియోగించారు. 1812 బస్సులకు రెండు రోజులకు గాను ఆర్టీసీకి దాదాపు రూ.10.87 కోట్ల నష్టం వాటిల్లింది.
4.పాఠశాలల విలీనం నిర్ణయాన్నిఉపసంహరించుకోవాలి. 51 వేల ఉపాధ్యాయ ఖాళీలు భర్తీ చేయాలి.
5.మోటార్లకు మీటర్లు కేంద్రం ఉపసంహరించుకున్నా జగన్‌ రెడ్డి ప్రభుత్వం ఎందుకు ఉపసంహరించుకోదు? ఉద్యమిస్తున్న రైతులకు టీడీపీ సంఫీుభావం తెలియజేస్తోంది.
6.మున్సిపల్‌ కార్మికుల సమ్మెకు టీడీపీ సంఫీుభావం తెలుపుతున్నది. వారి సమస్యల్ని వెంటనే పరిష్కరించి పారిశుద్ధ్యాన్ని కాపాడాలని డిమాండ్‌ చేస్తున్నాం.
7.నేషనల్‌ ఇనిస్టిట్యూట్‌ ఆఫ్‌ ఓషన్‌ టెక్నాలజీ, ఇండియన్‌ ఇనిస్టిట్యూట్‌ ఆఫ్‌ ఫారిన్‌ ట్రేడ్‌, ఇండియన్‌ ఇనిస్టిట్యూట్‌ ఆఫ్‌ ప్యాకేజింగ్‌ యూనివర్సిటీల నిర్మాణం విషయంలో జగన్‌ రెడ్డి అలసత్వం వహిస్తున్నారు. విశాఖ ఉక్కు అమ్మకానికి వైకాపా ప్రభుత్వం సహకరిస్తోంది.
8.వేల కోట్ల ఖర్చుకు ఆడిట్‌ లేదని మాజీ ప్రభుత్వ ప్రధాన కార్యదర్శి ఎల్‌.వి సుబ్రహ్మణ్యం స్పష్టం చేశారు. రాష్ట్ర ప్రభుత్వ ఆదాయ, వ్యయాలపై శ్వేతపత్రం విడుదల చేయాలి.
9.తెలుగుదేశం పార్టీ చేపట్టిన సభ్యత్వ నమోదు, బాదుడే బాదుడు కార్యక్రమాలను కొనసాగించాలని సమావేశంలో నిర్ణయించారు.
10.అమర్‌నాథ్‌ యాత్రలో రాష్ట్రానికి చెందిన దాదాపు 37 మంది గల్లంతయ్యారు. జగన్‌ రెడ్డి ప్రభుత్వం మాత్రం ఎలాంటి సహాయక చర్యలు చేపట్టకుండా నిమ్మకు నీరెత్తినట్లుగా వ్యవహరించడాన్ని సమావేశంలో నేతలు ఖండిరచారు. తెలుగుదేశం పార్టీ చొరవ తీసుకుని సహాయక చర్యలు చేపట్టాలని, బాధితులకు అండగా నిలవాలని నిర్ణయించారు.
11.పీఏసీ ఛైర్మన్‌ పయ్యావుల కేశవ్‌కు భద్రత పెంచాలి.
12.వరద సహాయక చర్యలు పెంచాలి. ప్రజలు అప్రమత్తంగా ఉండాలి. ఈ కార్యక్రమంలో తెలుగుదేశం పార్టీ ఎంపీలు, ఎమ్మెల్యేలు, ఎమ్మెల్సీలు, ఇతర ముఖ్యనేతలు పాల్గొన్నారు.